San Lucas 20:22 - Q'eqchi Bible

²² Ma us xk'eeb'al li toj re li awab'ej, malaj ut ink'a'?

Li Santil hu

²² Ye ke cꞌaꞌru naxye li chakꞌrab. ¿Ma us takaqꞌue li katoj re laj César li acuabej malaj ut incꞌaꞌ? chanqueb re.

San Lucas 20:22 ပူးပေါင်းရင်းမြစ်များ

Nehemías 9:37

Chixjunil li rawimq li ch'och' nak'ule'k xb'aaneb' li awab'ej li kaxaqab' sa' qab'een re xtojb'al rix qamaak. Laa'o ut li qaketomq wanko rub'el xwankileb' a'an. Jo'kan naq q'axal ra wanko!”.

Hechos 5:37

Moqon chik, naq ki'uxk rajlankileb' li tenamit, kixaqliik laj Judas aj Galilea ut naab'al li tenamit kixk'ameb' chirix. Ki'oso'k ajwi' a'an, ut chixjunileb' li ke'taaqenk re ke'xcha'cha'i rib'eb'.

San Mateo 17:25

—Naxk'e, chan laj Pedro. Ut naq kox'okaq laj Pedro sa' kab'l, li Jesus xb'enwa ki'aatinak ut kixye re: —K'aru nakak'oxla, a Simón? Li x'awab'ejeb' li ruuchich'och' aniheb' aj ik'in neke'k'uluk li toj? Ma rik'ineb' laj ral ch'och' malaj rik'ineb' laj ab'l tenamit?

Nehemías 5:4

Ut wan wi' chik ke'yehok: “Xqapatz' qatumin chi to' re xk'eeb'al li toj re li awab'ej, ut a' li qach'och' ut li qawimq xqak'e cho'q reeqaj li tumin.

Esdras 9:7

Chalen chaq sa' xkutankileb' li qana' qayuwa' toj anaqwan wanko sa' maak. Xb'aan li qamaa'usilal laa'o ut xmaakeb' li awab'ej ut eb' laj tij xooq'axtesiik sa' ruq'eb' li awab'ej li jalanq xtenamiteb'. Xootiq'e'k, xook'ehe'k sa' tz'alam, xoohob'e'k ut xe'relq'a li k'aru wank qe, ut toj yo a'in anaqwan.

Esdras 4:13

At awab'ej, chanawaq a'in: wi te'xyiib' wi' chik li tenamit a'an ut te'xwaklesi li xsuttz'akil, ink'a' chik te'xk'e li toj, li kub'siil chi moko li xtoj li b'e, ut chi jo'kan naab'al li tumin taasachq.

Deuteronomio 17:15

tatruuq xxaqab'ankil junaq awab'ej sa' aab'een, a' li tixsik' ru li Qaawa' laaYos sa' xyanqeb' laawas laawiitz'in; moko tatruuq ta xxaqab'ankil cho'q awab'ej sa' aab'een junaq aj ab'l tenamit, li moko aakomon ta.

San Lucas 20:21

Ut ke'xpatz' re: —At Tzolonel, naqanaw naq sa' xyaalal nakat-aatinak ut nakatzoleb' li tenamit, ut moko sik'so ta ru li nakawaatina, nakak'ut b'an li xb'e li Yos sa' xyaalal.

San Lucas 20:23

Ab'anan li Jesus ak naxnaw li xb'alaq'eb' li xch'ool; jo'kan naq kixye reheb':

San Lucas 23:2

ke'ok chi xjitb'al ut ke'xye: —Xqataw chaq a'in chi xpo'b'aleb' xch'ool li qatenamit. Nokooxq'us chi xk'eeb'al li toj re li awab'ej ut naxyehatq naq a'an li Kriist Rey.

Romanos 13:7

Chetoj re li junjunq li k'aru tento xk'eeb'al re: wi kub'siil, kub'siilaq; wi tojleb', tojleb'aq; ani oxloq'iik naraj, cheroxloq'ihaq; ani nimaak naraj, chenimaaq ru.