San Lucas 12:45 - Q'eqchi Bible

⁴⁵ Ab'anan, wi li moosej a'an tixye sa' xch'ool: «Laj eechal we xb'ay chaq», ut taa'ok chi xsak'b'aleb' li rech moosil winq ut ixq, taa'ok chi wa'ak, chi uk'ak ut chi kalaak,

Li Santil hu

⁴⁵ Abanan cui li mo̱s aꞌan incꞌaꞌ us lix naꞌleb, tixye saꞌ xchꞌo̱l, “Lin patrón ta̱ba̱yk chi cꞌulu̱nc”. Ut ta̱oc chixsacꞌbaleb li rech mo̱sil joꞌ cui̱nk joꞌ ixk ut ta̱oc chi cuaꞌac, chi ucꞌac ut chi cala̱c.

San Lucas 12:45 ပူးပေါင်းရင်းမြစ်များ

Apocalipsis 18:24

Aran, sa' li tenamit Babilonia, xtawe'k xkik'eleb' li propeet, xkik'eleb' li sant ut chixjunileb' li kilaje'kamsiik sa' ruuchich'och'.

Apocalipsis 16:6

xb'aan naq eb' a'an xe'xhoy xkik'eleb' li sant jo'wi' li xkik'eleb' li propeet, ut laa'at xak'e li kik' chi ruk'eb': jo'kan naq xe'xk'ul tz'aqal xq'ajkamunkileb'”.

2 Pedro 2:19

Neke'xyeechi'i reheb' wank chi ach'ab'anb'il, a'ut eb' a'an wankeb' rub'el xwankil li maa'usilal, xb'aan naq relik chi yaal naq yalaq k'a' re ru nanumtaak sa' xb'een li winq, a'an eechaninb'il wi' li winq a'an.

2 Pedro 2:13

Te'xk'ul li rahilal jo' reeqaj li rahilal xe'xb'aanu. Neke'xk'oxla naq li tz'aqal sahil ch'oolej a'an xyalb'al li maa'usilal yal chiru jun kutan. Eb' li winq a'in ak xmuxumeb' rib' ut maak'a'eb' xxutaan: neke'xq'axtesi rib' sa' li nawulak chiruheb' naq yookeb' chi ninq'ehik eerochb'eeneb'.

1 Ts 5:7

Xb'aan naq eb' li neke'wark, chi q'eq neke'wark; ut eb' li neke'kalaak, chi q'eq neke'kalaak.

2 Corintios 11:20

Nekekuy naq junaq nekexk'e chi moosil ut naq junaq naxmaq' chixjunil cheru, narelq'a li k'aru eere, naxq'etq'eti rib' ut nekexsak' chi xnaq' eeru.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

San Mateo 22:6

ut eb' li junch'ol chik ke'xchapeb' li xmoos li awab'ej, ke'xhob'eb' ut ke'xkamsiheb'.

Ezequiel 34:8

Sa' xk'ab'a' linloq'al, laa'in li Qaawa' ninye chi jo'ka'in: Eb' li k'iila paay chi josq' aj xul xe'xxok ut xe'xt'upi linketomq, xb'aan naq maak'a' aj ilol reheb'. Eb' laj ilol reheb' linkarneer ink'a' xoxe'xsik' chaq eb' li xe'sachk. Xb'aan naq eb' laj k'aak'alenel yal xjuneseb' rib' neke'xch'oolani rib', ut ink'a' xe'xch'oolani eb' linkarneer.

Ezequiel 12:22

“At kaamel winq, k'aru naraj naxye li aatin yookex chi xyeeb'al laa'ex aj Israel: «Yo chi nume'k li kutan ut ink'a' nak'ulmank li k'utb'esinb'il chiru li propeet sa' moy u»?

Jeremías 20:2

jo'kan naq kixk'e chi sak'e'k li propeet ut chi nat'e'k li roq sa' nat'che', li wank sa' li xNimla Okeb'aal laj Benjamín, chi xk'atq li rochoch li Yos.

Isaías 65:6

“K'ehomaq reetal, chixjunil a'an tz'iib'anb'il chiwu ut ink'a' tinkanab' aatinak toj reetal tink'e leeq'ajkamunkil,

Deuteronomio 12:12

Aran taasaho'q eech'ool chiru li Qaawa' eerochb'eeneb' leeralal eek'ajol, eb' laj k'anjel cheru jo' winq ut ixq, jo' ajwi' eb' laj Leví li wankeb' sa' eeyanq, xb'aan naq ink'a' xk'ulumeb' li xna'ajeb'.

San Lucas 12:44

Relik chi yaal ninye eere naq tixxaqab' chi xjolominkil chixjunil li xjunkab'lal.

San Lucas 12:46

taak'ulunq laj eechal re li moosej a'an sa' li kutan ink'a' wi' naxyo'oni ut sa' li honal maak'a' wi' sa' xch'ool, taarisi ut tixk'e xna'aj sa' xyanqeb' laj q'etol aatin.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

San Juan 2:10

ut kixye re: —Chixjunil li poyanam xb'enwa neke'xk'e li chaab'il b'iin ut, naq ak xe'k'ojlaak xch'ool, aka' chik li ink'a' chaab'il. A'ut laa'at xak'uula li chaab'il b'iin toj anaqwan.

Hechos 2:18

Jo'kan ajwi', sa'eb' li kutan a'an, tinhoy linMusiq' sa' xb'een chixjunileb' linmoos, jo' winq jo' ixq, ut te'aatinaq jo' propeet.

Li xHu LAJ JOB 24:23

Naxkanab'eb' chi wank chi maak'a'eb' xk'a'uxl, ab'an yo xk'eeb'al reetal li k'aru neke'xb'aanu.