San Lucas 24:47 - Q'eqchi Bible

⁴⁷ ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

Li Santil hu

⁴⁷ Tzꞌi̱banbil ajcuiꞌ retalil nak ta̱julticama̱nk chiruheb chixjunileb li tenamit nak tento teꞌxyotꞌ xchꞌo̱leb ut teꞌxjal xcꞌaꞌuxeb re ta̱cuyma̱nk ta̱sachma̱nk lix ma̱queb saꞌ xcꞌabaꞌ aꞌan. Ta̱ticla̱k xchꞌolobanquil arin Jerusalén.

San Lucas 24:47 ပူးပေါင်းရင်းမြစ်များ

Hechos 5:31

A'an li kitaqsiik xb'aan li Yos toj sa' xnim uq' cho'q aj jolominel ut aj kolonel, re xk'eeb'al reheb' laj Israel li yot'b'ach'oolej jalb'ak'a'uxl jo'wi' li xkuyb'al xsachb'aleb' li xmaak.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Hechos 2:38

Laj Pedro kixchaq'b'eheb' ut kixye: —Cheyot' eech'ool chejal eek'a'uxl ut chikub'eeq eeha' chejunjunqal sa' xk'ab'a' li Jesus li Kriist, re te'kuymanq te'sachmanq leemaak; ut teek'ul li xsimaatan li Santil Musiq'ej.

Hechos 20:21

xinjultika chi kaw chiruheb' laj Judiiy ut eb' laj Griego naq tento te'xjal xk'a'uxl ut te'xq'axtesi rib' re li Yos, jo' ajwi' naq te'xpaab' li Qaawa' Jesus.

Hechos 13:46

Toja' naq laj Pablo ut laj Bernabé chi kaweb' xch'ool ke'xye: —Tento naq eere laa'ex xb'enwa xyeemank li Raatin li Yos. Ab'anan, rik'in naq neketz'eqtaana a'an ut nekereek'a eerib' naq moko eek'ulub' ta li junelik yu'am, ab'ihomaq: tooxik rik'ineb' li junch'ol chik.

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Hechos 11:18

Naq ke'rab'i a'in, eb' laj paab'anel aj Jerusalén ke'k'ojlaak xch'ool ut ke'xnima ru li Yos: —A'in naraj naxye naq li Yos xk'e ajwi' reheb' li maawa'eb' aj Judiiy naq te'xyot' xch'ool te'xjal xk'a'uxl ut te'ok sa' li yu'am, chankeb'.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Salmos 86:9

At Qaawa', laa'at xayiib' chixjunileb' li tenamit, ut eb' a'an tule'xwiq'ib' rib' chawu: te'chalq chi xk'eeb'al xloq'al laak'ab'a'.

San Mateo 3:2

“Cheyot' eech'ool chejal eek'a'uxl, xb'aan naq li xnimajwal wankilal li choxa ak nach' wank”, chan.

Oseas 2:23

Tinkanab' laj Israel sa' li xna'aj, twuxtaana ru li «Ink'a' uxtaananb'il ru»; ut li «Maawa' intenamit» tinye re: «Laa'at lintenamit», ut a'an tixye we: «At inYos»”, cha'aq.

Salmos 22:27

Te'tzekanq li neb'a' ut taak'ojlaaq xch'ooleb'; eb' li neke'sik'ok re li Qaawa', te'xnima ru ut najtaq roq li xyu'ameb'.

Génesis 12:3

Twosob'tesiheb' li te'osob'tesinq aawe, ut tinmajewaheb' li te'majewanq aawe. Osob'tesinb'ilaqeb' sa' laak'ab'a' chixjunil li tenamit sa' ruuchich'och'”.

1 Juan 2:12

Nintz'iib'ak eerik'in, ex inkok'al, xb'aan naq kuyb'il sachb'il chik leemaak sa' xk'ab'a' li Jesus.

Colosenses 1:27

Li Yos kiraj xk'utb'al chiruheb' a'an li xchamal xsasal li xloq'al li muqmuukil na'leb' a'in sa' xyanqeb' li maawa'eb' aj Judiiy, a' li Kriist li wank eerik'in, li k'ojk'o wi' leech'ool chi royb'eninkil xnimal eeloq'al.

Hechos 10:43

Li Jesus a'in ke'xch'olob' xyaalal chixjunileb' li propeet: ke'xye naq chixjunil li taapaab'anq re tixk'ul xkuyb'al xsachb'al li xmaak sa' xk'ab'a'.

Hechos 4:12

Xb'aan naq maa'ani chik aj ik'in wank li kolb'a ib'; maak'a' chik junaq k'ab'a'ej rub'el choxa k'eeb'il qe cho'q aj Kolonel.

Hechos 3:19

Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.

Miqueas 4:2

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Isaías 52:15

jo'kan ajwi' naab'aleb' li tenamit te'sachq xch'ool ut eb' li awab'ej mem aj chik te'kanaaq, xb'aan naq te'ril li maajun wa seeraq'inb'il reheb' ut te'xka'ya li maajun wa rab'ihomeb'.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

Efesios 1:6

re naq taanimaaq xloq'al li usilal koorusila wi' sa' xk'ab'a' li xraarookil Alal.

Romanos 5:20

Li Chaq'rab' ki'ok re naq chinumtaaq li maak. Ab'an b'arwi' kinumtaak li maak, k'ajo' chik naq kinumtaak li rusilal li Yos.

Hechos 28:28

“Chenawaq b'i' naq li Yos naraj xkolb'aleb' li maawa'eb' aj Judiiy, ut eb' a'an relik chi yaal naq te'rab'i”.

Hechos 26:20

kohin b'an xb'enwa rik'ineb' laj Damaask; chirix chik a'an rik'ineb' laj Jerusalén ut sa' chixjunil xsutam Judea jo' ajwi' rik'ineb' li maawa'eb' aj Judiiy, chi xyeeb'al naq che'xyot' xch'ool che'xjal xk'a'uxl. Xinye ajwi' reheb' naq che'sutq'iiq rik'in li Yos ut che'wanq jo' xk'ulub' wi' li yot'b'ach'oolej jalb'ak'a'uxl.

San Lucas 13:34

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

San Mateo 9:13

Ayuqex chi xtzolb'al xyaalal a'in: «Uxtaanank nawaj, ink'a' mayejak». Xb'aan naq ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

Isaías 49:22

Jo'ka'in kixye li Qaawa' Yos: “Laa'in tink'ut li wuq' chiruheb' li tenamit ut tink'e junaq eetalil cho'q reheb' li poyanam, re naq te'xk'am chaq chi q'unq'u eb' laawalal ut eb' laarab'in te'k'ame'q chaq sa' xb'eeneb' xtel.

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Isaías 5:4

K'a' raj chik ru xinb'aanu re li wawimq? Malaj wank k'aru ink'a' xinb'aanu re? Xwoyb'eni ki'il uub'; k'a'ut naq junes ra re li uub' xk'e?

Salmos 67:7

Li ch'och' ak xk'ehom li xloq'laj awimq: li qaYos yo chi qosob'tesinkil.