San Lucas 16:25 - Q'eqchi Bible

²⁵ “Ut laj Abrahán kixye re: «At walal, chijultiko'q aawe naq sa xatwank chaq chiru laayu'am, ut laj Lázaro ra xk'ul chaq. Anaqwan nak'ojob'aak xch'ool arin ut laa'at q'axal ra wankat.

Li Santil hu

²⁵ Ut laj Abraham quixye re: “At cuas cui̱tzꞌin, julticak a̱cue nak toj yoꞌyo̱cat saꞌ ruchichꞌochꞌ nabal a̱biomal ut kꞌaxal sa nak xatcuan. Ut laj Lázaro cꞌajoꞌ li raylal quixcꞌul. Anakcuan cꞌojobanbil xchꞌo̱l laj Lázaro arin ut la̱at kꞌaxal ra cuancat.

San Lucas 16:25 ပူးပေါင်းရင်းမြစ်များ

San Lucas 6:24

“Ab'an ra chaalel sa' eeb'een laa'ex b'ihomex, xb'aan naq ak xek'ul xk'ojob'ankil eech'ool.

1 Juan 2:15

Meera li ruuchich'och' chi moko li k'a'aq re ru wank sa' ruuchich'och'. Wi wank junaq naxra li ruuchich'och', moko wank ta li xrahom li Yuwa'b'ej rik'in.

Salmos 17:14

kolin rik'in laawankil chiruheb' ut chawisiheb' sa' li ruuchich'och' a'in: che'reechaniiq taxaq ka'ajwi' li yu'am a'in! Nujob'resi li xsa'eb' rik'in li k'aru xak'uub' cho'q reheb'; che'k'ojlaaq xch'ooleb' li ralal xk'ajoleb', ut li rela' che'xkanab' reheb' li ri xmameb'.

San Marcos 9:45

Ut wi laawoq nak'amok aawe chi maakob'k, yok': us cho'q aawe naq tat-ok sa' li yu'am chi ch'otol laawoq chiru naq tatkute'q sa' xb'alb'a chi wanq xkab'ichal laawoq.

Romanos 8:7

Li nak'amok wi' li xrahinkil li naraj li tz'ejwalej, a'an wank sa' xiik'ilal rik'in li Yos: li tz'ejwalej ink'a' naxk'e rib' rub'el xwankil xchaq'rab' li Yos, chi moko taaruuq aj ta wi';

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

Hebreos 11:25

a' chik li rahob'tesiik rochb'een li xtenamit li Yos kiraj chiru li wank sa' xsahil li maak li sa' junpaat nanume'k.

1 Ts 3:3

re naq maa'ani chich'inanq xch'ool xb'aaneb' li rahilal a'in. Ak ch'olch'o cheru naq tento tqak'ul a'an.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

San Lucas 16:23

“Ut sa' li xb'alb'a, naq yo chi xk'ulb'al xnimal li rahilal, kixtaqsi li rilob'aal ut kiril ru laj Abrahán chi najt, ut laj Lázaro wank chi xk'atq.

San Lucas 16:20

Chire li rochoch wank jun li neb'a', aj Lázaro xk'ab'a', nujenaq chi sankil xox li rix:

Daniel 5:30

Chiru ajwi' li q'oqyink a'an kikamsiik laj Baltasar, awab'ej re Kaldeha.

Lamentaciones 1:7

Jerusalén najultiko'k re li kutan xwank wi' sa' rahilal ut junaatalil; najultiko'k re chanru naq junxil xwank naab'al xb'ihomal. Najultiko'k re chanru naq xt'ane'k sa' ruq'eb' li xik' neke'ilok re, chi maajun xchalk chi tenq'ank re. K'ajo' naq xate'reetz'u eb' li xik' neke'ilok aawe rik'in rilb'al laawoso'jik, at Jerusalén!

Salmos 49:11

K'utk'u utan naq neke'kamk chixjunileb': li wankeb' xna'leb' jo'wi' eb' li jip ut li maak'a'eb' xna'leb'; ut sa' ruq' jalaneb' chik te'xkanab' li xb'ihomaleb'.

Li xHu LAJ JOB 22:18

Us ta li Yos naxnujob'resi li rochocheb' rik'in b'ihomal, ab'an xe'xtz'eqtaana li Qaawa' xb'aan li xyib'al ru xch'ooleb'.

Salmos 73:7

Nujenaqeb' chi lab'al ut maa'usilal, numtajenaq sa' raanmeb' li yib' aj na'leb'.

San Mateo 27:63

ut ke'xye re: —Wa', xnaqk sa' qach'ool naq laj b'alaq' a'an kixye naq toj yo'yo: «Sa' rox li kutan tinwakliiq wi' chik chi yo'yo».

San Lucas 16:26

Wank ajwi' jun nimla uul b'ekb'il sa' qayanq, re naq ani qe laa'o taaraj raj q'axonk wankex wi' ink'a' truuq, chi moko li wankex aran texruuq chi q'axonk chaq qik'in».

Deuteronomio 28:17

Tz'eqtaananb'ilaq laachakach ut laak'uuleb'aal.