San Lucas 15:20 - Q'eqchi Bible

²⁰ Ut kiwakliik, koho rik'in li xyuwa'. “Toj najt ajwi' wan chaq, naq li xyuwa' kiril ut kireek'a xnimal xrahom: koho sa' aanil, koxq'alu chi xkux ut kixtz'ub' ru.

Li Santil hu

²⁰ Saꞌ junpa̱t quicuacli ut quisukꞌi saꞌ rochoch lix yucuaꞌ. Toj cuan ajcuiꞌ chak chi najt nak qui-ileꞌ xban lix yucuaꞌ. Ut li yucuaꞌbej quiril xtokꞌoba̱l ru. Co̱ saꞌ a̱nil chixcꞌulbal li ralal. Quixkꞌalu ut quirutzꞌ ru.

San Lucas 15:20 ပူးပေါင်းရင်းမြစ်များ

Salmos 86:5

Q'axal chaab'ilat, at Qaawa', ut aj kuyulat maak; makach'in xnimal laawuxtaan sa' xb'eeneb' li neke'tijok chawu.

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

Efesios 2:13

A'ut anaqwan sa' xk'ab'a' li Kristo Jesus laa'ex li najt wankex chaq junxil, nach' chik wankex sa' xk'ab'a' xkik'el li Kriist.

Isaías 49:15

Ab'anan, ma wank tab'i' junaq na'b'ej nasachk sa' xch'ool li xk'uula'al malaj naxkanab' xraab'al li tz'aqal ralal? Us ta jo'kan naxb'aanu junaq na'b'ej, a'ut laa'in ink'a' tatinsach sa' inch'ool.

Génesis 33:4

Ab'an laj Esaú ki'aanilak chi xk'ulb'al, kixq'alu chi xkux, kixtz'ub' ru ut kiyaab'ak.

Efesios 2:17

Kichalk chi xyeeb'al resil li tuqtuukil usilal eerik'in laa'ex li najt wankex chaq jo' ajwi' rik'ineb' li nach' wankeb'.

Jeremías 31:20

“Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.

Isaías 57:18

Ak xwil li xb'aanuhom, ab'an tink'irtasi, tinb'eresi ut tink'ojob' xch'ool a'an jo'wi' li neke'yaab'ak chirix;

Génesis 46:29

laj José kixb'ak' li xb'eleb'aal ch'iich' chirixeb' li kawaay ut koho Gosen chi xk'ulb'al laj Israel, li xyuwa'. Naq kiril ru, kixq'alu chi xkux ut k'ajo' naq kiyaab'ak sa' xb'een xkux.

Génesis 45:14

Laj José kixq'alu chi xkux laj Benjamín, li riitz'in, ut ki'ok chi yaab'ak; yo ajwi' chi yaab'ak laj Benjamín rochb'een.

Hechos 20:37

K'ajo' naq ke'ok chi yaab'ak chixjunileb', ke'xq'alu chi xkux laj Pablo ut ke'xtz'ub' ru

Hechos 2:39

Xb'aan naq eere li yeechi'inb'il xb'aan li Yos, reheb' ajwi' leeralal eek'ajol ut reheb' chixjunil li wankeb' chi najt, jo'k'ihaleb' tixb'oqeb' li Qaawa' li qaYos.

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

2 Samuel 14:33

Toja' naq laj Johab koho rik'in li awab'ej ut kixye re li k'aru kiyehe'k xb'aan laj Absalón. Li awab'ej kixtaqla xb'oqb'al laj Absalón, ut a'in koho rik'in ut kixb'uchub' rib' chiru. Chirix chik a'an li awab'ej kirutz' ru laj Absalón.

San Lucas 15:19

Ink'a' chik ink'ulub' naq tink'ab'a'in aawalal; jo'kaqin b'an chik junaq laamoos naq tinaawil».

San Lucas 15:21

Ut li ralal kixye re: «Wa', xinmaakob'k chiru li choxa ut chawu laa'at. Ink'a' chik ink'ulub' naq tink'ab'a'in aawalal».