San Lucas 20:16 - Q'eqchi Bible

¹⁶ Taak'ulunq, tixsacheb' laj k'alom ut tixk'e li xch'och' reheb' jalan chik”. Naq ke'rab'i a'in, ke'xye: —Ink'a' taxaq chik'ulmanq a'an.

Li Santil hu

¹⁶ Ta̱cha̱lk ut tixcamsiheb laj ilol re li racui̱mk ut jalan chic aj e tixqꞌue li jun si̱r chi uvas, chan li Jesús. Nak queꞌrabi li quixye li Jesús, eb aꞌan queꞌxye: —Incꞌaꞌ taxak chicꞌulma̱nk chi joꞌcan, chanqueb.

San Lucas 20:16 ပူးပေါင်းရင်းမြစ်များ

San Lucas 19:27

Ut eb' li xik' neke'ilok we, li ink'a' xe'raj naq laa'in tin'awab'ejinq reheb', k'amomaqeb' chaq arin ut kamsihomaqeb' chiwu»”.

Hechos 13:46

Toja' naq laj Pablo ut laj Bernabé chi kaweb' xch'ool ke'xye: —Tento naq eere laa'ex xb'enwa xyeemank li Raatin li Yos. Ab'anan, rik'in naq neketz'eqtaana a'an ut nekereek'a eerib' naq moko eek'ulub' ta li junelik yu'am, ab'ihomaq: tooxik rik'ineb' li junch'ol chik.

San Mateo 21:41

Ke'xye re: —Eb' a maa'us aj k'alom a'an tixsacheb' chi junajwa ut tixk'e chi to' li xch'och' reheb' jalan chik aj k'alom re naq te'xtoj ru li rawimq sa' xq'ehil.

San Mateo 22:7

“K'ajo' naq kijosq'o'k li awab'ej, ut kixtaqlaheb' laj puub' chi xsachb'aleb' laj kamsinel a'an ut xk'atb'al li xtenamiteb'.

San Mateo 21:34

Naq kiwulak xq'ehil xchoqb'al li uub', kixtaqlaheb' li xmoos rik'ineb' laj k'alom re naq tixk'ul ru li rawimq.

San Marcos 12:9

“K'aru nekeye laa'ex? K'aru tixb'aanu laj eechal re li awimq? Taak'ulunq, tixsacheb' laj k'alom ut tixk'e li xch'och' reheb' jalan chik.

San Lucas 20:15

Ke'risi sa' li awimq ut ke'xkamsi. “K'aru nekeye laa'ex? K'aru tixb'aanu laj eechal re li awimq rik'ineb' a'an?

Romanos 3:4

Maajoq'e b'i'an! Li Yos paab'ajel chi junelik, us ta eb' li poyanam aj tik'ti'eb' chixjunileb', jo' tz'iib'anb'il sa' li Santil Hu: “Re naq chik'utunq naq tiik laach'ool rik'in li k'aru nakaye, ut us chat-elq naq taaraqmanq aatin sa' aab'een”.

Romanos 3:6

Maajoq'e b'i'an! Wi ta jo'kan, chan raj ru taaraqoq aatin li Yos sa' xb'een li ruuchich'och'?

Romanos 3:31

Ma yooko tab'i' chi xjuk'b'al xwankil li Chaq'rab' rik'in li paab'aal? Maajoq'e b'i'an! Yooko b'an chi xxaqab'ankil xwankil.

Romanos 6:2

Wi xookamk chiru li maak, chanru naq toj wanqo chisa' chi jo'kanan?

Romanos 6:15

Yehomaq we: ma toomaakob'q xb'aan naq moko rub'el ta xwankil li Chaq'rab' wanko, rub'el b'an xwankil li rusilal li Yos? Maajoq'e b'i'an.

Romanos 7:7

K'aru tqaye chi jo'kanan? Ma maak li Chaq'rab'? Ink'a'. Ab'anan laa'in ink'a' raj xinnaw li maak wi maak'a' ta li Chaq'rab'. Relik chi yaal naq ink'a' raj xinnaw xrahinkil ru li ink'a' us wi ta ink'a' naxye li Chaq'rab': “Maarahi ru li ink'a' us”.

Romanos 7:13

K'aru tqaye chi jo'kanan? Naq li us xk'amok chaq li kamk sa' inb'een? Maajoq'e b'i'an! A' li maak b'an xk'amok chaq li kamk sa' inb'een sa' xk'ab'a' li us, re naq chik'utunq naq maak. Chi jo'kan, sa' xk'ab'a' li chaq'rab', li maak naxk'ut li xnimal xyib'al ru.

Romanos 9:14

K'a' put ru tqaye? Ma tqaye naq li Yos ink'a' tiik xch'ool? Maajoq'e b'i'an!

Romanos 11:1

Ut ninpatz' wib': Ma xtz'eqtaana li xtenamit li Yos? Maajoq'e b'i'an! Laa'in ajwi' aj Israel, riyajilin laj Abrahán, sa' xteepal laj Benjamín!

Romanos 11:11

Yaal ajwi', eb' laj Judiiy ke'tichk'ok; ab'anan laa'in ninpatz' wib': Ma te'kanaaq chi t'ant'o chi junajwa? Maajoq'e. Rik'in li xt'anikeb' laj Judiiy kik'ulunk li kolb'a ib' sa' xb'eeneb' li junch'ol chik, re naq eb' laj Israel te'chalq xkaqal xch'ooleb'.

1 Corintios 6:15

Ma ink'a' nekenaw naq leetz'ejwal a'an xcha'al li Kriist? Ma tinchap tab'i' xcha'al li Kriist re xk'eeb'al cho'q xcha'al junaq aj yumb'eet? Maajoq'e b'i'an!

Gálatas 2:17

Jo'kan utan, wi laa'o yooko xsik'b'al xtiikob'resinkil qach'ool sa' xk'ab'a' li Kriist ut laa'o ajwi' toj wank qamaak, ma a'an naraj naxye naq li Kriist a'an aj k'anjel chirix li maak? Maajoq'e b'i'an!

Gálatas 3:21

Ma naraj tab'i' naxye naq li Chaq'rab' naxsach xwankil li xyeechi'om li Yos? Maamin b'i'an! Wi ta k'eeb'il qe jun li Chaq'rab' wank xwankil chi yoob'tesink, relik chi yaal naq li tiikil ch'oolej nachalk raj rik'in li Chaq'rab'.

Gálatas 6:14

A'ut laa'in maajaruj tinnimob'resi wib' injunes, wi ta ink'a' sa' xk'ab'a' li xkrus li Qaawa' Jesukriist. Sa' xk'ab'a' a'an, li ruuchich'och' nakanaak chi tz'eqtaananb'il cho'q we, jo' li k'eeb'il chiru krus; ut jo'kan ajwi' laa'in cho'q re li ruuchich'och'.