San Lucas 23:40 - Q'eqchi Bible

⁴⁰ Ut kiq'use'k xb'aan li jun chik: —Chi moko li Yos nakaxiwa ru, us ta juntaq'eet li rahilal yookat chi xk'ulb'al aawochb'een?

Li Santil hu

⁴⁰ Abanan li jun chic quichakꞌoc ut quixkꞌus ut quixye re: —Chi moco la̱at nacaxucua ru li Dios, usta juntakꞌe̱t li raylal li yo̱co chixcꞌulbal kochben aꞌan.

San Lucas 23:40 ပူးပေါင်းရင်းမြစ်များ

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Efesios 5:11

ut mex'okenk chi xb'aanunkil xk'anjel li aak'ab' li maak'a' na'ok wi', jwal us b'an naq teerisi chi kutankil re xjitb'al.

San Lucas 12:5

Tink'ut cheru ani tento teexiwa ru: chexiwa ru li ani nakamsink ut wank xwankil chi kutuk sa' xb'alb'a. Yaal, ninye wi' chik eere: chexiwaaq ru a'an.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Salmos 36:1

Re li xjolomileb' laj b'ichanel. Xsaalm laj David, laj k'anjel chiru li Qaawa'.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

Levítico 19:17

“Maak'uula sa' aach'ool xxik'b'al rilb'al laawas aawiitz'in. “Chaq'us sa' xyaalal laawas re naq ink'a' tattz'aqonq sa' li xmaak.

Apocalipsis 16:11

ke'xmajewa li xYos li choxa xb'aan li rahilal ut eb' li xox, ab'an ink'a' ke'xjal xk'a'uxeb' chirix li xb'aanuhomeb'.

San Mateo 8:26

Ut a'an kixye reheb': —K'a'ut naq nekexxiwak laa'ex li jwal kach'in leepaab'aal? Toja' naq kiwakliik, kixq'us li iq' ut li palaw, ut ch'anaamil kikanaak.

San Lucas 23:39

Jun reheb' laj maak t'uyt'u chiru krus yo chi xhob'b'al li Jesus: —Ma maawa'at tab'i' li Kriist? Kol aawib' ut choohaakol ajwi' laa'o, chan re.

San Lucas 23:41

Laa'o yaal naq qak'ulub' xk'ulb'al a'an xb'aan naq xq'ajkamunkil li qab'aanuhom, a'ut a'in maak'a' k'aru li ink'a' ta us xb'aanu.

San Mateo 20:9

Ke'chalk eb' li xe'ok sa' oob' honal ut ke'xk'ul lajeeb' xka'k'aal chi tumin chi xjunjunqaleb'.