San Lucas 6:20 - Q'eqchi Bible

²⁰ Li Jesus kixtaqsi li rilob'aal wankeb' wi' li xtzolom ut kixye: “Us xaq eere li neb'a'ex, xb'aan naq eere li xnimajwal awab'ejihom li Yos.

Li Santil hu

²⁰ Ut li Jesús quirileb lix tzolom ut qui-oc chixyebal: —Us xak e̱re la̱ex li nebaꞌex, xban nak cuanquex chic rubel xcuanquil li Dios.

San Lucas 6:20 ပူးပေါင်းရင်းမြစ်များ

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

2 Corintios 8:9

Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

San Lucas 12:32

“Mexxiwak li jun ch'ina ch'uutex linkarneer, xb'aan naq xwulak chiru leeYuwa' xk'eeb'al eere li xnimajwal awab'ejihom.

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

2 Corintios 6:10

ra wanko, ab'an junelik sa sa' qach'ool; wanko sa' neb'a'il, ab'an naqab'ihomob'resi naab'aleb'; chanchan wi' maak'a' wank qe, ab'anan chixjunil wank qe.

Sofonías 3:12

Tinkanab' aawik'in jun tenamit kub'enaq xwankil ut neb'a', li te'xkawub'resi xch'ooleb' wik'in.

Isaías 29:19

Eb' li kub'enaqeb' xwankil te'saho'q wi' chik xch'ool rik'in li Qaawa', ut eb' li neb'a' q'axal te'k'ojlaaq xch'ool rik'in li Yos, li xSant laj Israel.

Santiago 1:12

Us xaq reheb' li neke'xkuy li yale'k! Xb'aan naq, chirix xq'axb'al ru a'an, te'xk'ul xq'ajkamunkileb', a' li yu'am yeechi'inb'il chaq xb'aan li Qaawa' reheb' li neke'rahok re.

2 Ts 1:5

A'in reetalil li raqb'a aatin naxb'aanu li Yos sa' tiikilal; reetalil ajwi' naq eek'ulub' ok sa' li xnimajwal awab'ejihom li Yos: sa' xk'ab'a' ajwi' a'an yookex chi xk'ulb'al li rahilal.

1 Ts 1:6

Laa'ex xek'am eere qik'in ut rik'in li Qaawa', ut xek'ulub'a li Loq'laj Aatin sa' xyanqeb' li k'iila rahilal chi sa sa' leech'ool xb'aan li Santil Musiq'ej.

2 Corintios 8:2

us ta q'axal xe'yale'k rix xb'aan li rahilal xe'xk'ul, ab'anan q'axal numtajenaq li xsahilaleb' xch'ool, ut li xnimal xneb'a'ileb' xk'ihank cho'q b'ihomal xb'aan xchaab'ilal xch'ooleb'.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

San Lucas 14:15

Naq kirab'i a'in, jun reheb' li ula' kixye re li Jesus: —Us xaq re li taawa'aq sa' li xnimajwal wankilal li Yos.

San Lucas 13:28

“Aran taawanq li yaab'ak ut li k'uxuxink ruuch e, naq teeril ru laj Abrahán, laj Isahak ut laj Jakob ut chixjunileb' li propeet sa' li xnimajwal awab'ejihom li Yos, ut laa'ex tex'isiiq chirix kab'l.

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

San Mateo 11:5

Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

Zacarías 11:11

Chiru li kutan a'an kisache'k xwankil li sumwank, ut eb' laj k'ay karneer li yookeb' chi wilb'al, ke'xtaw ru naq a' li Qaawa' x'aatinak.

Isaías 66:2

Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

Proverbios 19:1

Jwal us li neb'a' ut tiik xch'ool chiru li maak'a' xna'leb' ut laj b'alaq'.

Proverbios 16:19

Jwal us naq taakub'si aawib' sa' xyanqeb' li neb'a' chiru li b'ihomal sa' xyanqeb' li neke'xnimob'resi rib'eb'.

1 Samuel 2:8

Naxwaklesi sa' pojtz' li kub'enaq xwankil ut narisi li neb'a' sa' xna'aj li mul, re xk'eeb'al chi k'ojlaak chi xk'atqeb' li ninqeb' xwankil, re xk'eeb'al sa' jun li na'ajej q'axal loq'. Xb'aan naq li Qaawa' a'an laj eechal re eb' li roqechal li ruuchich'och': sa' xb'eeneb' a'an k'ojob'anb'il li choxach'och'.

San Lucas 16:25

“Ut laj Abrahán kixye re: «At walal, chijultiko'q aawe naq sa xatwank chaq chiru laayu'am, ut laj Lázaro ra xk'ul chaq. Anaqwan nak'ojob'aak xch'ool arin ut laa'at q'axal ra wankat.

Salmos 37:16

Us ta kach'in ajwi' li k'aru re li tiik xch'ool, ab'an q'axal us wi' chik chiru xb'ihomaleb' laj maak,

San Mateo 5:1

Naq li Jesus kirileb' li k'iila tenamit, kitaqe'k chiru tzuul; ut naq koxk'ojlaaq, eb' li xtzolom ke'jilok chi xk'atq.