San Lucas 12:4 - Q'eqchi Bible

⁴ “Ninye eere laa'ex wamiiw: Meexiwaheb' ru li neke'kamsink re li tz'ejwalej, ab'an moqon maak'a' chik te'ruuq xb'aanunkil.

Li Santil hu

⁴ Ex cuami̱g, la̱in ninye e̱re nak mexxucuac chiruheb li ani teꞌraj camsi̱nc e̱re xban nak ma̱cꞌaꞌ naru teꞌxba̱nu riqꞌuin le̱ ra̱m.

San Lucas 12:4 ပူးပေါင်းရင်းမြစ်များ

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Jeremías 1:8

Maaxiwa ruheb' li tenamit, xb'aan naq wankin aawik'in re aakolb'al. Laa'in, li Qaawa', ninye li waatin”.

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Filipenses 1:28

chi maak'a' k'aru texxiwaq wi' chiruheb' li xik' neke'ilok eere: a'anaq reetalil li sachk cho'q reheb' a'an, a'ut cho'q eere laa'ex a'anaq reetalil li kolb'a ib'. Ut chixjunil a'in nachalk rik'in li Yos.

1 Pedro 3:14

Ab'anan, us ta teek'ul rahilal sa' xk'ab'a' li tiikilal, us xaq eere. Meexiwa ru anihaq ut ink'a' chi'ok leek'a'uxl.

Santiago 2:23

Chi jo'kan kitz'aqlok ru li naxye li Santil Hu: “Laj Abrahán kixpaab' li Yos ut a'an kik'ehe'k sa' ajl cho'q xtiikilal xch'ool”. Jo'kan naq ramiiw li Yos kixk'ab'a'in.

Hechos 20:24

Ab'anan laa'in ink'a' nink'e xloq'al linyu'am chi junajwa; ka'ajwi' nawaj tinchoy linb'eenik ut li k'anjel xink'ul sa' ruq' li Qaawa' Jesus, a' li xyeeb'al resil li xChaab'il Esil li rusilal li Yos.

Ezequiel 2:6

“Ut laa'at, kaamel winq, maaxiwa ruheb' chi moko tatxiwaq xb'aan li k'aru te'xye aawe, us ta chanchan naq sutsuuqat sa' li k'ix malaj wanqat ta sa' xyanqeb' laj xook'. Matxiwak rik'in li k'aru te'xye chi moko naq te'josq'o'q chawu, xb'aan naq q'axal kaw li xjolomeb'.

Hechos 4:13

Naq ke'xk'e reetal li xkawub' xch'ooleb' laj Pedro ut laj Jwan, ke'sachk xch'ool, xb'aan naq ch'olch'o chiruheb' naq eb' li winq a'in moko tzolb'ileb' ta ut aj k'aleb'aaleb'. Neke'xnaw chi us naq xe'rochb'eeni li Jesus.

Jeremías 1:17

Jo'kan utan, kawaq aach'ool, xaqlin ut ye reheb' li k'aru tatintaqla wi'. Maaxiwa ruheb': mare anchal tink'ut aaxutaan chiruheb' a'an.

Isaías 41:8

Ab'i, a Israel, aj k'anjelat chiwu; ab'i, a Jakob, insik'om chaq aawu, ex intenamit, ralal xk'ajolex laj Abrahán, li wamiiw:

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

Cantares 5:16

Sa' li re wank li q'unil ut li ki'il, ut a'an q'axal ch'ina'us rilb'al. Jo' a'an linrahom, jo' a'an li xsumwaanm, ex rixqilal Jerusalén!

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Jeremías 41:18

re elk chiruheb' laj Kaldeha, xb'aan naq k'ajo'eb' xxiw. Ke'ok xxiw xb'aan naq laj Ismael, ralal laj Natanías, kixkamsi laj Kedalías, ralal laj Ajikán, li kixaqab'aak xwankil chi xjolominkileb' laj Judá xb'aan li awab'ej re Babilonia.

San Juan 15:13

Maa'ani q'axal narahok jo' li naxq'axtesi li xyu'am sa' xk'ab'a'eb' li ramiiw.