San Lucas 4:41 - Q'eqchi Bible

⁴¹ Naab'aleb' ajwi' ke'elk maa'us aj musiq'ej rik'ineb', japjookeb' re chi xyeeb'al: —Laa'at li Ralal li Yos! A'ut a'an kixq'useb' chi kaw ut ink'a' kixkanab'eb' chi aatinak, xb'aan naq neke'xnaw naq a'an li Kriist.

Li Santil hu

⁴¹ Ut nabaleb ajcuiꞌ li quirisi ma̱us aj musikꞌej riqꞌuineb. Li ma̱us aj musikꞌej nak nequeꞌel riqꞌuineb, japjo̱queb re chixyebal: —La̱at Ralal li Dios, chanqueb. Abanan li Jesús quixkꞌuseb ut incꞌaꞌ quixcanabeb chi a̱tinac xban nak eb aꞌan queꞌxnau nak aꞌan li Cristo, laj Colonel li yechiꞌinbil xban li Dios.

San Lucas 4:41 ပူးပေါင်းရင်းမြစ်များ

San Marcos 1:34

Ut kixk'irtasi naab'aleb' li yaj, k'iila paay ruheb' li xyajel. Kirisi ajwi' naab'al chi maa'us aj musiq'ej; ut ink'a' kixkanab'eb' chi aatinak li maa'us aj musiq'ej, xb'aan naq neke'xnaw ru.

Santiago 2:19

Laa'at nakapaab' naq li Yos jun ajwi': us ajwi' naq nakapaab'. Eb' laj tza neke'xpaab' ajwi' a'an ut neke'xsiksiki rib' xb'aan.

San Juan 20:31

A'ut eb' a'in tz'iib'anb'ileb' re naq yooqex chi xpaab'ankil naq li Jesus a'an li Kriist, li Ralal li Yos, ut rik'in xpaab'ankil taawanq eeyu'am sa' xk'ab'a' A'an.

San Marcos 3:11

Ut eb' li tz'ajn aj musiq'ej, naq neke'ril ru, neke'xkutb'e rib' chi roq ut neke'xjap re: “Laa'at Ralalat li Yos”, chankeb'.

San Mateo 4:3

Toja' naq kijilok laj aalenel chi xk'atq ut kixye re: —Wi laa'at Ralal li Yos, ye naq eb' li pek a'in che'jaltesiiq cho'q wa.

San Mateo 26:63

Ab'an li Jesus ink'a' kichaq'ok. Ut li xyuwa'il aj tij kixye re: —Nintz'aama chawu sa' xk'ab'a' li yo'yookil Yos: ye qe ma laa'at li Kriist, li Ralal li Yos.

San Mateo 8:29

Tikto ke'xjap reheb' chi xyeeb'al: —K'aru wank qe aawik'in, at Ralal li Yos? Ma xatchalk arin re qarahob'tesinkil chi toj maji' xq'ehil?

San Marcos 1:25

Li Jesus kixq'us chi kaw: —Matchoqink! Elen rik'in, chan re.

San Mateo 8:4

Li Jesus kixye re: —Il, maa'ani aj e chaye a'in; ayu b'an, k'ut aawib' chiru laj tij ut k'e laamayej li chaq'rab'inb'il xb'aan laj Moisés, re naq ch'olch'ooq chiruheb'.

San Mateo 8:16

Naq ki'ewuuk, ke'k'ame'k chaq rik'in li Jesus naab'aleb' li eechaninb'ileb' xb'aan laj tza; kirisiheb' li maa'us aj musiq'ej rik'in li raatin ut kixk'irtasi chixjunileb' li yaj.

San Marcos 1:32

Ewu, naq ak x'ok li saq'e, chixjunileb' li yaj ut li eechaninb'ileb' xb'aan laj tza ke'k'ame'k chaq rik'in li Jesus.

San Lucas 4:39

Naq kixk'utzub' rib' sa' xb'een, kixq'us chi kaw li tiq, ut kikanab'aak li ixq xb'aan li xyajel. Kiwakliik chi junpaat ut ki'ok chi k'anjelak chiruheb'.