San Lucas 18:13 - Q'eqchi Bible

¹³ “Ut laj titz'ol toj najt kixk'e chaq rib'; chi moko kiraj xtaqsinkil li rilob'aal sa' choxa, naxtenyan li re xch'ool: «At inYos, laa'in aj maak. Chawuxtaana taxaq wu!», chan.

Li Santil hu

¹³ Abanan laj titzꞌol toj najt quixqꞌue chak rib ut quixxulub lix jolom. Yo̱ chixtenbal li re xchꞌo̱l chi rukꞌ xban xrahil xchꞌo̱l ut quixye: “At inDios, la̱in aj ma̱c. Chacuuxta̱na taxak cuu,” chan.

San Lucas 18:13 ပူးပေါင်းရင်းမြစ်များ

Esdras 9:6

ut kinye: “At inYos, sachso linch'ool ut q'axal ninxutaanak chi xtaqsinkil li wilob'aal chawu, at inYos. Xikenaq xb'een li qamaa'usilal ut jwal naab'al li qamaak: xwulak toj sa' choxa.

1 Timoteo 1:15

Li aatin a'in tz'aqal yaal ut paab'ajel cho'q re chixjunileb': naq li Kristo Jesus kik'ulunk sa' ruuchich'och' re xkolb'aleb' laj maak; ut laa'in li xb'een sa' xyanqeb'.

Salmos 41:4

Li Qaawa' taak'irtasinq re naq yokyooq xb'aan li rahilal; trisi li xyajel ut tixk'e wi' chik xmetz'ew.

San Lucas 23:48

Ut chixjunileb' li tenamit li ke'wulak aran chi ilok, naq ke'xk'e reetal li k'aru xk'ulmank, ke'q'ajk sa' rochocheb', yookeb' chi xtenb'al re eb' li xch'ool.

Hebreos 8:12

Laa'in tinkuy li xmaakeb' ut ink'a' chik tjultiko'q we li xmaa'usilaleb'”.

Hechos 2:37

Naq ke'rab'i a'in, eb' li wankeb' aran k'ajo' naq ke'toch'e'k xch'ool, ut ke'xye re laj Pedro ut reheb' li xkomon apóstol: —Ex qas qiitz'in, k'aru tento taaqab'aanu?

Hebreos 4:16

Jo'kan utan, jiloqo chi tuqtuuq qach'ool rub'el roq wan wi' li usilal; ut chi jo'kan toxqak'ul li ruxtaan ut toxqataw li rusilal re naq tenq'anb'ilaqo tz'aqal sa' xq'ehil.

Romanos 5:8

A'ut li Yos naxk'ut qaraab'al rik'in naq li Kriist kikamk sa' qak'ab'a' naq toj wanko chaq sa' li qamaak.

San Lucas 5:8

Naq kiril a'an laj Simón Pedro, koxkut rib' chi roq li Jesus ut kixye: —Elen chink'atq, at Qaawa', xb'aan naq laa'in jun winq aj maak!

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Salmos 25:11

Sa' xk'ab'a' xnimal aarahom chinaakuy, at Qaawa', xb'aan naq q'axal nim linmaak.

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

2 Corintios 7:11

Chek'e reetal k'aru xyoob' sa' eeyanq li xrahil eech'ool jo' naraj li Yos: k'ajo' k'oxlak chiwix! Ut moko ka'aj ta wi' a'an. K'ajo' xpatz'b'al xkuyb'al eemaak, k'ajo' eejosq'il chirix li ink'a' us, k'ajo' eexiw, k'ajo' eek'a'uxl, k'ajo' leerahom, k'ajo' li xrahob'tesinkil laj maak! Laa'ex xek'ut naq tik maak'a' eemaak sa' chixjunil li na'leb' a'in.

Salmos 25:7

Ink'a' taxaq chiwanq linmaak sa' laawaanm jo'wi' li ink'a' us li kinb'aanu sa' linsaajilal. Chinnaq sa' aach'ool xb'aan laawuxtaan, jo' chanru xnimal laarahom, at Qaawa'.

