San Lucas 20:36 - Q'eqchi Bible

³⁶ Ink'a' chik ajwi' truuq te'kamq xb'aan naq jo'aqeb' chik li ánjel ut a'anaqeb' ralal xk'ajol li Yos, sa' xk'ab'a' naq xe'wakliik wi' chik chi yo'yo.

Li Santil hu

³⁶ Joꞌcakeb ban chic li ángel saꞌ choxa. Incꞌaꞌ chic teꞌca̱mk. Teꞌcuacli̱k cuiꞌchic chi yoꞌyo saꞌ xya̱nkeb li camenak, xban nak aꞌan eb li ralal xcꞌajol li Dios.

San Lucas 20:36 ပူးပေါင်းရင်းမြစ်များ

Apocalipsis 21:4

Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.

Filipenses 3:21

A'an taajaltesinq ru li qach'och'el qasululel chi nimaq xloq'al, re naq tkanaaq chi junajwa jo' li xjunxaqalil, sa' xk'ab'a' li xnimal xwankil li naruhank wi' xk'eeb'al chixjunil rub'el roq.

San Mateo 22:30

Xb'aan naq sa' li xwaklijikeb' chi yo'yo li kamenaq ink'a' te'k'amoq li winq chi moko te'k'ame'q li ixq, jo'aqeb' b'an chik li ánjel sa' choxa.

Apocalipsis 20:6

Us xaq reheb' li neke'tz'aqonk sa' li xb'een waklijik chi yo'yo: eb' a'an santeb' ut maak'a' xwankil li xkab' kamk sa' xb'eeneb', aj tijaqeb' b'an chiru li Yos ut chiru li Kriist ut te'awab'ejinq rochb'een chiru jun mil chihab'.

1 Corintios 15:42

Jo'kan ajwi' li xwaklijikeb' wi' chik chi yo'yo: na'awe' li naq'aak, ut taayo'laaq li ink'a' nalajk na'oso'k;

Apocalipsis 22:9

A'ut a'an kixye we: “Maab'aanu a'in! Laa'in aawech moosil; wech moosileb' ajwi' laawas aawiitz'in propeet ut eb' li neke'xk'uula sa' xch'ool li aatin wankeb' sa' li hu a'in. A' li Yos tento taaloq'on ru”.

1 Corintios 15:26

Li taajuk'eeq xwankil sa' roso'jik, a'an li kamk.

San Marcos 12:25

Naq te'wakliiq chi yo'yo sa' xyanqeb' li kamenaq, ink'a' te'k'amoq li winq chi moko te'k'ame'q li ixq, jo'aqeb' b'an chik li ánjel sa' choxa.

1 Corintios 15:49

Ut kama' naq xqak'am xjalam u li ruuchich'och'il winq, jo'kanaq ajwi' naq tqajalam'uuchi li choxahil winq.

Zacarías 3:7

“Jo'ka'in naxye li Nimajwal Yos: «Wi nakak'uula linchaq'rab' sa' laach'ool ut nakapaab' li waatin, laa'at tatjolominq re li wochoch; laa'at ajwi' tat-iloq reheb' li xneb'aalil, ut laa'in tatink'e chi wank sa' xyanqeb' li wankeb' arin.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Romanos 8:16

A' ajwi' li Musiq'ej rochb'een li qaanm naxch'olob' xyaalal naq ralalo li Yos.