San Lucas 4:35 - Q'eqchi Bible

³⁵ Li Jesus kixq'us chi kaw ut kixye: —Matchoqink! Elen rik'in li winq a'an. Toja' naq li tz'ajn aj musiq'ej kixrum li winq chiru ch'och', sa' xyiheb', ut ki'elk rik'in chi maak'a' kixb'aanu re.

Li Santil hu

³⁵ Abanan li Jesús quixkꞌus li ma̱us aj musikꞌej ut quixye re: —La̱at ma̱us aj musikꞌej, matchokin. Elen riqꞌuin li cui̱nk aꞌin, chan li Jesús. Ut li ma̱us aj musikꞌej quixtꞌan li cui̱nk chiruheb aꞌan, ut qui-el riqꞌuin ut ma̱cꞌaꞌ quixba̱nu re.

San Lucas 4:35 ပူးပေါင်းရင်းမြစ်များ

San Lucas 4:41

Naab'aleb' ajwi' ke'elk maa'us aj musiq'ej rik'ineb', japjookeb' re chi xyeeb'al: —Laa'at li Ralal li Yos! A'ut a'an kixq'useb' chi kaw ut ink'a' kixkanab'eb' chi aatinak, xb'aan naq neke'xnaw naq a'an li Kriist.

San Lucas 4:39

Naq kixk'utzub' rib' sa' xb'een, kixq'us chi kaw li tiq, ut kikanab'aak li ixq xb'aan li xyajel. Kiwakliik chi junpaat ut ki'ok chi k'anjelak chiruheb'.

San Mateo 8:26

Ut a'an kixye reheb': —K'a'ut naq nekexxiwak laa'ex li jwal kach'in leepaab'aal? Toja' naq kiwakliik, kixq'us li iq' ut li palaw, ut ch'anaamil kikanaak.

Apocalipsis 12:12

Jo'kan utan, chisaho'q sa' eech'ool, ex choxa ut chejunilex li wankex chisa'. Ab'an ra chaalel sa' eeb'een laa'ex li ruuchich'och' ut palaw, xb'aan naq laj tza xkub'eek eerik'in chi k'ajo' xjosq'il: naxnaw naq ajlanb'il kutan aj chik taawanq”.

San Lucas 11:22

Ab'anan, wi taachalq junaq q'axal kaw rib' chiru a'an ut tixq'ax ru, tixmaq' eb' li xch'iich' li kaw wi' xch'ool ut tixjek'i chixjunil li k'aru re.

San Lucas 9:42

Ut naq yo chi nach'ok li al, kit'ane'k ut kichiq'leek xb'aan laj tza. Li Jesus kixq'us chi kaw li tz'ajn aj musiq'ej, kixk'irtasi li ch'ina'al ut kixq'axtesi re li xyuwa'.

San Lucas 9:39

Nachape'k xb'aan jun musiq'ej ut chi junpaat naxjap re, naxchiq'le rib' ut nawoqxo'k sa' re. Ut naq ak tawasinb'il chi us, elajik nakanab'aak xb'aan.

San Lucas 8:24

Ke'jilok chi xk'atq, ke'rajsi ut ke'xye re: —At Tzolonel, at Tzolonel, oso'k qe! Ki'ajk ru li Jesus ut kixq'us li iq' jo'wi' li xkaw oq li ha'; toja' naq ke'ch'anaak ut kichalk li tuqtuukilal.

San Marcos 9:26

Ut li musiq'ej kixjap re ut kixchiq'le chi kaw li al; toja' naq ki'elk, ut li al chanchan kamenaq kikanaak: jo'kan naq naab'aleb' ke'ok chi xyeeb'al naq xkamk.

San Marcos 1:26

Toja' naq li tz'ajn aj musiq'ej kixchiq'le li winq, kixjap re chi kaw ut ki'elk rik'in.

San Mateo 17:18

Li Jesus kixq'us chi kaw li maa'us aj musiq'ej ut ki'elk rik'in. Ut sa' ajwi' li honal a'an kik'iraak li ch'ina'al.

Zacarías 3:2

Toja' naq li x'ánjel li Qaawa' kixye re li maa'us: “Li Yos taxaq chich'iilanq aawe, at maa'us! A' taxaq li xsik'ok ru li tenamit Jerusalén chiq'usuq aawe! Ma ink'a' tab'i' xkole'k li winq a'in jo' junaq ru'uj si' sa' xam?”.

Salmos 50:16

Ab'an li Yos naxye re li ink'a' us xna'leb': “K'a'ut naq nakach'olob' xyaalal linchaq'rab', k'a' naq nakat-aatinak chirix linloq'laj sumwank,

San Marcos 4:39

Li Jesus ki'ajk ru, kixq'us li iq' ut kixye re li palaw: —Matchoqink! Ch'anaqat! Kich'anaak li iq' ut kichalk jun nimla tuqtuukilal.

San Lucas 4:23

Kixye li Jesus reheb': —Ch'olch'o naq teeye we li aatin a'in: «At aj b'anonel, b'an wan aawib'. Chixjunil li xqab'i naq xk'ulmank aran Kafarnaúm, b'aanu ajwi' arin sa' laatenamit».