San Lucas 18:14 - Q'eqchi Bible

¹⁴ “Ninye eere naq a'in kisutq'iik sa' rochoch chi tiikob'resinb'il chik li xch'ool, ut li jun chik ink'a'. Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil”.

Li Santil hu

¹⁴ La̱in ninye e̱re nak laj titzꞌol toj, aꞌan li quisukꞌi saꞌ rochoch chi ti̱cobresinbil chic lix chꞌo̱l. Ut laj fariseo incꞌaꞌ, xban nak li ani naxnimobresi rib, aꞌan ta̱cubsi̱k xcuanquil. Ut li ani naxcubsi rib, aꞌan ta̱qꞌuehekꞌ xcuanquil, chan li Jesús.

San Lucas 18:14 ပူးပေါင်းရင်းမြစ်များ

San Lucas 14:11

Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil.

San Lucas 16:15

Ut li Jesus kixye reheb': “Laa'ex tiik leech'ool chiruheb' li tenamit naq nekeb'aanu eerib'. Ab'an li Yos naxnaw leech'ool, xb'aan naq li k'aru wank xloq'al chiruheb' li winq, a'an tz'eqb'eetal chiru li Yos.

Santiago 4:10

Kub'sihomaq eerib' chiru li Qaawa', ut a'an tixnima eewankil.

San Mateo 23:12

Li ani naxnimob'resi rib', taakub'siiq xwankil, ut li ani naxkub'si rib', taaterq'usiiq xwankil.

Proverbios 29:23

Li q'etq'et aj winq taakub'siiq xwankil; a'ut li kub'enaq xwankil, taak'ehe'q xloq'al.

Santiago 4:6

Ab'anan li Yos q'axal numtajenaq chik li usilal naxk'e qe. Jo'kan naq naxye li Santil Hu: “Li Yos ink'a' nawulak chiru li q'etq'eteb', ab'an narusilaheb' li q'uneb' xch'ool”.

San Lucas 1:52

Kirisiheb' li awab'ej sa' li xna'ajeb' ut kixtaqsiheb' li maak'a'eb' xwankil.

Salmos 138:6

Us ta jwal nim li Qaawa', ab'an naril li maak'a' xwankil ut toj najt naxnaw ru li q'etq'et.

San Mateo 5:3

“Us xaq reheb' li neb'a'eb' li xch'ool, xb'aan naq reheb' a'an li xnimajwal wankilal li choxa.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Proverbios 3:34

Li Qaawa' naxse'eb' li neke'xnimob'resi rib', ab'an narusilaheb' li kub'enaqeb' xwankil.

Li xHu LAJ JOB 25:4

Chiru li Yos maajun tiik xch'ool, maajun naru tixye naq maak'a' xmaak.

Gálatas 2:16

Ab'an naqanaw naq maa'ani natiikob'resiik xch'ool rik'in xb'aanunkil li naxye li xChaq'rab' laj Moisés, ka'aj b'an wi' rik'in xpaab'ankil li Jesukriist. Jo'kan naq laa'o ajwi' xqapaab' li Kristo Jesus re taatiikob'resiiq qach'ool chiru li Yos rik'in xpaab'ankil li Kriist ut maawa' rik'in xb'aanunkil li naxye li Chaq'rab', xb'aan naq maa'ani taatiikob'resiiq xch'ool rik'in xb'aanunkil li naxye li Chaq'rab'.

Romanos 4:5

Ut wi ani maak'a' k'anjel xb'aanu, ab'an naxpaab' li Yos li natiikob'resink xch'ool laj maak, li xpaab'aal nak'ehe'k sa' ajl cho'q xtiikilal xch'ool.

Romanos 3:20

Xb'aan naq maa'ani taatiikob'resiiq xch'ool chiru li Yos yal sa' xk'ab'a' xpaab'ankil li Chaq'rab'; a'in b'an li naxb'aanu li Chaq'rab': naxk'e chi nawe'k naq laa'o aj maak.

San Lucas 10:29

Laj nahol Chaq'rab' kiraj xch'olob'ankil xyaalal li xpatz'om, jo'kan naq kixye re li Jesus: —Ani li was wiitz'in?

Proverbios 18:12

Li q'etq'etil, kamk nokoxraqe'q wi'; ab'an li xtiklajik li loq'al, a'an li tuulanil.

Proverbios 15:33

Roxloq'inkil li Qaawa' nak'ehok chaab'il na'leb'. Ani taaraj taak'ehe'q xloq'al, tkub'si xb'enwa li xwankil.

Li xHu LAJ JOB 22:29

Li Qaawa' naxkub'si xwankil li q'etq'et, ab'anan naxkol li naxkub'si xwankil.

1 Samuel 1:18

“B'anyox aawe”, chan li ixq. Ut chirix a'an koho sa' li xb'e, kiwa'ak ut ink'a' chik kiraho'k sa' xch'ool.

Éxodo 18:11

Anaqwan ninnaw naq li Qaawa' a'an q'axal nim xwankil chiru chixjunileb' li yos, xb'aan naq xjosq'o'k sa' xb'eeneb' laj Ejiipt naq eb' a'an xe'raj raj xnimob'resinkil rib'”.

Romanos 8:33

Ani taajitoq reheb' li sik'b'ileb' ru xb'aan li Yos? Ma li Yos li natiikob'resink ch'oolej?

Romanos 5:1

Jo'kan utan, tiikob'resinb'il chik li qach'ool xb'aan li paab'aal, ut wanko sa' tuqtuukil usilal rik'in li Yos sa' xk'ab'a' li Qaawa' Jesukriist.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Isaías 53:11

Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

Isaías 45:25

Sa' ink'ab'a' te'q'axoq u ut k'eeb'ilaqeb' xloq'al chixjunileb' li ralal xk'ajol laj Israel”.

Li xHu LAJ JOB 9:20

Us ta maak'a' raj inmaak ut tiik linch'ool, a'an traqoq aatin sa' inb'een ut tixch'olob' linmaak.

Habacuc 2:4

Taa'oso'q li ink'a' tiik ru xyu'am, ab'an li tiik xch'ool taawanq xyu'am xb'aan li xpaab'aal”.

Eclesiastés 9:7

Jo'kan b'i', wa'in ut uk'an chi anchal aach'ool, xb'aan naq li Yos sa sa' xch'ool rik'ineb' laab'aanuhom.

Salmos 143:2

Matraqok aatin sa' inb'een, xb'aan naq maajun junaq maak'a' ta xmaak chawu.

Isaías 66:2

Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

Proverbios 25:7

jwal us naq li awab'ej tixye aawe: “Taqen chaq arin”, cha'aq, chiru naq taak'ute'q aaxutaan chiruheb' li ninqeb' xwankil. Wi wank k'aru xawil rik'in laawu,