San Lucas 23:4 - Q'eqchi Bible

⁴ Toja' naq kixye laj Pilaat reheb' li xb'eenil aj tij ut eb' li tenamit: —Laa'in maajun maak nintaw rik'in li winq a'in.

Li Santil hu

⁴ Ut laj Pilato quixye reheb li xbe̱nil aj tij ut eb li qꞌuila tenamit: —Li cui̱nk aꞌin ma̱ jun xma̱c nintau, chan.

San Lucas 23:4 ပူးပေါင်းရင်းမြစ်များ

San Juan 18:38

Laj Pilaat kixye re: —K'aru li yaal? Ut naq kixye a'in, ki'elk wi' chik chirix kab'l wankeb' wi' laj Judiiy ut kixye reheb': —Laa'in maajun xmaak nintaw.

1 Pedro 2:22

A'an ink'a' kimaakob'k chi moko ki'ab'iik b'alaq'il aatin sa' xtz'uumal re.

1 Pedro 1:19

xexkole'k b'an rik'in li xloq'laj kik'el li karneer maak'a' reek' ut maak'a' xmuxul, a'an li Kriist.

San Lucas 23:22

Sa' rox sut kixye reheb': —K'a' put ru li ink'a' us xb'aanu a'in? Ink'a' xintaw junaq xmaak li xk'ulub' wi' kamk. Jo'kan naq tink'e chi rahob'tesiik ut twach'ab'.

San Marcos 15:14

Kixye laj Pilaat reheb': —K'a' put ru li ink'a' us xb'aanu? Ut eb' a'an q'axal kaw chik ke'xjap re chi xyeeb'al: —K'e chiru krus!

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

San Mateo 27:19

Ut naq k'ojk'o laj Pilato sa' li raqleb'aal aatin, li rixaqil kixtaqla xyeeb'al re: “Mik'a' aab'aanu re li tiikil winq a'an, xb'aan naq q'axal ra xinmatk'e ma'laq xb'aan a'an”.

Hechos 3:13

Li xYos laj Abrahán, laj Isahak ut laj Jakob, li xYos eb' li qana' qayuwa' xnima xloq'al li Jesus li xmoos. Laa'ex xexq'axtesink re a'an ut xetz'eqtaana chiru laj Pilaat naq kiraj rach'ab'ankil.

Hechos 25:25

A'ut laa'in xintaw ru naq maak'a' xb'aanu li xk'ulub' wi' kamk ut xink'oxla xtaqlankil rik'in li awab'ej xb'aan naq laj Pablo xtz'aama ab'iik xb'aan.