San Lucas 24:32 - Q'eqchi Bible

³² Ut ke'xye chirib'ileb' rib': —Ma ink'a' tab'i' naxamnak li qach'ool naq yo chaq chi qaatinankil sa' b'e ut yo xch'olob'ankil chiqu li Santil Hu?

Li Santil hu

³² Ut eb aꞌan queꞌxye chi ribileb rib: —Joꞌcan peꞌ nak yo̱co chak recꞌanquil jun sahil chꞌo̱lej saꞌ ka̱m nak yo̱ chak chika̱tinanquil saꞌ be ut nak yo̱ chixchꞌolobanquil chiku li naxye saꞌ li Santil Hu, chanqueb.

San Lucas 24:32 ပူးပေါင်းရင်းမြစ်များ

San Lucas 24:45

Toja' naq kixte xk'a'uxeb' re naq te'xtaw xyaalal li Santil Hu.

Hebreos 4:12

Relik chi yaal naq yo'yo li Raatin li Yos ut kaw rib', jwal q'es chiru chixjunil li ch'iich' ka'pak'al xq'esnal. Nawulak toj sa' xyanq li aanmej rik'in li musiq'ej, toj sa'atq xtiqb'al li qab'aqel ut li sulutz; narajla jo'ch'inal jo'nimal li nareek'a ut naxk'oxla li ch'oolej.

Jeremías 20:9

Rajlal naq ninye: “Ink'a' chik tink'oxla li Qaawa' chi moko tin'aatinaq chik sa' xk'ab'a' A'an”, ab'anan laawaatin chanchan jun li xam lochlo sa' linch'ool, li naxk'at chaq xsa'eb' linb'aqel. Us ta nawaj raj xchupb'al, ab'anan ink'a' ninruuk xb'aanunkil.

Salmos 39:3

Xinkanaak chi ch'anch'o jo'kin junaq mem, ink'a' chik xin'aatinak. Ab'an naq saheb' chik sa' xch'ool, xnimank ajwi' linrahilal.

Jeremías 15:16

Naq xak'e we laawaatin, xink'uleb' chi anchal linch'ool ut xintzeka; a'an tz'aqal nak'ehok xsahil li waanm, xb'aan naq sik'b'il wu aab'aan, at Qaawa', at Nimajwal Yos.

Proverbios 27:17

Li ch'iich' naq'esnaak rik'in ch'iich'; ut li winq, winq ajwi' taatuqub'anq xna'leb'.

San Juan 6:63

A' li musiq'ej nak'ehok yu'am; li tz'ejwalej maak'a' na'ok wi'. Eb' li aatin xinye eere a'an musiq'ej ut yu'am.

Hechos 28:23

Ke'xxaqab' xkutankil rilb'al wi' chik laj Pablo ut, naq kiwulak xkutankil, q'axal naab'aleb' chik ke'chalk b'arwi' nahilank. Toja' naq laj Pablo kixtikib' xyeeb'al resil li xnimajwal awab'ejihom li Yos, yo chi xch'olob'ankil li yaal chiruheb' ut yalyo xq'e chi xq'unb'esinkil xch'ooleb' chirix li Jesus rik'in li naxye li xChaq'rab' laj Moisés ut eb' li Propeet: kixtikib' eq'la ut kiraqe'k ewu.

Isaías 50:4

Li Qaawa' xinxtzol chi aatinak jo' xtz'aqal tzolom ut xk'e waatin re xk'ojob'ankil xch'ool li tawajenaq. Rajlal eq'la ninrajsi re naq tink'e inch'ool chi ab'ink, jo' neke'xb'aanu eb' li xtzolom.

Salmos 104:34

Chiwulaq taxaq chiru li waatin, xb'aan naq li xsahil linch'ool nachalk rik'in li Qaawa'!

Proverbios 27:9

Li aseeyt ut li sununkil b'an nak'ehok sahil ch'oolej; li chaab'il na'leb' naxk'e junaq amiiw, naxsahob'resi li aanmej.

San Marcos 4:34

ut ink'a' naraatinaheb' chi maak'a' ta jaljookil ru aatin. Ab'an reheb' li xtzolom, naq wankeb' xjuneseb', naxch'olob' ru chixjunil.