San Lucas 20:46 - Q'eqchi Bible

⁴⁶ —Chekolaq eerib' chiruheb' laj tz'iib': neke'raj b'eek chi ninq xb'aseb' li raq', neke'xrahi naq te'k'ehe'q xsahilaleb' xch'ool sa'eb' li k'ayiil, jo'kan ajwi' wank sa' li xb'een na'ajej sa'eb' li ch'utleb'aal kab'l ut wank chi xjolomil li meex naq neke'wa'ak;

Li Santil hu

⁴⁶ —Me̱tzol e̱rib riqꞌuineb laj tzꞌi̱b li nequeꞌcuulac chiruheb xqꞌuebal li rakꞌeb chirixeb chi najt rok nak nequeꞌbe̱c re xcꞌutbal nak cuanqueb xcuanquil. Eb aꞌan nequeꞌcuulac chiru nak teꞌqꞌuehekꞌ xlokꞌal saꞌ eb li be. Ut nak cuanqueb saꞌ li cab li nequeꞌxchꞌutub cuiꞌ ribeb, nequeꞌcuulac chiruheb cꞌojla̱c toj chi ubej. Ut nak nequeꞌbokeꞌ saꞌ junak ninkꞌe, nequeꞌcuulac chiruheb chunla̱c saꞌ li me̱x li nequeꞌchunla cuiꞌ li cuanqueb xcuanquil.

San Lucas 20:46 ပူးပေါင်းရင်းမြစ်များ

San Lucas 11:43

“Ra chaalel sa' eeb'een laa'ex aj pariseey, xb'aan naq nekeraj wank sa' li xb'een na'ajej sa'eb' li ch'utleb'aal kab'l; nekeraj ajwi' naq taak'ehe'q xsahil eech'ool sa'eb' li k'ayiil.

San Lucas 14:7

Naq li Jesus kixk'e reetal eb' li ula' naq yookeb' chi xsik'b'al wank chi xjolomil li meex, kixye reheb' jun jaljookil ru aatin:

San Lucas 12:1

Sa' ajwi' li honal a'an ke'ch'utlaak k'iila mil chi poyanam, yookeb' chi xpitz'inkil rib'eb'. Ut li Jesus ki'ok chi xyeeb'al xb'een xb'een reheb' li xtzolom: “Chekolaq eerib' chiru li xch'amaleb' laj Pariseey, a' li ka'pak'al uhil.

San Mateo 16:6

Toja' naq li Jesus kixye reheb': —Chek'ehaq reetal, chekolaq eerib' chiru li xch'amaleb' laj Pariseey ut eb' laj Saduseey.

3 Juan 1:9

Wank k'aru ak intz'iib'ahom rik'in li Iklees, ab'anan laj Diótrefes ink'a' nokooxk'ul, xb'aan naq naxrahi li wank chi xjolomil.

2 Timoteo 4:15

Chakol ajwi' aawib' laa'at chiru a'an, xb'aan naq q'axal ra xreek'a naq xoo'aatinak aran.

Romanos 12:10

Jo' tz'aqal eeras eeriitz'in naq chera eerib' cherib'il eerib'; chek'oxla naq q'axal ka'loq' oxloq'eb' leekomon.

Proverbios 29:23

Li q'etq'et aj winq taakub'siiq xwankil; a'ut li kub'enaq xwankil, taak'ehe'q xloq'al.

San Marcos 8:15

Ut li Jesus kixjultika reheb': —Chek'ehaq reetal, chekolaq eerib' chiru li xch'amaleb' laj Pariseey jo'wi' laj Herodes.

San Mateo 23:1

Toja' naq li Jesus kiraatinaheb' li tenamit jo'wi' eb' li xtzolom,

San Lucas 20:47

neke'xchoy xsa' li xjunkab'aleb' li xmalka'an, ut najt roq li tijok neke'xb'aanu yal re xk'utb'aleb' rib'. Eb' a'an q'axal ra taaraqmanq wi' aatin sa' xb'eeneb'.