San Lucas 18:9 - Q'eqchi Bible

⁹ Kixye ajwi' li jaljookil ru aatin a'in reheb' li neke'xk'oxla rib' naq tiikeb' xch'ool ut neke'xtz'eqtaanaheb' li junch'ol chik:

Li Santil hu

⁹ Ut li Jesús quixye jun chic li jaljo̱quil ru a̱tin reheb li nequeꞌxcꞌoxla nak cha̱bileb ut nequeꞌxtzꞌekta̱naheb li jun chꞌol chic. Quixye reheb:

San Lucas 18:9 ပူးပေါင်းရင်းမြစ်များ

San Lucas 16:15

Ut li Jesus kixye reheb': “Laa'ex tiik leech'ool chiruheb' li tenamit naq nekeb'aanu eerib'. Ab'an li Yos naxnaw leech'ool, xb'aan naq li k'aru wank xloq'al chiruheb' li winq, a'an tz'eqb'eetal chiru li Yos.

Proverbios 30:12

Wankeb' li neke'xye naq maak'a'eb' xmaak, ab'an nujenaqeb' chi maa'usilal.

Isaías 65:5

Ut neke'xye: «Kanaaqat aran sa' laana'aj, matjilok chaq chink'atq: mare anchal tatsanto'q inb'aan», chankeb'. Chixjunileb' a'an chanchaneb' li sib' sa' wu'uj, jo' li xam li junelik yo chinch'i'ch'i'inkil.

Romanos 10:3

Ink'a' neke'xtaw ru naq ka'ajwi' li Yos natiikob'resink ch'oolej ut ke'xyal xq'e chi xxaqab'ankil xwankil li tiikil ch'oolej li yal x'alaak sa' xch'ooleb'. Jo'kan naq ink'a' ke'xq'axtesi rib' re li Yos li nakolok sa' xk'ab'a' li Kriist.

Romanos 14:10

Ab'anan laa'at li q'un aach'ool sa' laapaab'aal k'a' naq nakaraq aatin sa' xb'een laawas aawiitz'in? Ut laa'at li kawat sa' li paab'ank k'a' naq nakatz'eqtaana li junch'oleb' chik? Chiqajunilo tento toxooxaqab'aaq chiru li Yos sa' xraqleb'aal aatin,

San Lucas 7:39

Naq kiril a'an laj pariseey li kib'oqok re li Jesus, kixye sa' xch'ool: “Wi ta propeet a'in, naxnaw raj ani ut k'a' chi ixqul a'an li yo chi ch'e'ok re, xb'aan naq aj maak”.

Romanos 7:9

Junxil yo'yookin chaq naq maak'a' li chaq'rab'. Ab'an naq kol'elq li chaq'rab', xtiklaak li maak,

San Lucas 19:7

Naq ke'ril a'in, chixjunileb' li poyanam neke'choqoqnak chi xyeeb'al: “Xo'okaq chi hilank sa' rochoch jun li winq aj maak”.

San Lucas 18:11

Laj pariseey, xaqxo naq kitijok sa' xch'ool chi jo'ka'in: «At inYos, ninyoxink chawu xb'aan naq ink'a' jo'kineb' li winq junch'ol, aj elq'eb', ink'a' tiikeb' xch'ool, aj muxuleb' sumlaak, chi moko jo'kin laj titz'ol toj a'in.

Hechos 22:21

Ab'an li Qaawa' kixye we: «Ayu, xb'aan naq laa'in tatintaqla chi najt, sa' xyanqeb' li maawa'eb' aj Judiiy»”.

San Juan 9:34

Ke'chaq'ok eb' a'an ut ke'xye re: —Xatyo'laak chajunxaqalil sa' li maak ut taawaj anchal qatzolb'al laa'o? Ut ke'risi sa' xyanqeb'.

San Juan 9:28

Ut eb' a'an kilaje'xhob' ut ke'xye re: —Laa'at xtzolom li winq a'an, a'ut laa'o xtzolomo laj Moisés.

San Juan 8:48

Ke'chaq'ok eb' laj Judiiy: —Yaal ajwi' naqaye naq laa'at aj Samaria ut aj tza wank aawik'in, chankeb'.

San Lucas 15:2

Eb' laj pariseey ut eb' laj tz'iib' neke'choqoqnak chi xyeeb'al: —A'in naxk'uleb' laj maak ut natzekank rik'ineb', chankeb'.

San Lucas 10:29

Laj nahol Chaq'rab' kiraj xch'olob'ankil xyaalal li xpatz'om, jo'kan naq kixye re li Jesus: —Ani li was wiitz'in?

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Romanos 14:3

Li natzekank, mixtz'eqtaana li ink'a' natzekank; ut li ink'a' natzekank, mixwech' rix li natzekank xb'aan naq a' li Yos xk'uluk re.

Levítico 13:32

Sa' xwuq li kutan laj tij taaril wi' chik li ra, ut wi li ra ink'a' xpukank ut ink'a' cham okenaq sa' xtib'el, chi moko q'an li rismal,