San Lucas 6:14 - Q'eqchi Bible

¹⁴ laj Simón (aj Pedro chik kixk'e cho'q xk'ab'a') ut laj Andrés li riitz'in, laj Santiago ut laj Jwan, laj Felipe ut laj Bartolomé,

Li Santil hu

¹⁴ laj Simón li quixqꞌue ajcuiꞌ Pedro chokꞌ xcꞌabaꞌ; laj Andrés li ri̱tzꞌin laj Pedro; laj Jacobo; laj Juan; laj Felipe; laj Bartolomé;

San Lucas 6:14 ပူးပေါင်းရင်းမြစ်များ

Hechos 1:13

Ut naq ke'wulak sa' li tenamit, ke'taqe'k sa' xkab' k'ojar li kab'l b'arwi' neke'hilank. Wankeb' laj Pedro, laj Jwan, laj Santiago ut laj Andrés, laj Felipe ut laj Tomás, laj Bartolomé ut laj Mateo, laj Santiago, ralal laj Alfeo, laj Simón Zelote ut laj Judas, ralal laj Santiago.

San Mateo 4:21

Kib'eek chik kach'in ut kiril wi' chik wiib'eb' li winq riitz'ineb' rib', a' laj Santiago ralal laj Sebedeo ut laj Jwan li iitz'inb'ej, wankeb' sa' li jukub' rochb'eeneb' laj Sebedeo li xyuwa'eb', yookeb' chi xxiitinkil li xyooyeb'; ut kixb'oqeb'.

San Mateo 4:18

Ut naq yo chaq chi b'eek li Jesus chire li palaw re Galilea, kiril wiib'eb' li winq riitz'ineb' rib', a' laj Simón, aj Pedro nayeemank re, ut laj Andrés li riitz'in, yookeb' chi xkutb'al li xyooyeb' sa' li palaw xb'aan naq aj kareb'.

2 Pedro 1:1

Laa'in laj Simón Pedro, xmoos ut x'apóstol li Jesukriist, nintz'iib'ak rik'ineb' li xe'xmaatani li qaloq'laj paab'aal sa' xk'ab'a' li xtiikilal xch'ool li Jesukriist, a'an li qaYos ut aj Kolol qe.

Hechos 12:2

ut kixtaqla xkamsinkil rik'in ch'iich' laj Santiago, ras laj Jwan.

San Juan 14:8

Laj Felipe kixye re: —Qaawa', k'ut chiqu li Yuwa'b'ej ut taak'ojlaaq qach'ool.

San Juan 6:8

Toja' naq jun reheb' li xtzolom, a' laj Andrés riitz'in laj Simón Pedro, kixye re:

San Juan 6:5

Naq kixtaqsi li rilob'aal, li Jesus kirileb' li k'iila tenamit yookeb' chi chalk rik'in, ut kixye re laj Felipe: —B'ar tooloq'oq wa re te'wa'aq eb' a'in?

San Juan 1:45

Laj Felipe koxtaw laj Natanael ut kixye re: —Xqataw li tz'iib'anb'il chaq resil sa' li Chaq'rab' xb'aan laj Moisés, jo'wi' xb'aaneb' li propeet: a' li Jesus, ralal laj José, a' laj Nazaret.

San Lucas 5:10

Jo'kan ajwi' ke'xk'ul laj Santiago ut laj Jwan, ralaleb' laj Sebedeo, rech aj karineleb' laj Simón. Ab'an li Jesus kixye re laj Simón: —Matxiwak. Chalen anaqwan eb' laawas aawiitz'in chik taasik' cho'q ruuchil li kar.

San Lucas 5:8

Naq kiril a'an laj Simón Pedro, koxkut rib' chi roq li Jesus ut kixye: —Elen chink'atq, at Qaawa', xb'aan naq laa'in jun winq aj maak!

San Marcos 14:33

Kixk'am chirix laj Pedro, laj Santiago ut laj Jwan, ut kixtikib' xiwak ut yot'e'k xch'ool:

San Marcos 9:2

Waqib'aq kutan chik a'an, li Jesus kixb'oqeb' laj Pedro, laj Santiago ut laj Jwan, ut kixk'ameb' xjuneseb' sa' xb'een jun li tzuul najt xteram. Naq wankeb' aran xjuneseb', kilemtz'uno'k li xjunxaqalil chiruheb'.

San Marcos 5:37

Ut ink'a' kiraj naq taa'ochb'eeniiq xb'aan anihaq chik, ka'aj b'an wi' xb'aan laj Pedro, laj Santiago ut laj Jwan, li riitz'in laj Santiago.

San Marcos 1:29

Naq ke'elk sa' li ch'utleb'aal kab'l, koho li Jesus rochb'een laj Santiago ut laj Jwan sa' rochoch laj Simón ut laj Andrés.

San Marcos 1:19

Kib'eek chik kach'in ut kiril laj Santiago, ralal laj Sebedeo, jo'wi' li riitz'in, a' laj Jwan: eb' a'an ajwi' wankeb' sa' li jukub', yookeb' chi xxiitinkil li xyooyeb'.

San Mateo 10:3

laj Felipe ut laj Bartolomé; laj Tomás ut laj Mateo laj titz'ol toj; laj Santiago, ralal laj Alfeo, ut laj Tadeo;

San Mateo 10:2

Li xk'ab'a'eb' li kab'laju chi apóstol a'aneb' a'in: xb'een, laj Simón, aj Pedro nayeemank re, ut laj Andrés li riitz'in; laj Santiago, ralal laj Sebedeo, jo'wi' laj Jwan li riitz'in;

San Marcos 3:16

Ut kixxaqab'eb' li Kab'laju: laj Simón, aj Pedro chik kixk'e cho'q xk'ab'a';

San Lucas 6:13

Naq kikutano'k, kixb'oqeb' li xtzolom, kixsik' ru kab'laju sa' xyanqeb' ut apóstol kixk'e cho'q xk'ab'a'eb':

San Lucas 6:15

laj Mateo ut laj Tomás, laj Santiago, ralal laj Alfeo, ut laj Simón, li Zelote ajwi' nayeemank re,