San Lucas 18:1 - Q'eqchi Bible

¹ Kixye reheb' jun li jaljookil ru aatin re xk'utb'al chiruheb' naq tento te'tijoq junelik, chi maak'a'aq ch'inank ch'oolej:

Li Santil hu

¹ Li Jesús quixye li jaljo̱quil ru a̱tin aꞌin reheb lix tzolom re xcꞌutbal chiruheb nak tento teꞌtijok junelic ut incꞌaꞌ ta̱chꞌina̱nk xchꞌo̱leb.

San Lucas 18:1 ပူးပေါင်းရင်းမြစ်များ

Colosenses 4:2

Chek'e eech'ool chi tijok chi junelik, ut chexyo'leq rik'in yoxink.

Romanos 12:12

Chisaho'q sa' eech'ool sa' xk'ab'a' leeroyb'enihom; chekuyaq li raaxiik' ut junelikaqex chi tijok.

1 Ts 5:17

Junelik chextijoq.

Filipenses 4:6

Maak'a' k'a'aq re ru chi'ok wi' eek'a'uxl, junelik b'an cheq'axtesi sa' roq ruq' li Yos leepatz'om rik'in tijok ut tz'aamank, jo'wi' rik'in yoxink.

Efesios 6:18

Junelik chextijoq, chextz'aamanq. Chi kok'aq xsa' chex'elajinq sa' li Musiq'ej. Yalomaq eeq'e chi yo'lek sa' komonil, yooqex chi tijok chirixeb' chixjunil laj santil paab'anel

Jeremías 29:12

Toja' naq teepatz' link'ab'a', tulextijoq chiwu, ut laa'in texwab'i.

San Lucas 21:36

Chexyo'leq b'i'; rajlal chextijoq re naq kawaqex chi xkolb'al eerib' chiru chixjunil a'in li talajk'ulmanq ut xaqxooqex chiru li K'ajolb'ej”.

Gálatas 6:9

Moolub'k chi xb'aanunkil li us xb'aan naq sa' xq'ehil tooq'oloq, wi ink'a' nach'inank qach'ool.

Salmos 86:3

At Qaawa', chawuxtaana wu: chi q'eq ut chi kutan ninpatz' laak'ab'a'.

Salmos 102:17

Naq li Qaawa' tixwaklesi wi' chik li tenamit Sión ut tixk'ut rib' sa' xnimal xloq'al,

2 Corintios 4:1

Xaqab'anb'ilo sa' li k'anjel a'in xb'aan xnimal ruxtaan li Yos, jo'kan naq ink'a' nach'inank qach'ool.

Colosenses 4:12

Naxtaqla xsahil eech'ool laj Epafras, a'an eekomon, xmoos li Kristo Jesus; junelik naxk'e xch'ool chepatz'b'al sa'eb' li xtij, re naq kaw xaqxooqex chi xb'aanunkil chi tz'aqal chixjunil li naraj li Yos.

Jonás 2:7

Xweek'a naq yo chi elk linch'ool, naqaamilat sa' li waanm, at Qaawa', ut lintij xwulak aawik'in, toj sa' laasantil ochoch.

Salmos 65:2

At qaYos, aak'ulub' li loq'oniik arin Sión, tento xk'eeb'al aawe li k'aru xqayeechi'i,

Salmos 27:13

Chi kaw inch'ool nawoyb'eni xyalb'al li rusilal li Qaawa' chiru linyu'am.

Isaías 40:31

a'ut li neke'oyb'enink rik'in li Qaawa' junelik kawaqeb' rib' ut te'rupupiq jo'eb' li t'iw; te'aanilaq chi ink'a' te'lub'q, ut te'b'eeq chi ink'a' te'tawaaq.

Isaías 62:7

meek'e chi hilank li Qaawa' toj reetal tixwaklesi wi' chik li xtenamit ut chixjunil li ruuchich'och' tixnima xloq'al Jerusalén.

1 Samuel 1:12

Jwal najt roq li tijok kixb'aanu lix Ana chiru li Qaawa', ut laj Elí yo chi xk'eeb'al reetal li xtz'uumal re.

San Lucas 11:10

Xb'aan naq chixjunil li natz'aamank nak'uluk; li nasik'ok natawok, ut li nab'oqok chire kab'l natehe'k chiru.