San Lucas 12:5 - Q'eqchi Bible

⁵ Tink'ut cheru ani tento teexiwa ru: chexiwa ru li ani nakamsink ut wank xwankil chi kutuk sa' xb'alb'a. Yaal, ninye wi' chik eere: chexiwaaq ru a'an.

Li Santil hu

⁵ La̱in tinye e̱re ani li tento te̱xucua ru. Chexucua̱k ru li Dios li naru ta̱risi xyuꞌam li junju̱nk ut cuan xcuanquil chixtaklanquil li a̱mej saꞌ xbalba. Aꞌan li tento te̱xucua ru.

San Lucas 12:5 ပူးပေါင်းရင်းမြစ်များ

2 Pedro 2:4

K'ehomaq reetal. Li Yos ink'a' kixkuy xmaakeb' li ánjel ke'maakob'k, kixkuteb' b'an sa' xb'alb'a ut kixq'axtesiheb' sa' xchamal li aak'ab' re naq k'aak'alenb'ilaqeb' toj sa' xkutankil li raqb'a aatin.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Apocalipsis 14:7

Ut a'an kixye chi kaw xyaab' xkux: “Chexiwa ru li Yos ut chek'e xloq'al xb'aan naq xtaw xq'ehil naq taaraqoq aatin; cheloq'oni li kib'aanunk re li choxach'och', li palaw ut eb' li yo'leb'aal ha'”.

Hebreos 10:31

Q'axal xiwajel li t'ane'k sa' ruq' li yo'yookil Yos!

Salmos 9:17

Li Qaawa' xk'ut rib' ut xraqok aatin: xb'ach'le rib' laj maak sa' li xb'aanuhom li ruq'.

Proverbios 14:26

Li naroxloq'i li Qaawa', k'ojk'o li xch'ool chi junelik, ut eb' li ralal xk'ajol xaqxo li royb'enihomeb'.

Apocalipsis 20:14

Li kamk ut li xna'ajeb' li kamenaq ke'kute'k sa' li palaw xam (li palaw xam a'an li xkab' kamk).

1 Ts 4:6

Maa'ani chimaakob'q chiru li ras riitz'in rik'in li na'leb' a'in chi moko chinumtaaq sa' xb'een, xb'aan naq li Yos aj eeqajunel re chixjunil a'in, jo' ak yeeb'il ut ch'olob'anb'il cheru qab'aan.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

San Mateo 5:22

A'ut laa'in ninye eere: Wi junaq taajosq'o'q rik'in li ras riitz'in, wanq xmaak sa' li raqleb'aal aatin; ut li tixhob' li ras riitz'in, wanq ajwi' xmaak ut taak'ame'q chiruheb' li xninqal ru aj raqol aatin; ut li tixmajewa li xkomon, wanq xmaak re xik sa' xxamlel li xb'alb'a.

Jeremías 5:22

Ma ink'a' nekexiwa wu laa'in? -chan li Qaawa'-. Ma ink'a' teesiksiki eerib' xb'aan eexiw chiwu? Laa'in kink'e li samahib' cho'q xramleb' li palaw, a'an jun nub'ajl li ink'a' naru xq'axb'al. Us ta te'wakliiq li xkawil oq li ha' ut kaw te'eek'anq, ab'an ink'a' te'nume'q sa' xb'een.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

Jeremías 10:7

Ani ink'a' taaxiwanq aawu, at xReyeb' li xninqal ru tenamit? Relik chi yaal naq aak'ulub' naq xiwanb'ilaq aawu. Sa' xyanqeb' chixjunileb' li wankeb' xna'leb' ut sa' xyanqeb' li awab'ej sa' ruuchich'och' maajun chik wank jo' laa'at, at Qaawa'.

San Marcos 13:23

A'ut laa'ex yo'oon wanqex; ak junxilaj xinye resil eere chixjunil.

Jeremías 41:18

re elk chiruheb' laj Kaldeha, xb'aan naq k'ajo'eb' xxiw. Ke'ok xxiw xb'aan naq laj Ismael, ralal laj Natanías, kixkamsi laj Kedalías, ralal laj Ajikán, li kixaqab'aak xwankil chi xjolominkileb' laj Judá xb'aan li awab'ej re Babilonia.