San Lucas 21:17 - Q'eqchi Bible

¹⁷ ut xik' ilb'ilaqex xb'aaneb' chixjunil sa' ink'ab'a'.

Li Santil hu

¹⁷ Ut xicꞌ tex-ilekꞌ xbaneb chixjunileb li tenamit saꞌ incꞌabaꞌ la̱in.

San Lucas 21:17 ပူးပေါင်းရင်းမြစ်များ

San Juan 15:19

Wi ta rehex li ruuchich'och', texxra raj li ruuchich'och' jo' naq naxra li re. Ab'anan moko rehex ta li ruuchich'och', laa'in b'an xinsik'ok eeru ut xexwisi chisa': jo'kan naq xik' nekexril li ruuchich'och'.

San Lucas 6:22

“Us xaq eere naq xik' tex'ile'q xb'aaneb' li poyanam, tex'isiiq sa' xyanqeb', texhob'e'q ut te'xtz'eqtaana leek'ab'a' jo' ink'a' us, sa' xk'ab'a' li K'ajolb'ej.

2 Corintios 12:10

Nasaho'k sa' inch'ool sa' xmajelal inmetz'ew, rik'in li hob'e'k, rik'in li wank sa' rajb'al ru, rik'in li rahob'tesiik ut li raaxiik' k'ulb'il sa' xk'ab'a' li Kriist, xb'aan naq jo'q'e maak'a' inmetz'ew, toja' naq q'axal kaw wib'.

San Juan 15:21

Chixjunil a'in te'xb'aanu eere inb'aan laa'in, xb'aan naq ink'a' neke'xnaw ru li kitaqlank chaq we.

Apocalipsis 2:3

Wank aakuyum; xakuy rahilal sa' ink'ab'a' ut ink'a' xatlub'k.

Filipenses 1:29

Xb'aan naq laa'ex k'eeb'il eemaatan sa' xk'ab'a' li Kriist, moko ka'aj ta wi' re xpaab'ankil li Kriist, re aj b'an wi' xk'ulb'al li rahilal sa' xk'ab'a' A'an;

2 Corintios 4:11

Xb'aan naq, us ta yo'yooko, ab'an junelik q'axtesinb'ilo chi kamk sa' xk'ab'a' li Jesus, re naq chik'utunq ajwi' li xyu'am li Jesus sa' li qach'och'el qasululel.

San Juan 17:14

Laa'in xinq'axtesi reheb' laawaatin ut xik' xe'ile'k xb'aan li ruuchich'och', xb'aan naq moko reheb' ta li ruuchich'och', jo' naq laa'in moko rehin ta li ruuchich'och'.

San Marcos 13:13

Ut chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.

San Mateo 24:9

“Toja' naq texq'axtesiiq chi rahob'tesiik, texkamsiiq ut xik' tex'ile'q xb'aaneb' chixjunil li tenamit sa' ink'ab'a'.

San Mateo 10:22

Chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.

1 Pedro 4:14

Us xaq eere wi nekexhob'e'k sa' xk'ab'a' li Kriist, xb'aan naq li xloq'laj Musiq' li Yos yo chi hilank sa' eeb'een.

Hechos 9:16

Ut laa'in tink'ut chiru jo'ch'inal jo'nimal tento tixkuy sa' ink'ab'a'”.

San Juan 7:7

Li ruuchich'och' ink'a' naru xik' nekexril; a'ut laa'in xik' nikinril xb'aan naq nink'ut naq ink'a' us li xb'aanuhomeb'.

San Mateo 5:11

“Us xaq eere naq texhob'e'q, texrahob'tesiiq ut te'xye chixjunil li tik'ti' cherix laa'ex sa' ink'ab'a'.

2 Corintios 4:5

Ink'a' yooko chi xpuktesinkil qesil laa'o, a' b'an resil li Kristo Jesus, li Qaawa'; laa'o yal eemoos sa' xk'ab'a' li Jesus.

San Lucas 21:16

“Texq'axtesiiq xb'aan leena' eeyuwa', xb'aaneb' leeras eeriitz'in, leerech'alal ut leeramiiw, ut sa' eeyanq wan te'kamsiiq;

San Lucas 21:18

Ab'anan chi moko junaq ta rismal leejolom taasachq.