San Lucas 22:66 - Q'eqchi Bible

⁶⁶ Naq kikutano'k, ke'xch'utub' rib' li xcheekel winqilaleb' li tenamit, li xb'eenileb' aj tij ut eb' laj tz'iib'; ke'xk'am li Jesus sa' li xnimal raqleb'aal aatin

Li Santil hu

⁶⁶ Nak quicutanoꞌ, queꞌxchꞌutub ribeb li nequeꞌcꞌamoc be saꞌ xya̱nkeb li tenamit ut eb li xbe̱nil aj tij joꞌ eb ajcuiꞌ laj tzꞌi̱b. Ut queꞌxcꞌam li Jesús riqꞌuineb li nequeꞌtaklan saꞌ xbe̱neb laj judío. Ut queꞌxye re:

San Lucas 22:66 ပူးပေါင်းရင်းမြစ်များ

San Marcos 15:1

Naq kisaqewk, eb' li xb'eenil aj tij rochb'eeneb' li cheekel winq, jo'wi' eb' laj tz'iib' ut chixjunileb' li xninqaleb' ru aj raqol aatin, junpaat ke'xk'uub' xch'utameb'; ke'xk'am li Jesus chi b'ak'b'o ut ke'xq'axtesi sa' ruq' laj Pilaat.

San Mateo 27:1

Naq kisaqewk, ke'xch'utub' rib' chixjunileb' li xb'eenil aj tij ut eb' li xcheekel winqilaleb' li tenamit chi xk'uub'ankil chan raj ru naq te'xkamsi li Jesus.

Hechos 22:5

Li xyuwa'il aj tij ut chixjunileb' li cheekel winq neke'xnaw naq tz'aqal yaal li yookin chi xyeeb'al. Sa' ruq'eb' a'an kink'ul ajwi' jun li hu cho'q reheb' li qas qiitz'in aj Judiiy wankeb' Damaask; ut kohin aran chi xsik'b'aleb' laj paab'anel re naq te'k'ame'q chaq chi preexil arin Jerusalén ut te'rahob'tesiiq.

San Mateo 5:22

A'ut laa'in ninye eere: Wi junaq taajosq'o'q rik'in li ras riitz'in, wanq xmaak sa' li raqleb'aal aatin; ut li tixhob' li ras riitz'in, wanq ajwi' xmaak ut taak'ame'q chiruheb' li xninqal ru aj raqol aatin; ut li tixmajewa li xkomon, wanq xmaak re xik sa' xxamlel li xb'alb'a.

San Juan 18:28

Naq kisaqewk, ke'risi li Jesus sa' rochoch laj Kaifás ut ke'xk'am sa' li raqleb'aal aatin. Eb' laj Judiiy ink'a' ke'ok sa' li raqleb'aal aatin re naq ink'a' te'xtz'ajni rib'eb': a' ke'raj xtzekankil li Paswa.