San Lucas 20:37 - Q'eqchi Bible

³⁷ Ut chirix li xwaklijikeb' chi yo'yo li kamenaq, laj Moisés ajwi' kiyehok xyaalal rik'in li kik'ulmank sa' li k'ix, naq kixye naq li Qaawa' a'an li xYos laj Abrahán, li xYos laj Isahak ut li xYos laj Jakob.

Li Santil hu

³⁷ La̱ex nequeye nak incꞌaꞌ teꞌcuacli̱k cuiꞌchic chi yoꞌyo li camenak. Abanan laj Moisés quixcꞌutbesi ajcuiꞌ chak junxil nak eb li camenak teꞌcuacli̱k cuiꞌchic chi yoꞌyo. Tzꞌi̱banbil retalil saꞌ li Santil Hu li quixye nak yo̱ chi cꞌatc li qꞌuix. Quixye nak li Dios, aꞌan lix Dios laj Abraham, lix Dios laj Isaac, ut lix Dios laj Jacob.

San Lucas 20:37 ပူးပေါင်းရင်းမြစ်များ

Deuteronomio 33:16

rik'in li q'axal chaab'il wank sa' ruuchich'och' jo'wi' rik'in li rusilal Li nawank chaq sa' li k'ix. Chikub'eeq chaq chixjunil a'in sa' xb'een xjolom laj José, chihilanq chi xpeekem li sik'b'il ru sa' xyanqeb' li ras riitz'in!

Éxodo 3:15

Chirix chik a'an li Yos kixye re laj Moisés: “Jo'ka'in taaye reheb' laj Israel: «Li Qaawa' Yos, li xYos leexe'toonil yuwa', li xYos laj Abrahán, laj Isahak ut laj Jakob, xinxtaqla chaq eerik'in». A'inaq link'ab'a' chi junelik, ut a'in tine'xyaab'a wi' li tenamit junq'e junq'e kutan.

Génesis 32:9

Chirix chik a'an laj Jakob kixye: “At xYos linyuwa' Abrahán ut xYos linyuwa' Isahak, at Qaawa' li xaye we: «Sutq'in sa' laana'aj, sa' laatenamit, ut laa'in chaab'ilaqin aawik'in»,

Génesis 28:21

wi tinsutq'iiq sa' rochoch linyuwa' chi kawaqin ut sahaq sa' inch'ool, relik chi yaal naq li Qaawa' a'anaq linYos.

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.