San Lucas 14:21 - Q'eqchi Bible

²¹ “Kisutq'iik chaq li moosej ut kolxye resil a'in re laj eechal re. Toja' naq laj eechal kab'l kichalk xjosq'il ut kixye re li xmoos: «Ayu chi junpaat sa'eb' li k'ayiil ut sa'eb' li b'e sa' tenamit, ut oksiheb' chaq arin eb' li neb'a', li toqol, li mutz' ut li yeq».

Li Santil hu

²¹ Li mo̱s quisukꞌi riqꞌuin lix patrón ut quixye re li cꞌaꞌru queꞌxye li bokbileb. Quichal xjoskꞌil li patrón ut quixye re lix mo̱s: —Ayu saꞌ cꞌayil ut saꞌ eb li be ut ta̱bokeb li nebaꞌ, eb li tokol rok rukꞌeb, eb li ye̱k rokeb ut eb li mutzꞌ ut ta̱cꞌameb chak arin, chan.

San Lucas 14:21 ပူးပေါင်းရင်းမြစ်များ

San Lucas 14:13

Naq laa'at taab'aanu junaq xnimal wa'ak, b'oqeb' chaq li neb'a', li toqol, li yeq, li mutz',

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

San Mateo 11:5

Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

San Juan 9:39

—Chi raqok aatin xinchalk sa' li ruuchich'och' a'in -chan li Jesus- re naq eb' li ink'a' neke'ilok che'iloq, ut eb' li neke'ilok che'mutz'irq.

San Lucas 14:24

Xb'aan naq ninye eere: Maajun reheb' li winq a'an li xe'b'oqe'k chaq, taayaloq re lintzekemq».

Isaías 35:6

Li yeq roq taapisk'oq jo' li yuk, ut eb' li mem te'xjap chik re xb'aan xsahil xch'ooleb'. Sa' li chaqich'och' taayo'laaq li yu'amha' ut k'ajo' li ha' taawulk'uq sa' li joxk' na'ajej.

Hebreos 2:3

chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re.

1 Samuel 2:8

Naxwaklesi sa' pojtz' li kub'enaq xwankil ut narisi li neb'a' sa' xna'aj li mul, re xk'eeb'al chi k'ojlaak chi xk'atqeb' li ninqeb' xwankil, re xk'eeb'al sa' jun li na'ajej q'axal loq'. Xb'aan naq li Qaawa' a'an laj eechal re eb' li roqechal li ruuchich'och': sa' xb'eeneb' a'an k'ojob'anb'il li choxach'och'.

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

Apocalipsis 19:15

Sa' re na'elk chaq jun li q'esnal ch'iich' re xyok'b'aleb' li tenamit. Tixb'eresiheb' rik'in b'aar ch'iich', ut a'an ajwi' taayatz'oq uub' re risinkil li b'iin, reetalil li xnimal xjosq'il li Nimajwal Yos.

Hebreos 13:17

Chex'ab'inq chiruheb' laj k'amol eeb'e xb'aan naq eb' a'an neke'yo'lek chirix leeyu'am jo'eb' li toxe'xq'axtesi ru li xk'anjeleb' cherix laa'ex. Chepaab'aqeb' re naq te'xb'aanu a'in rik'in sahil ch'oolej, ut ink'a' chi rahaqeb' sa' xch'ool, xb'aan naq a'an moko tixk'am ta chaq usilal cho'q eere.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

San Lucas 9:10

Naq ke'sutq'iik chaq eb' li apóstol, ke'xseeraq'i re li Jesus jo'ch'inal jo'nimal ke'xb'aanu chaq. Ut a'an kixk'ameb' xjuneseb' ut koho sa' jun tenamit, Betsaida xk'ab'a'.

San Mateo 18:31

“Naq eb' li rech moosil ke'ril li xk'ulmank, k'ajo' naq ke'raho'k xch'ool; koheb' ut koxe'xye re li awab'ej chixjunil li xk'ulmank.

San Mateo 15:12

Toja' naq eb' li xtzolom ke'jilok chi xk'atq ut ke'xye re: —Ma nakanaw naq eb' laj Pariseey ra xe'reek'a naq xe'rab'i laawaatin?

Zacarías 11:11

Chiru li kutan a'an kisache'k xwankil li sumwank, ut eb' laj k'ay karneer li yookeb' chi wilb'al, ke'xtaw ru naq a' li Qaawa' x'aatinak.

Zacarías 11:7

Toja' naq kin'ok chi rilb'aleb' li karneer re kamsiik, jo' chanru xyeemank xb'aaneb' laj k'ay. Kinsik' ajwi' wiib' inxuq': li jun “Sahil wank” kink'e cho'q xk'ab'a', ut li jun chik “Junajil” kixk'ab'a'in.

Jeremías 5:1

“B'eenihomaq eb' li b'e re Jerusalén -chan li Qaawa'-, ilomaq chi us ut k'ehomaq reetal. Sik'omaq sa'atqeb' li ruq' b'e re rilb'al ma teetaw junaq winq li nab'aanunk li tiikilal ut naxsik' li yaal; ut tinkuy raj xmaak Jerusalén.

1 Samuel 25:12

Eb' li saaj winq taqlanb'ileb' xb'aan laj David ke'sutq'iik wi' chik, ut naq ke'wulak rik'in laj David, ke'xseeraq'i re li xsumehom laj Nabal.

Salmos 38:7

k'utzk'uukin aj chik, lub'luukin chi junajwa ut q'axal ra sa' inch'ool chiru chixjunil li kutan.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

San Lucas 14:20

Kixye li jun chik: «Xinsumlaak, jo'kan naq moko naru ta tinxik».

San Lucas 14:22

Kixye li moosej: «Wa', ak x'uxmank li xataqla xb'aanunkil, ut toj wank na'ajej».

San Mateo 20:7

Ke'xsume ut ke'xye: Xb'aan naq maa'ani xyehok k'anjelak qe. Kixye ut reheb': «Ayuqex ajwi' laa'ex sa' li wawimq».