San Lucas 4:23 - Q'eqchi Bible

²³ Kixye li Jesus reheb': —Ch'olch'o naq teeye we li aatin a'in: «At aj b'anonel, b'an wan aawib'. Chixjunil li xqab'i naq xk'ulmank aran Kafarnaúm, b'aanu ajwi' arin sa' laatenamit».

Li Santil hu

²³ Ut li Jesús quixye reheb: —Ma̱re te̱ye cue jun li a̱tin li naxye: “At aj banonel, ban a̱cuib a̱junes. La̱o xkabi resil nak nabal li cꞌaꞌak re ru xaba̱nu Capernaum. ¿Cꞌaꞌut nak incꞌaꞌ ta̱ba̱nu aꞌan arin saꞌ la̱ tenamit?” ma̱re chaꞌkex cue.

San Lucas 4:23 ပူးပေါင်းရင်းမြစ်များ

San Marcos 6:1

Ki'elk li Jesus aran ut koho sa' li xtenamit rochb'eeneb' li xtzolom.

San Mateo 4:13

Kixkanab' Nazaret ut koxna'ajunq Kafarnaúm chire li palaw, sa' xch'och'eb' laj Sabulón ut laj Neftalí.

2 Corintios 5:16

Chalen ut anaqwan maa'ani chik naqanaw ru yal rik'in ruuchich'och'il k'a'uxl; ut wi junxil xqanaw ru li Kriist rik'in ruuchich'och'il k'a'uxl, anaqwan ink'a' chik naqanaw ru chi jo'kan.

San Juan 4:28

Li ixq kixkanab' li xkuk, koho sa' aanil sa' li tenamit ut koxye reheb' li wankeb' aran:

San Lucas 6:42

Chanru tatruuq xyeeb'al re laawas aawiitz'in: «At was wiitz'in, kanab'in risinkil li mul sa' laawu», ut ink'a' nakak'e reetal li tz'amb'a wank sa' laawu? At aj ka'pak'al u, isi wan li tz'amb'a sa' laawu; chi jo'kan tat-iloq chi us ut tatruuq risinkil li mul sa' ru laawas aawiitz'in.

San Lucas 4:16

Naq kiwulak Nazará b'arwi' kik'iiresiik, ki'ok sa' li ch'utleb'aal kab'l sa' sábado, jo' k'aynaq xb'aanunkil, ut kixaqliik re xyaab'asinkil xsa' li Santil Hu.

San Mateo 13:54

Ut naq kiwulak sa' li xtenamit, ki'ok chi xtzolb'aleb' sa' li ch'utleb'aal kab'l li wank aran. Ut eb' a'an nalaje'sachk xch'ool chi rab'inkil ut neke'xye: —B'ar naxtaw li xnimal na'leb' a'in jo'wi' li xnimal xwankilal?

San Mateo 4:23

Li Jesus kixb'eeni chixjunil Galilea, yo chi xtzolb'aleb' sa'atqeb' li xch'utleb'aal kab'l. Naxpuktesi li xchaab'il esil li xnimajwal wankilal li xchoxa ut naxk'irtasi chixjunil li rahilal ut yajel sa' xyanqeb' li tenamit.

San Lucas 2:39

Naq ak xe'xb'aanu chixjunil li naxye li xChaq'rab' li Qaawa', ke'sutq'iik Galilea, sa' li xtenamiteb', Nazaret xk'ab'a'.

San Lucas 2:51

Toja' naq kisutq'iik wi' chik Nazaret rochb'eeneb', ut napaab'ank chiruheb'. Li xna' naxk'uula chi us sa' xch'ool chixjunil a'in.

San Lucas 4:31

Kikub'eek sa' li tenamit Kafarnaúm, sa' xteepal Galilea. Rajlal sábado naxtzoleb' li wankeb' aran,

San Lucas 4:35

Li Jesus kixq'us chi kaw ut kixye: —Matchoqink! Elen rik'in li winq a'an. Toja' naq li tz'ajn aj musiq'ej kixrum li winq chiru ch'och', sa' xyiheb', ut ki'elk rik'in chi maak'a' kixb'aanu re.