San Lucas 23:2 - Q'eqchi Bible

² ke'ok chi xjitb'al ut ke'xye: —Xqataw chaq a'in chi xpo'b'aleb' xch'ool li qatenamit. Nokooxq'us chi xk'eeb'al li toj re li awab'ej ut naxyehatq naq a'an li Kriist Rey.

Li Santil hu

² Queꞌoc chixjitbal ut queꞌxye: —Xkaqꞌue retal nak li cui̱nk aꞌin yo̱ chixpoꞌbal xchꞌo̱leb li katenamit. Nocoxkꞌus riqꞌuin xqꞌuebal li katoj re li acuabej. Ut naxye nak aꞌan li Cristo laj Colonel li yechiꞌinbil xban li Dios. Naxye nak aꞌan rey, chanqueb.

San Lucas 23:2 ပူးပေါင်းရင်းမြစ်များ

San Juan 19:12

Chalen utan laj Pilaat yo chi xsik'b'al chan raj ru naq taarach'ab'. A'ut eb' laj Judiiy ke'xjap re chi xyeeb'al: —Wi taawach'ab' a'an, maawa'at ramiiw li awab'ej. Chixjunil li naxk'e rib' cho'q rey, naxtz'eqtaana li awab'ej.

San Lucas 23:14

ut kixye reheb': —Xek'am chaq chiwu li winq a'in jo' aj po'ol xch'ooleb' li tenamit; a'ut laa'in xinpatz'i cheru laa'ex ut ink'a' xintaw junaq xmaak li nekejit wi'.

Hechos 24:5

Xqataw li winq a'in, q'axal yib'ru xna'leb': a'an aj yoob'anel raaxiik' sa' xyanqeb' laj Judiiy sa' chixjunil li ruuchich'och' ut aj k'amol xb'eheb' li xkomoneb' laj Nazaret.

San Juan 18:30

Ke'chaq'ok eb' a'an: —Wi ta maak'a' xmaak, ink'a' raj xqaq'axtesi sa' laawuq', chankeb' re.

San Marcos 12:17

Toja' naq li Jesus kixye reheb': —Q'ajsihomaq re li awab'ej li k'aru re li awab'ej, ut re li Yos li k'aru re li Yos. Ut ke'sachk xch'ool xb'aan.

San Mateo 22:21

Ke'chaq'ok: —Re li awab'ej, chankeb'. Toja' naq li Jesus kixye reheb': —Q'ajsihomaq b'i' re li awab'ej li k'aru re li awab'ej, ut re li Yos li k'aru re li Yos.

Zacarías 11:8

Ut yal chiru jun po kiwisiheb' oxib' laj ilol ketomq, li ink'a' sa wankin xb'aaneb' ut xik' ajwi' nikine'ril.

Jeremías 38:4

Toja' naq eb' li xjolomileb' li tenamit ke'xye re li awab'ej: “Tento xkamsinkil li winq a'an, xb'aan naq, rik'ineb' li aatin naxye, naxch'ina xch'ooleb' laj puub' li toj wankeb' sa' li tenamit, ut naxch'ina ajwi' xch'ooleb' chixjunil li poyanam. Li winq a'in ink'a' naxsik' li usilal cho'q re li tenamit, a' b'an li rahilal naxsik'”.

Jeremías 20:10

Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

Salmos 62:4

Toj jo' najtil chik teekut eerib' sa' inb'een laa'ex li wotz nekeraj int'anb'al, kama' najuk'e'k junaq tz'ak xiw xiw wank malaj junaq tz'ak ok re chi t'ane'k?

Hechos 24:13

Eb' a'in ink'a' te'ruuq chi xk'utb'al chawu naq yaal li k'aru nikine'xjit wi' anaqwan.

San Lucas 23:5

A'ut eb' a'an kaw chik ke'xye: —Naxpo' xch'ooleb' li tenamit, yo chi xtzolb'aleb' sa' chixjunil Judea: xtikib' chaq Galilea ut xk'ulunk toj arin.

San Mateo 17:27

Ab'anan, re naq ink'a' taaluktaaq xch'ooleb' qab'aan, ayu sa' palaw, kut li luchb'aq, ut li kar li taa'elq xb'enwa, chap, te li re ut aran taataw jun tumin: xok ut k'e reheb' cho'q qatoj.

Amós 7:10

Laj Amasías, aj tij aran Betel, kixtaqla xyeeb'al re laj Jerobohán, awab'ej re Israel: “Laj Amós yo xpo'b'al xch'ooleb' li tenamit Israel chawix; ut li tenamit ink'a' chik neke'xkuy rab'inkil li raatin.

Salmos 35:11

Neke'chalje'k testiiw aj b'alaq', yookeb' chinjitb'al chirix li ink'a' ninnaw.

1 Reyes 18:17

ut naq kiril ru, kixye re: “Ma laa'at laj sachonel reheb' laj Israel?”.

San Mateo 27:11

Li Jesus kixaqab'aak chiru li laj Pilaat, ut a'an kixpatz' re: —Ma laa'at li xreyeb' laj Judiiy? Kichaq'ok li Jesus ut kixye: —Yaal li xaye: laa'inin.

San Marcos 15:2

Ut laj Pilaat kixpatz' re: —Ma laa'at li xreyeb' laj Judiiy? Kixsume: —Yaal li xaye: laa'inin.

San Juan 18:29

Jo'kan naq ki'elk chaq laj Pilaat chirix kab'l wankeb' wi' eb' a'an ut kixye: —K'aru nekejit wi' li winq a'in?

Romanos 13:7

Chetoj re li junjunq li k'aru tento xk'eeb'al re: wi kub'siil, kub'siilaq; wi tojleb', tojleb'aq; ani oxloq'iik naraj, cheroxloq'ihaq; ani nimaak naraj, chenimaaq ru.