San Lucas 15:24 - Q'eqchi Bible

²⁴ Xb'aan naq li walal a'in kamenaq naq xwank ut xwakliik wi' chik chi yo'yo, kisachk ut xtawmank chaq!». Ut ke'xtikib' ninq'ehik.

Li Santil hu

²⁴ xban nak li cualal aꞌin chanchan camenak nak xcuan chak. Aꞌut anakcuan xsukꞌi cuiꞌchic chi yoꞌyo. Sachenak nak xcuan ut xtauman cuiꞌchic, chan. Ut queꞌoc chi ninkꞌei̱c.

San Lucas 15:24 ပူးပေါင်းရင်းမြစ်များ

Efesios 2:5

ut xk'e qayu'am qochb'een li Kriist naq toj kamenaqo chaq xb'aan li qamaak. A'an jun eemaatan naq kolb'ilex.

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.

Colosenses 2:13

Junxil kamenaqex naq kexwank chaq xb'aan leemaak jo' ajwi' xb'aan naq maji' eerisihom chaq leetz'ajb'eetalil na'leb'. Ab'an li Yos kixk'e eeyu'am eerochb'een li Kriist, ut kixkuy kixsach chixjunil li qamaak.

San Lucas 19:10

Xb'aan naq li K'ajolb'ej xk'ulunk chi xsik'b'al ut chi xkolb'al li b'arwan sachenaq.

Efesios 2:1

Junxil laa'ex kamenaqex chaq sa' leemaa'usilal ut sa' leemaak.

San Lucas 15:4

“Ani eere laa'ex, wanq ta o'k'aalaq xkarneer ut taasachq junaq chiru, ma ink'a' raj tixkanab' li b'eleelaju ro'k'aal sa' li chaqich'och' ut taaxik chi xsik'b'al li sachenaq toj reetal toxtaw chaq?

San Lucas 15:32

Ab'anan tento ajwi' xqab'aanu li ninq'e ut xsaho'k sa' qach'ool, xb'aan naq laawiitz'in a'in kamenaq naq xwank ut xwakliik wi' chik chi yo'yo, kisachk ut xtawmank chaq»”.

Romanos 6:11

Jo'kan ajwi' laa'ex, chereek'ahaq naq kamenaqex chiru li maak ut yo'yookex cho'q re li Yos sa' xk'ab'a' li Kristo Jesus.

Romanos 8:2

Xb'aan naq li xchaq'rab' li Musiq'ej li nak'ehok yu'am sa' xk'ab'a' li Kristo Jesus xatrach'ab' chiru xchaq'rab' li maak ut li kamk.

Romanos 12:15

Chisaho'q sa' eech'ool rik'ineb' li saheb' sa' xch'ool, chexyaab'aq rik'ineb' li yookeb' chi yaab'ak.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

San Juan 11:25

Kixye li Jesus re: —Laa'in li wakliik wi' chik chi yo'yo ut li yu'am. Ani napaab'ank we, us ta taakamq, taawanq xyu'am,

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

1 Corintios 12:26

Wi ra naxk'ul junaq xcha'al li tz'ejwalej, chixjunileb' li cha'alej neke'raho'k rochb'een. Wi junaq cha'alej na'oxloq'iik, chixjunileb' neke'saho'k rochb'een.

1 Timoteo 5:6

Ab'an li xmalka'an li jo'maajo' naq wank, a'an kamenaq us ta yo'yo.

Romanos 11:15

Xb'aan naq wi rik'in naq ke'tz'eqtaanaak eb' laj Judiiy, kik'ame'k wi' chik sa' usilal li ruuchich'och' xb'aan li Yos, ma toja' ta chik li rokikeb' sa' li paab'aal? A'an chanchanaq xwaklijikeb' wi' chik chi yo'yo eb' li kamenaq!

Romanos 6:13

Chi moko chek'e leeroq leeruq' re xb'aanunkil li maak, cho'q xk'anjelob'aal li ink'a' us; cheq'axtesi b'an eerib' re li Yos jo'kex li kamenaq yo'lajenaqeb' wi' chik, ut chek'e leeroq eeruq' cho'q xk'anjelob'aal li tiikil ch'oolej, cho'q re li Yos.

San Juan 5:21

“Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj.

San Marcos 8:22

Naq ke'wulak Betsaida, ke'xk'am chaq rik'in li Jesus jun li mutz' ut ke'relaji naq chixch'e'aq.

Ezequiel 34:4

Ink'a' nekech'oolani eb' li karneer li ink'a' neke'xkuy b'eek, chi moko nekeb'an eb' li yaj; ink'a' nekelan xtiq'ilal li naxtiq' rib', chi moko nekesutq'isi chaq li xsachk sa' xb'e, ink'a' nekesik' chaq eb' li sachenaq, xik' b'an chik nekerileb' ut k'ajo' leejosq'il rik'ineb'.

Apocalipsis 3:1

“Tz'iib'an rik'in li x'ánjel li Iklees li wank Sardes: «A'in naxye li wank wuqub' chi xmusiq' li Yos rik'in ut li wuqub' chi chahim. Ninnaw laab'aanuhom; yo'yookat naq neke'xye, ab'an kamenaqat.

San Judas 1:12

Eb' a'in xutaanal ajwi' rilb'aleb' naq wankeb' sa' eeyanq sa' leeloq'laj ninq'e: neke'wa'ak neke'uk'ak sa' eeyanq chi maak'a'eb' xxutaan, yookeb' chi xch'oolaninkileb' rib' xjuneseb'. Jo'keb' li choql li maak'a' hab' chisa', taqen kub'eneb' xb'aan li iq', chanchaneb' li che' maak'a'eb' li ru sa' xq'ehil, ka' wa kamenaqeb', mich'b'il li xxe'eb';

San Lucas 10:19

Chek'e reetal, xink'e eewankil chi xyeq'b'aleb' li k'anti' ut laj xook', jo' ajwi' sa' xb'een chixjunil xwankilal li xik' na'ilok eere; ut maak'a' k'aru taarahob'tesinq eere.

Génesis 45:28

Ut kixye: “Tz'aqalaq a'in! Toj yo'yo laj José li walal. Tinxik chi rilb'al ru rub'elaj linkamik”, chan.

Isaías 66:11

Xb'aan naq taak'ojob'aaq leeraanm xb'aan li xnimal xq'unal: jo'eb' li k'uula'al yookeb' chi tu'uk, jo'kan ajwi' naq teetu'un li xtu' Jerusalén rik'in sahil ch'oolej.

San Mateo 8:22

Ut li Jesus kixye re: —Taaqehin ut kanab'eb' li kamenaq chi xmuqb'aleb' li xkamenaq.

San Lucas 9:60

Ut li Jesus kixye re: —Kanab'eb' li kamenaq chi xmuqb'aleb' li xkamenaq. A'ut laa'at ayu chi xyeeb'al resil li xnimajwal awab'ejihom li Yos.

San Lucas 15:23

K'amomaq chaq li ral wakax ch'oolaninb'il chi us, kamsihomaq, chootzekanq ut chooninq'ehiq!

San Lucas 15:25

“Li asb'ej wan chaq sa' k'aleb'aal. Sa' xsutq'ijik chaq, naq kinach'ok rik'in li kab'l, kirab'i li son ut li xajok.