San Lucas 18:12 - Q'eqchi Bible

¹² Ka' sut nin'ayuunik chiru li xamaan, ninmayeja li xlajeetqil chixjunil li naweechani».

Li Santil hu

¹² Caꞌ sut ninba̱nu in-ayu̱n chiru li jun xama̱n. Ut rajlal ninqꞌue li junju̱nk saꞌ xlaje̱tkil re chixjunil li joꞌ qꞌuial li nincꞌul,” chan laj fariseo saꞌ lix tij.

San Lucas 18:12 ပူးပေါင်းရင်းမြစ်များ

San Lucas 11:42

“Ab'anan ra chaalel sa' eeb'een laa'ex aj pariseey: neketoj li xlajeetqil li isk'i'ij, li aruub' ut chixjunil li ichaj, ut maak'a' xeraj wi' li tiikilal ut li xraab'al li Yos. Chixjunil a'in tento raj xeb'aanu, ab'an ink'a' raj xekanab' xb'aanunkil li junch'ol chik.

San Mateo 9:14

Toja' naq eb' li xtzolom laj Jwan ke'wulak rik'in li Jesus ut ke'xpatz' re: —K'a'ut naq laa'o ut eb' laj pariseey nokoo'ayuunik, ut eb' laatzolom laa'at ink'a' neke'ayuunik?

San Lucas 17:10

Jo'kanaqex ajwi' laa'ex: naq akaq xeb'aanu chixjunil li xextaqlaak wi', cheyehaq: «Laa'o yal aj kok' k'anjel. Ka'ajwi' xqab'aanu li tento sa' qab'een xb'aanunkil»”.

1 Timoteo 4:8

Li tzolokb'atz'unk kach'in ajwi' xk'anjel; ab'an li xraab'al li Yos nak'anjelak cho'q re chixjunil xb'aan naq naxyeechi'i li yu'am anaqwan ut sa'eb' li kutan chalk re chiqu.

San Mateo 6:1

“Chereek'ahaq eerib', meeb'aanu li us chiruheb' li tenamit yal re naq tex'ile'q xb'aaneb'; wi jo'kan teeb'aanu, maak'a'aq leeq'ajkamunkil rik'in leechoxahil Yuwa'.

Malaquías 3:8

Ut laa'in ninpatz' wib': Ma naru junaq winq xb'alaq'inkil li Yos? Naru, xb'aan naq laa'ex xineeb'alaq'i. Ut chirix a'an toj nekeye: «K'aru xatqab'alaq'i wi'?», chankex. Xineeb'alaq'i, xb'aan naq ink'a' nekek'e li junjunq sa' xlajeetqil ru leerawimq chi moko nekek'e leeloq'laj mayej.

Efesios 2:9

Moko xb'aan ta leeb'aanuhom naq kolb'ilex, re naq maa'ani tixnimob'resi rib'.

Gálatas 1:14

Keb'inq'ax ru naab'aleb' li wech tenamitul wech saajilal sa' xpaab'aaleb' laj Judiiy, q'axal chik kink'e inch'ool chi xpaab'ankil xna'leb'eb' li qana' qayuwa'.

1 Corintios 1:29

re naq maa'ani tixnimob'resi rib' chiru li Yos.

Romanos 3:27

B'ar put wank anaqwan li xnimankil qib'? Isinb'il chik chi junajwa. K'a' chi chaq'rab'il x'isink re? Ma rik'in qab'aanuhom? Ink'a'; rik'in b'an xchaq'rab'il li paab'aal.

San Mateo 6:16

“Naq tex'ayuuniq, moko jo'kaqex ta eb' laj ka'pak'al u li neke'xpak' xrahilaleb' xch'ool: neke'xpo' li rilob'aaleb' yal re naq taak'utunq chiruheb' li tenamit naq yookeb' chi ayuunik. Relik chi yaal ninye eere naq ak xe'xk'ul li xq'ajkamunkileb'.

San Mateo 6:5

“Ut naq textijoq, moko jo'kaqex ta eb' laj ka'pak'al u: nawulak chiruheb' li tijok chi xaqxo sa'eb' li ch'utleb'aal kab'l ut sa'atqeb' li xxuk li k'ayiil re xk'utb'aleb' rib' chiruheb' li tenamit. Relik chi yaal ninye eere naq ak xe'xk'ul li xq'ajkamunkileb'.

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

2 Reyes 10:16

Kixye re: “Yo'o chiwix ut taak'e reetal li xmayik linch'ool chirix li Qaawa'”. Ut kixk'am chirix sa' li xb'eleb'aal ch'iich'.

1 Samuel 15:13

Toja' naq laj Samuel koho wan wi' laj Saúl, ut a'in kixye re: “Li Qaawa' chi'osob'tesinq taxaq aawe. Ak xinb'aanu li xinxtaqla wi' li Qaawa'”.

Números 23:4

ut aran li Qaawa' ki'elk chaq chi xk'ulb'al laj Balaham, ut a'in kixye re: “Xink'uub' wuqub' chi artal ut xinmayeja junjunq saaj wakax ut junjunq karneer sa' li junjunq chi artal”, chan.

Números 18:24

xb'aan naq xink'e chi reechaniheb' li xlajeetqil li mayej neke'xyeechi'i eb' laj Israel re li Qaawa'. Jo'kan naq xinye reheb' naq maak'a' te'reechani sa' xyanqeb' laj Israel”, chan li Yos.

San Mateo 5:20

“Xb'aan naq ninye eere: wi leetiikilal ink'a' naxq'ax ru li xtiikilaleb' laj tz'iib' ut eb' laj pariseey, ink'a' tex'ok sa' li xnimajwal wankilal li choxa.