San Lucas 13:13 - Q'eqchi Bible

¹³ Kixk'e li ruq' sa' xb'een, ut sa' junpaat kixtiikob'resi rib' li ixq ut ki'ok chi xnimankil ru li Yos.

Li Santil hu

¹³ Ut quixqꞌue li rukꞌ saꞌ xbe̱n li ixk. Ut saꞌ ajcuiꞌ li ho̱nal aꞌan li ixk quixakli chi ti̱c ut qui-oc chixlokꞌoninquil li Dios.

San Lucas 13:13 ပူးပေါင်းရင်းမြစ်များ

San Marcos 16:18

te'chapoq k'anti' rik'in ruq'eb' ut, wi te'ruk' k'a'aq re ru nakamsink, maak'a' te'xk'ul; te'xk'e li ruq' sa' xb'eeneb' li yaj ut te'k'iraaq”.

San Marcos 5:23

ut kixtz'aama kirelaji chiru: —Linch'ina rab'in kamk re. K'e chaq laawuq' sa' xb'een re naq taakole'q ut ink'a' taakamq.

San Marcos 8:25

Chirix a'an li Jesus kixk'e wi' chik li ruq' sa' li ru, ut li mutz' ki'ok chi ilok chi chaab'il, ut kik'iraak: saqenk chik na'ilok toj chi najt.

San Marcos 6:5

Ut maajun sachb'ach'oolej kiruuk chi xb'aanunkil aran; ka'ajwi' kixk'irtasi wiib' oxib' li yaj rik'in xk'eeb'al li ruq' sa' xb'eeneb'.

San Lucas 4:40

Naq ok re li saq'e, chixjunileb' li wankeb' xyaj, a' yaal k'aru xyajeleb', kilaje'xk'am rik'in li Jesus ut a'an kixk'e li ruq' sa' xb'eeneb' chixjunqaleb', ut kixk'irtasiheb'.

Hechos 9:17

Koho laj Ananías, kox'okaq sa' li kab'l b'arwi' wank laj Sawlo, kixk'e li ruq' sa' xb'een ut kixye re: —Saúl, at wiitz'in, li Qaawa' xinxtaqla chaq aawik'in, a' li Jesus li xk'ut rib' chawu sa' li b'e xatchalk wi'. Xinxtaqla chaq, re naq tat iloq wi' chik ut tatnujaq rik'in Santil Musiq'ej.

San Lucas 18:43

Sa' junpaat ki'ok chi ilok ut kixtaaqe li Jesus, yo chi xnimankil ru li Yos. Ut chixjunil li tenamit, naq ke'ril a'an, ke'xk'e xloq'al li Yos.

San Mateo 9:8

Naq ke'ril a'in li tenamit, ke'xiwak ut ke'xnima xloq'al li Yos li kik'ehok li nimla wankilal a'in reheb' li winq.

San Lucas 13:12

Naq kiril a'an li Jesus, kixb'oq rik'in ut kixye re: —At ixq, k'irajenaq chik laayajel.