San Lucas 19:17 - Q'eqchi Bible

¹⁷ «Us, at chaab'il moos -chu'uxk re-. Tiik aach'ool naq xatwank rik'in li b'a'b'ay; chiwanq b'i' aawankil sa' xb'een lajeeb' chi tenamit».

Li Santil hu

¹⁷ Li rey quixye re: —La̱at cha̱bil aj cꞌanjel. Us xaba̱nu. Xban nak ti̱c a̱chꞌo̱l riqꞌuin li caꞌchꞌin xinqꞌue a̱cue, joꞌcan nak tinqꞌue a̱cuanquil saꞌ xbe̱n laje̱b chi tenamit, chan li rey.

San Lucas 19:17 ပူးပေါင်းရင်းမြစ်များ

San Lucas 16:10

“Li tiik xch'ool rik'in li q'axal kach'in, tiikaq ajwi' xch'ool rik'in li naab'al; ut li ink'a' tiik xch'ool rik'in li q'axal kach'in, ink'a' ajwi' tiikaq xch'ool rik'in li naab'al.

San Mateo 25:21

Ut laj eechal re kixye: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Génesis 39:4

Jo'kan naq laj José kixtaw usilal chiru laj eechal re ut kixaqab'aak cho'q aj tenq' re ut aj jolominel re li xjunkab'al: jo'ch'inal jo'nimal li wank re laj Putifar kiq'axtesiik sa' ruq' laj José.

1 Pedro 5:4

Chi jo'kan, sa' xq'ehil li xk'utb'esinkil rib' li xnimal ru aj K'aak'alenel, teek'ul xnimal eeloq'al, a' leeq'ajkamunkil chi junelik.

2 Timoteo 2:10

Jo'kan naq nalajinkuy chixjunil sa' xk'ab'a'eb' li sik'b'ileb' ru xb'aan li Yos, re naq eb' a'an ajwi' te'xtaw li kolb'a ib' li wank rik'in li Kristo Jesus jo' ajwi' li junelik loq'al.

Romanos 2:29

Li tz'aqal aj judiiy ak a'an ajwi' chaq sa' li xch'ool, ut li tz'aqal sirkunsisyon a'an li na'uxk sa' li ch'oolej, a' li uxb'il xb'aan li Musiq'ej ut ink'a' yal xb'aan xpaab'ankil junaq chaq'rab'. Li tz'aqal aj judiiy a'an li nanimaak ru xb'aan li Yos ut ink'a' xb'aaneb' li tenamit.

San Lucas 22:30

re naq texwa'aq tex'uk'aq chire linmeex sa' linnimajwal wankilal ut texk'ojlaaq sa'eb' li k'ojarib'aal chi raqok aatin sa' xb'eeneb' li kab'laju xteepal aj Israel”.

Proverbios 27:18

Li naxch'oolani li rawimq, toxyal xsahil; ut li naxkol rix li xjunkab'lal laj eechal re, taak'ehe'q xloq'al.

San Lucas 19:16

Kol'elq li xb'een ut kixye: «Wa', laatumin xrala lajeeb' chik».

San Lucas 19:18

Kichalk li xkab' ut kixye: «Wa', laatumin xrala oob' chik».