San Lucas 23:14 - Q'eqchi Bible

¹⁴ ut kixye reheb': —Xek'am chaq chiwu li winq a'in jo' aj po'ol xch'ooleb' li tenamit; a'ut laa'in xinpatz'i cheru laa'ex ut ink'a' xintaw junaq xmaak li nekejit wi'.

Li Santil hu

¹⁴ Quixye reheb: —La̱ex xecꞌam chak li cui̱nk aꞌin cuiqꞌuin ut xeye nak naxpoꞌ xchꞌo̱leb li tenamit. La̱in xinpatzꞌi re che̱ru ut incꞌaꞌ xintau junak xma̱c joꞌ yo̱quex chixyebal la̱ex.

San Lucas 23:14 ပူးပေါင်းရင်းမြစ်များ

Daniel 6:4

Toja' naq li xjolomileb' li junq teep chi tenamit jo'wi' eb' li ninqeb' xwankil ke'ok chi xsik'b'al k'aru te'xjit wi' laj Daniel chirix li xk'anjel; ab'anan maak'a' k'aru ke'xtaw xb'aan naq jwal tiik xch'ool laj Daniel ut maak'a' xmaak, maak'a' k'aru taaq'use'q wi'.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

Hechos 13:28

Us ta maak'a' ke'xtaw chirix li Jesus xk'ulub' wi' li kamk, ab'anan ke'xtz'aama chiru laj Pilaat naq chikamsiiq.

San Mateo 27:54

Li xjolomileb' laj puub' rochb'eeneb' li yookeb' chi k'aak'alenk re li Jesus, naq ke'reek'a li hiik ut ke'ril li yo chi k'ulmank, k'ajo' naq ke'xiwak: —Relik chi yaal naq li winq a'in Ralal li Yos, chankeb'.

San Mateo 27:24

Kiril laj Pilaat naq maak'a' na'ok wi' ut jun mululij ib' yo chi tiklaak; toja' naq kixpatz' xch'ajleb', kixch'aj li ruq' chiruheb' li tenamit ut kixye: —Maak'a' inmaak laa'in rik'in xkik'el li tiikil winq a'in. Laa'ex yaal eere sa' xb'een.

San Mateo 27:19

Ut naq k'ojk'o laj Pilato sa' li raqleb'aal aatin, li rixaqil kixtaqla xyeeb'al re: “Mik'a' aab'aanu re li tiikil winq a'an, xb'aan naq q'axal ra xinmatk'e ma'laq xb'aan a'an”.

San Mateo 27:4

—Xinmaakob'k, xinq'axtesi xyu'am jun li winq maak'a' xmaak, chan. A'ut eb' a'an ke'xye: —K'a' tqaj wi' laa'o? Il laa'at k'aru taab'aanu.

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.