San Lucas 22:44 - Q'eqchi Bible

⁴⁴ Ut naq yo chi k'aachi'ik, kaw chik ki'ok chi tijok: li xtiqob' kama' ninqi tz'uqul chi kik' naq kit'ane'k sa' ch'och'.

Li Santil hu

⁴⁴ Nak yo̱ chi yotꞌecꞌ xchꞌo̱l, quitijoc cuiꞌchic li Jesús chi kꞌaxal anchal xchꞌo̱l ut lix tikob yo̱ chi tzꞌukuc saꞌ chꞌochꞌ chi ni̱nki tzꞌukul chanchan quicꞌ.

San Lucas 22:44 ပူးပေါင်းရင်းမြစ်များ

Lamentaciones 1:12

Laa'ex li nekexnume'k sa' li b'e, ilomaq ut k'ehomaq reetal wi wank ta junaq rahilal juntaq'eet rik'in li yookin chi xk'ulb'al laa'in! Li Qaawa' xtaqla chaq li raaxiik' a'in naq xchalk li xnimal xjosq'il sa' inb'een.

Hebreos 5:7

Chiru li xyu'am arin sa' ruuchich'och', li Kriist kitz'aamank ut ki'elajink chi kaw xyaab' xkux ut rik'in xya'al ru chiru li Yos, li wank xwankil chi kolok re chiru li kamk, ut ki'ab'iik xb'aan naq tiik xch'ool.

Romanos 8:32

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

San Juan 12:27

“Anaqwan nayot'nak li waanm. Ut k'aru tinye: «At inYuwa', chinaakol chiru li honal a'in»? Ab'an a'an aj e naq xinchalk: re li honal a'in!

San Lucas 22:45

Sa' xraqik chi tijok kixaqliik li Jesus, koho wankeb' wi' li xtzolom ut kixtaweb' chi wark xb'aan xrahilaleb' xch'ool;