San Lucas 12:42 - Q'eqchi Bible

⁴² Kichaq'ok li Qaawa' ut kixye: “Ani li moosej tiik xch'ool ut wank xna'leb' li taak'ehe'q xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

Li Santil hu

⁴² Ut li Ka̱cuaꞌ quixye re: —Li mo̱s li cuan xnaꞌleb ut cha̱bil, aꞌan li ta̱qꞌuehekꞌ xcuanquil xban lix patrón saꞌ xbe̱neb li rech mo̱sil. Aꞌan chic ta̱qꞌuehok re xtzacae̱mkeb saꞌ x-o̱ril.

San Lucas 12:42 ပူးပေါင်းရင်းမြစ်များ

Hebreos 13:17

Chex'ab'inq chiruheb' laj k'amol eeb'e xb'aan naq eb' a'an neke'yo'lek chirix leeyu'am jo'eb' li toxe'xq'axtesi ru li xk'anjeleb' cherix laa'ex. Chepaab'aqeb' re naq te'xb'aanu a'in rik'in sahil ch'oolej, ut ink'a' chi rahaqeb' sa' xch'ool, xb'aan naq a'an moko tixk'am ta chaq usilal cho'q eere.

Hebreos 13:7

Jultikaq eere eb' laj k'amol eeb'e li ke'ch'olob'ank raatin li Yos cheru. Chek'ehaq reetal chanru xo'raqe'q wi' li xyu'ameb', ut k'amomaq eere rik'in li xpaab'aaleb'.

2 Timoteo 4:2

chapuktesi li Aatin, chayal aaq'e chi xb'aanunkil a'in naq tixk'e rib' ut naq ink'a'; chatq'usuq, chak'ehaq xna'leb'eb' ut chawaklesi xch'ooleb' rik'in xnimal aakuyum ut aana'leb'.

1 Timoteo 5:17

Eb' li cheekel winq li neke'xjolomi chi us li Iklees, xk'ulub'eb' naq te'xk'ul xq'ajkamunkileb' ka' sut, xb'een xb'een eb' li neke'xk'e xch'ool chi xpuktesinkil ut xch'olob'ankil li Aatin,

1 Pedro 4:10

Chek'e chi k'anjelak leemaatan cherib'il eerib', a' yaal k'a' chi maatanil xk'ulum li junjunq, jo'qex li chaab'il aj k'anjelahom re li rusilal li Yos li chi k'iila paay nak'utunk wi'.

Tito 1:7

Xb'aan naq laj ilol re li Iklees, jo' aj k'anjel chiru li Yos, tento naq maak'a'aq xq'usb'al; moko q'etq'etaq ta, ink'a' ch'inpo'aq chi moko aj kalajenaq, maawa'aq aj yoob'anel ch'a'ajkilal chi moko aj rahol ru tumin sa' b'alaq',

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

San Mateo 20:8

“Naq ki'ewuuk, laj eechal awimq kixye re li xmertoom: «B'oqeb' chaq laj k'anjel ut tojeb' li xkutan: xb'enwa taatojeb' li toje' xe'ok, toja' naq taatojeb' li xe'ok xb'enwa».

Ezequiel 34:3

Laa'ex nekex'uk'ak re li xya'al xtu' li karneer, nekeyiib' leeb'aatal chiru li rixeb' ut li rismaleb'; nekekamsi eb' li jwal ninqeb' xtib'el, ab'anan ink'a' nekerileb' chi us leekarneer.

Isaías 50:4

Li Qaawa' xinxtzol chi aatinak jo' xtz'aqal tzolom ut xk'e waatin re xk'ojob'ankil xch'ool li tawajenaq. Rajlal eq'la ninrajsi re naq tink'e inch'ool chi ab'ink, jo' neke'xb'aanu eb' li xtzolom.

Proverbios 15:23

K'ajo' sahilal naq na'uxk aatinak sa' q'unil aatin; ut jwal us wi' chik wi na'uxk sa' xhonalil.

Hebreos 3:5

Relik chi yaal naq laj Moisés kipaab'ank sa' xb'een chixjunil li rochoch li Yos jo' aj k'anjel, re xyeeb'al resil li k'aru taak'utb'esimanq moqon.

1 Timoteo 3:15

Chi jo'kan, wi tinb'ayq chi xik, nawaj naq ak taanaw chanru li k'anjelak sa' rochoch li Yos, a'an li x'Iklees li yo'yookil Yos, roqechal ut xkuut li yaal.

San Lucas 7:13

Naq li Qaawa' kiril li ixq, kixtoq'ob'a ru ut kixye re: —Matyaab'ak.

San Mateo 13:52

Ut a'an kixye reheb': —Jo'kan naq chixjunil laj tz'iib' li x'ok cho'q xtzolom li xnimajwal wankilal li choxa chanchan jun li winq aj eechal kab'l li narisi chaq sa' li xk'uuleb'aal li k'aru ak' ut li k'aru q'eel.

Jeremías 23:4

Tinxaqab'eb' aj ilol reheb' re naq te'xch'oolaniheb'; chi jo'kan maak'a' te'xxiwa chi moko taasachq junaq sa' xyanqeb'”, chan li Qaawa'.

Proverbios 27:18

Li naxch'oolani li rawimq, toxyal xsahil; ut li naxkol rix li xjunkab'lal laj eechal re, taak'ehe'q xloq'al.

Proverbios 31:15

Toj hik'ho nawakliik ut naxk'eheb' chi wa'ak li xkok'al, ut naxjek'i xk'anjeleb' li xmoos ixq.

San Lucas 7:19

ut kixtaqlaheb' rik'in li Qaawa' chi xyeeb'al re: “Ma laa'at li tento taak'ulunq, malaj taaqoyb'eni jalan chik?”.

San Lucas 12:43

Us xaq re li moosej a'an li toltawe'q chi xb'aanunkil a'in naq tol'elq laj eechal re.

Éxodo 36:4

Jo'kan naq eb' laj yiib'ahom re li Santil Na'ajej ke'xkanab' li xk'anjeleb' chixjunqaleb'

Proverbios 12:8

Li ani seeb' xch'ool nak'ehe'k xloq'al; a'ut li maak'a' xna'leb', a'an yal re tz'eqtaanaak.