San Lucas 3:1 - Q'eqchi Bible

¹ Ak o'laju chihab' rokik chi awab'ejil laj Tiberio César ut laj Poncio Pilato wan chaq cho'q ruuchil li awab'ej aran Judea. Laj Herodes nataqlank sa' xb'een Galilea, laj Felipe li riitz'in sa' xb'een Iturea ut Trakonítida, ut laj Lisanias sa' xb'een Abilene.

Li Santil hu

¹ Yo̱ oꞌlaju chihab roquic chokꞌ acuabej laj Tiberio César, nak cua̱nk laj Poncio Pilato chi takla̱nc saꞌ li tenamit Judea. Laj Herodes aꞌan cua̱nk chi takla̱nc saꞌ li tenamit Galilea. Ut laj Felipe li ri̱tzꞌin cua̱nk chi takla̱nc saꞌ li tenamit Iturea ut saꞌ li naꞌajej Traconite, ut laj Lisanias cua̱nk chi takla̱nc saꞌ li tenamit Abilinia.

San Lucas 3:1 ပူးပေါင်းရင်းမြစ်များ

San Lucas 2:1

Sa'eb' li kutan a'an ki'elk jun xchaq'rab' laj César Augusto naq chixjunileb' li wankeb' sa' ruuchich'och' te'xk'e chi tz'iib'aak li xk'ab'a'eb'.

San Mateo 27:2

Ut naq ke'xb'ak', ke'xk'am ut koxe'xq'axtesi sa' ruq' laj Pilaat, ruuchil li awab'ej.

Hechos 26:30

Toja' naq laj Agripa jo' ajwi' li ruuchil li awab'ej, lix Berenice ut li k'ojk'ookeb' rochb'eeneb' ke'xaqliik

Hechos 24:27

Jo'ka'in naq ke'nume'k wiib' chihab'. Chirix chik a'an ki'ok laj Porsio Festo cho'q reeqaj laj Félix; ut a'an kiraj xq'unb'esinkil xch'ooleb' laj Judiiy, jo'kan naq kixkanab' laj Pablo sa' tz'alam.

Hechos 23:26

“Laa'in aj Klawdio Lisias nintaqla xsahil aach'ool, at xnimal ru ruuchil li awab'ej.

Hechos 4:27

“Xb'aan naq relik chi yaal, sa' li tenamit a'in, laj Herodes ut laj Poncio Pilaat, rochb'eeneb' laj Israel jo'keb' ajwi' li jalaneb' xpaab'aal, xe'xk'am rib' sa' aatin chi xxikb'al rilb'al li Jesus, laasantil moos sik'b'il ru aab'aan cho'q Kriist.

San Lucas 23:24

Toja' naq laj Pilaat kiraqok aatin sa' xb'een naq chi'uxmanq li b'arwan yookeb' chi xtz'aamankil.

San Lucas 9:7

Li rey Herodes naq kirab'i resil chixjunil li yo chi k'ulmank, ink'a' nak'ojlaak xch'ool, xb'aan naq wank neke'yehok: “Laj Jwan xwakliik chi yo'yo sa' xyanqeb' li kamenaq”.

San Lucas 3:19

Laj Herodes, li nataqlank sa' xb'een Galilea, kaw naq'use'k xb'aan laj Jwan xmaak li xHerodías, rixaqil li riitz'in, jo' ajwi' xmaak chixjunil li maa'usilal kilajxb'aanu.

San Marcos 6:17

Laj Herodes kixye chi jo'kan xb'aan naq a'an kitaqlank xchapb'al laj Jwan re xb'ak'b'al sa' tz'alam xmaak lix Herodías, li rixaqil laj Filipo li riitz'in, li kisumlaak wi' laj Herodes.

San Mateo 14:3

Laj Herodes kixye a'in xb'aan naq a'an li kichapok re laj Jwan ut chi b'ak'b'o kixk'e sa' tz'alam, xmaak lix Herodías, li rixaqil laj Filipo li riitz'in.

San Mateo 14:1

Sa'eb' li kutan a'an li rey Herodes kirab'i resil li nayeemank chirix li Jesus,

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

San Mateo 14:6

Sa' xninq'ehinkil xyo'lajik laj Herodes, li xko' lix Herodías kixajok sa' xyiheb' chixjunil ut kiwulak chiru laj Herodes:

San Mateo 22:17

Ye b'i' qe k'aru nakak'oxla: Ma us xk'eeb'al li toj re li awab'ej, malaj ut ink'a'?

San Marcos 6:21

Kiwulak ut xq'ehil naq laj Herodes, sa' xninq'ehinkil li xyo'lajik, kixb'oqeb' chi wa'ak li ninqeb' xwankil, eb' laj taqlanel ut li xb'eenileb' aj Galilea.

San Lucas 13:31

Sa' ajwi' li honal a'an wankeb' aj Pariseey ke'jilok chi xk'atq li Jesus ut ke'xye re: —Elen arin ut ayu, xb'aan naq laj Herodes taaraj aakamsinkil.