San Mateo 9:13

Ayuqex chi xtzolb'al xyaalal a'in: «Uxtaanank nawaj, ink'a' mayejak». Xb'aan naq ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

Ezequiel 16:63

Chi jo'kan taajultiko'q aawe, taakub'si laawankil ut ink'a' chik taate laawe xb'aan laaxutaan, naq tinkuy tinsach chixjunileb' laamaak»”, chan li Qaawa'.

Isaías 1:18

“Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

San Lucas 17:12

Ut naq kox'okaq sa' jun li tenamit, lajeeb' chi winq saqlep rixeb' ke'elk chaq chi xk'ulb'al; ke'xaqliik chaq chi najt

Daniel 9:5

Xoomaakob'k, ink'a' us xoowank ut xqab'aanu li maa'usilal. Xqaq'etq'eti qib' chawu naq xqatz'eq chirix li qach'ool laachaq'rab' ut laataqlahom.

Salmos 130:7

Jo' naq laj k'aak'alenel naroyb'eni li hik'e'k, jo'kanaqeb' ajwi' laj Israel chi royb'eninkil li Qaawa'. Xb'aan naq rik'in li Qaawa' wank li rahok, rik'in a'an wank li tz'aqal kolb'a ib'.

Salmos 119:41

Chintz'aqonq, at Qaawa', rik'in laawuxtaan ut li kolb'a ib' li xayeechi'i we.

Salmos 106:6

Xoomaakob'k chawu jo' ke'xb'aanu chaq eb' li qana' qayuwa', xqaq'et laawaatin ut xqab'aanu li maa'usilal.

Salmos 40:12

A'ut laa'at, at Qaawa', maakanab' taxaq ruxtaanankil wu; sa' xk'ab'a' laarahom ut laatiikilal chinaak'aak'ale taxaq chi junelik.

2 Crónicas 33:23

Ab'an ink'a' kiyot'e'k xch'ool ut kixkub'si li xwankil chiru li Qaawa', jo' kixb'aanu laj Manasés li xyuwa', q'axal wi' chik b'an kixb'aanu li maa'usilal.

2 Crónicas 33:19

Li xtij ut li xsumenkil xb'aan li Qaawa', chixjunil li xmaak ut li b'alaq'ik kixb'aanu, eb' li na'ajej kixyiib'atq wi' eb' li tijob'aal ut b'arwi' kixk'ehatq eb' li xjalam u lix Aserá ut eb' li jalanil yos, naq toj maji' nayot'e'k xch'ool ut naxkub'si li xwankil, chixjunil a'an tz'iib'anb'il sa' xHuhil li xyehom ut xb'aanuhom laj Josay.

2 Samuel 12:13

Kichaq'ok laj David ut kixye: “Xinmaakob'k chiru li Qaawa'”. Ut laj Natán kixye re: “Li Qaawa' ak xkuy aamaak; ink'a' tatkamq.

Isaías 66:2

Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

San Mateo 6:5

“Ut naq textijoq, moko jo'kaqex ta eb' laj ka'pak'al u: nawulak chiruheb' li tijok chi xaqxo sa'eb' li ch'utleb'aal kab'l ut sa'atqeb' li xxuk li k'ayiil re xk'utb'aleb' rib' chiruheb' li tenamit. Relik chi yaal ninye eere naq ak xe'xk'ul li xq'ajkamunkileb'.

San Mateo 10:3

laj Felipe ut laj Bartolomé; laj Tomás ut laj Mateo laj titz'ol toj; laj Santiago, ralal laj Alfeo, ut laj Tadeo;

San Marcos 11:25

Ut naq xaqxooqex chi tijok, wi wank eech'a'ajkilal chiru anihaq, chekuy xmaak, re naq leechoxahil Yuwa' tixkuy tixsach ajwi' eemaak laa'ex.

San Lucas 22:41

Kirisi rib' sa' xyanqeb' ut koho jo' xnajtil nakute'k wi' junaq pek; kixwiq'ib' rib' chi tijok ut kixye:

Éxodo 33:10

Naq chixjunil li tenamit neke'ril li choql yo chi hilank chire li Muheb'aal, neke'xaqliik ut li junjunq naxhupub' rib' chire li rochoch.