San Lucas 2:7 - Q'eqchi Bible

⁷ ut kiwank li xb'een xk'uula'al, kixb'at sa' t'ikr ut kixsotob' sa' xwa'leb'aaleb' ketomq, xb'aan naq maak'a' na'ajej cho'q reheb' sa' li kab'l.

Li Santil hu

⁷ Ut quiyoꞌla li xbe̱n xcꞌulaꞌal, quixlan saꞌ tꞌicr ut quixyocob saꞌ xnaꞌaj xcuaheb li cuacax xban nak ma̱cꞌaꞌ xnaꞌajeb saꞌ eb li ochoch.

San Lucas 2:7 ပူးပေါင်းရင်းမြစ်များ

Gálatas 4:4

A'ut naq kixtaw xtz'aqlojik li kutan, li Yos kixtaqla chaq li Ralal, yo'lajenaq rik'in ixq, yo'lajenaq rub'el xwankil li Najter Chaq'rab',

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

2 Corintios 8:9

Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

San Mateo 1:25

Ut chi ink'a' kiwank rik'in, lix María kirala jun xk'uula'al, Jesus kik'ehe'k cho'q xk'ab'a'.

San Mateo 8:20

Li Jesus kixye re: —Eb' li yak wankeb' xjob' sa' pek ut eb' li xul li neke'rupupik chiru choxa wankeb' xsuk, ab'an li K'ajolb'ej maak'a' wank re b'arwi' tixsotob' li xjolom.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

San Mateo 13:55

Ma maawa' tab'i' a'in li ralal laj peech'? Ma ink'a' tab'i' xMaría xk'ab'a' li xna', ut eb' li riitz'in a'aneb' laj Santiago, laj José, laj Simón ut laj Judas?

Salmos 22:6

Ke'xyaab'a laak'ab'a' ut ke'kole'k; ke'xk'ojob' xch'ool aawik'in ut ink'a' ke'b'alaq'iik.

San Lucas 10:34

Kijilok chi xk'atq, kixhoy aseeyt ut b'iin sa' li xtiq'ilal, toja' naq kixb'ati ru. Chirix chik a'an kixtaqsi sa' xb'een li xxul, kixk'am sa' jun ochochnaal, ut a'an ki'ilok re.

Éxodo 4:24

Ut kik'ulmank naq sa' li b'e xaqaamil li Qaawa' chiru laj Moisés sa' li na'ajej yo wi' chi xnumsinkil li q'oqyink, ut kiraj raj xkamsinkil.

Génesis 42:27

Naq ke'wulak sa' jun na'ajej te'xnumsi wi' li q'oqyink, jun reheb' kixte li xsaak re xk'eeb'al xwa li xb'uur ut kiril naq wank li xtumin chisa' li xsaak.

Génesis 43:21

Ab'an naq xoowulak sa' jun na'ajej re xnumsinkil li q'oqyink ut xqate li qasaak, li junjunq xtaw xtumin sa' li xsaak, chi tz'aqal re ru. Ut anaqwan xqak'am chaq qik'in.

San Lucas 2:6

Ut naq wankeb' aran, kitz'aqlok xkutankil naq taa'alanq lix María;

San Lucas 2:8

Sa' li na'ajej a'an wankeb' aj k'aak'alenel ketomq, yookeb' chi yo'lek re xk'aak'alenkil li xketomq chiru q'oqyink.