San Lucas 20:26 - Q'eqchi Bible

²⁶ Ut ink'a' ke'ruuk xchapb'al yal ta sa' junaq aatin chiruheb' li tenamit, ke'sachk b'an xch'ool rik'in li kisumenk wi', ut ch'anch'o ke'kanaak.

Li Santil hu

²⁶ Ut ma̱ jun a̱tin queꞌxtau re ta̱ru̱k teꞌxye nak cuan xma̱c. Ut queꞌsach xchꞌo̱leb xban li a̱tin li queꞌsume̱c cuiꞌ xban li Jesús. Joꞌcan nak ma̱cꞌaꞌ chic queꞌxye.

San Lucas 20:26 ပူးပေါင်းရင်းမြစ်များ

San Lucas 20:20

Ke'ok chi xk'eeb'al reetal k'aru tixb'aanu li Jesus, ut ke'xtaqlaheb' aj k'ehol eetal rik'in. Ke'xye reheb' naq tiikeb' xch'ool naq te'xb'aanu rib'eb' re xchapb'al li Jesus sa' aatin, ut chi jo'kan te'ruuq xq'axtesinkil sa' ruq' ut rub'el xwankil li ruuchil li awab'ej.

Tito 1:10

Xb'aan naq wankeb' naab'al aj q'etol aatineb', maak'a' rajb'al li neke'xye ut aj b'alaq'eb', ma' ta chaye eb' laj sirkunsisyon.

Romanos 3:19

Us b'i', naqanaw naq chixjunil li naxye li Chaq'rab', a'an yeeb'il cho'q reheb' li wankeb' rub'el xwankil li Chaq'rab', re naq chixjunileb' te'memo'q, ut chixjunil li ruuchich'och' chireek'ahaq rib' naq wank xmaak chiru li Yos.

San Lucas 13:17

Naq yo chi xyeeb'al a'in, ke'chalk xxutaan eb' li xik' neke'ilok re; ab'anan chixjunileb' li tenamit ke'saho'k sa' xch'ool rik'in li sachb'ach'oolej nalajxb'aanu.

San Mateo 22:34

Naq eb' laj Pariseey ke'rab'i naq li Jesus kixtz'ap xsa' reheb' laj Saduseey, ke'xch'utub' rib',

San Mateo 22:22

Naq ke'rab'i a'in, ke'sachk xch'ool, ke'xkanab' ut koheb'.

San Mateo 22:12

ut kixye re: «At wamiiw, chanru naq xat-ok chaq arin chi ink'a' tiqtookat chi chaab'il jo' re xninq'ehinkil li sumlaak?». A'ut a'an ink'a' kichaq'ok.

Daniel 6:4

Toja' naq li xjolomileb' li junq teep chi tenamit jo'wi' eb' li ninqeb' xwankil ke'ok chi xsik'b'al k'aru te'xjit wi' laj Daniel chirix li xk'anjel; ab'anan maak'a' k'aru ke'xtaw xb'aan naq jwal tiik xch'ool laj Daniel ut maak'a' xmaak, maak'a' k'aru taaq'use'q wi'.

San Mateo 8:10

Naq li Jesus kirab'i a'in, kisachk xch'ool ut kixye reheb' li yookeb' chi taaqenk re: —Relik chi yaal ninye eere naq maajun aj Israel intawom wi' xnimal paab'aal jo' a'in.

San Lucas 11:54

Ke'raj xra'lenkil re te'xchap raj rik'in li raatin.