San Lucas 22:42 - Q'eqchi Bible

⁴² “At inYuwa', wi taawaj, chawisi wik'in li sek' a'in; ab'an ink'a' chi'uxmanq li nawaj laa'in, a' b'an laawajom laa'at”.

Li Santil hu

⁴² Quixye: —At inyucuaꞌ, cui la̱at ta̱cuaj, incꞌaꞌ raj tincꞌul li raylal aꞌin. Abanan chi-uxma̱nk li cꞌaꞌru nacacuaj la̱at ut ma̱cuaꞌ li nacuaj la̱in, chan.

San Lucas 22:42 ပူးပေါင်းရင်းမြစ်များ

San Mateo 26:39

Kijilok chik kach'in ut kit'ane'k chi hupu, yo chi tijok: “At inYuwa', wi truuq, chinume'q li sek' a'in sa' inb'een; ab'an moko jo' ta li nawaj laa'in, jo'aq b'an li nakawaj laa'at”, chan.

San Mateo 26:42

Koho wi' chik chi tijok xka' sut ut kixye: “At inYuwa' wi ink'a' truuq naq taanume'q li sek' a'in chi ink'a' ta twuk' li xsa', chi'uxmanq laawajom”.

San Marcos 14:36

Ut kixye: “Abbá, at inYuwa', maak'a' ch'a'aj chawu laa'at: chawisi wik'in li sek' a'in. Ab'an moko jo' ta li nawaj laa'in, jo'aq b'an li nakawaj laa'at”.

Salmos 40:8

jo'kan naq xinye: We'kin, chalk we, chankin. Tz'iib'anb'il chiwix sa' li b'otb'ookil hu

San Juan 18:11

Kixye ut li Jesus re laj Pedro: —K'e wi' chik laach'iich' sa' xna'aj. Ma ink'a' tab'i' tento twuk' li xsa' li sek' xk'e we linYuwa'?

San Mateo 20:22

Ab'an li Jesus kixye: —Ink'a' nekenaw k'aru yookex chi xtz'aamankil. Ma truuq teeruk' xsa' li sek' tinwuk' laa'in?

San Juan 5:30

“Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we.

San Juan 6:38

Xb'aan naq xinkub'e chaq sa' choxa moko re ta xb'aanunkil li wajom laa'in, re b'an xb'aanunkil li rajom li kitaqlank chaq we.

San Juan 4:34

Kixye li Jesus reheb': —Lintzekemq a'an naq tinb'aanu li rajom li kitaqlank chaq we ut tink'e chi yaalo'k ru li xk'anjel.

Isaías 51:22

Jo'ka'in kixye li Qaawa', laaYos, laj kolol re laatenamit: “Twisi sa' laawuq' li xsek'ul li rahilal, li xsek'ul linjosq'il li xatkalaak wi'; ink'a' chik taawuk' xsa'.

San Mateo 26:44

Kixkanab'eb' ut koxtijoq chaq rox wa rik'ineb' ajwi' li aatin ak xye chaq.

Jeremías 25:15

Li Qaawa', li xYos laj Israel, kixye we: “K'ul li sek' a'in, nujenaq chi b'iin, reetalil linjosq'il, ut k'e chi ruk'eb' chixjunileb' li tenamit b'arwi' tatintaqla.

Isaías 51:17

Ajen, ajsi aawu, waklin, at Jerusalén! Laa'at li xat-uk'ak sa' xsek'ul li xjosq'il li Qaawa', jo' tawi' li na'uk'ak b'iin sa' junaq sek' toj reetal naxchoy ut nataktotk nakanaak.

San Mateo 6:10

chichalq ta laanimajwal awab'ejihom, chi'uxq ta laawajom arin sa' ruuchich'och' jo' sa' choxa.

San Mateo 11:25

Sa'eb' li kutan a'an li Jesus ki'ok chi aatinak ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool.

San Mateo 11:26

Yaal, at inYuwa', xb'aan naq jo'kan xwulak chawu.

San Lucas 23:34

Ut li Jesus kixye: “At inYuwa', chakuyeb' xmaak xb'aan naq ink'a' neke'xnaw k'aru yookeb' chi xb'aanunkil”. Ut eb' laj puub' ke'xjek'i li raq' chirib'ileb' rib' chi b'uulinb'il rix.

Hechos 21:14

Ab'anan laa'o ink'a' kooruhank chi xjalb'al xk'a'uxl; jo'kan naq kiqakanab' relajinkil ru ut kiqaye: —Chi'uxq ta li naraj li Qaawa'.