San Lucas 12:17 - Q'eqchi Bible

¹⁷ Ut a'an yo chi xk'oxlankil sa' xch'ool: «K'aru tinb'aanu? Xb'aan naq maak'a' b'ar tinch'utub' wi' ru li wawimq».

Li Santil hu

¹⁷ Qui-oc chixcꞌoxlanquil ut quixye saꞌ xchꞌo̱l, “¿Cꞌaꞌru tinba̱nu? Ma̱cꞌaꞌ chic xnaꞌaj li ru li cuacui̱mk”, chan.

San Lucas 12:17 ပူးပေါင်းရင်းမြစ်များ

San Mateo 5:42

Wi ani tixtz'aama k'a' re ru aawe, chak'ehaq re, ut wi ani taa'ajoq to'nink aawik'in, mat-elk chiru.

Isaías 58:7

Chawotz laawa rik'in li natz'okaak, chak'e rochochnaal li neb'a' li maak'a' rochoch, chak'e xb'aatal li maak'a' raq' ut chatenq'a laawech neb'a'il.

1 Juan 3:16

A'in xqataw wi' ru k'aru li rahok, rik'in naq li Jesus kixk'e li xyu'am sa' qak'ab'a'; jo'kan naq laa'o ajwi' tento tqak'e li qayu'am sa' xk'ab'a'eb' li qas qiitz'in.

Romanos 12:13

Chexwotzoq rik'ineb' laj santil paab'anel li wankeb' sa' rajb'al ru, chexk'ehoq ochochnaal.

Hechos 16:30

Kirisiheb' chirix kab'l ut kixye: —Ex qaawa', k'aru us tinb'aanu re naq tinkole'q?

San Lucas 19:17

«Us, at chaab'il moos -chu'uxk re-. Tiik aach'ool naq xatwank rik'in li b'a'b'ay; chiwanq b'i' aawankil sa' xb'een lajeeb' chi tenamit».

San Lucas 18:22

Naq kirab'i a'in li Jesus, kixye re: —Toj jun chik maa nakab'aanu: k'ayi jo'nimal wank aawe, jek'i reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.

San Lucas 16:9

“Ut laa'in ninye eere: Chesik'aq eeramiiw rik'in li maa'us aj tumin re naq, jo'q'e toxmajelo'q cheru, texk'ule'q xb'aaneb' a'an sa'eb' li muheb'aal li maajaruj te'lajq te'oso'q.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

Hechos 2:37

Naq ke'rab'i a'in, eb' li wankeb' aran k'ajo' naq ke'toch'e'k xch'ool, ut ke'xye re laj Pedro ut reheb' li xkomon apóstol: —Ex qas qiitz'in, k'aru tento taaqab'aanu?

San Lucas 16:3

“Li mertoom kixye sa' xch'ool: «K'aru tinb'aanu anaqwan, xb'aan naq laj eechal we tinrisi chi mertoomil? Ink'a' ninkuy b'ekok ch'och' ut ninxutaanak chi lemooxnik.

San Lucas 12:33

“Chek'ayi li k'aru wank eere ut chek'ehaq reheb' li wankeb' sa' rajb'al ru. Cheb'aanu eeb'ools li ink'a' te'q'eeloq, jun leeb'ihomal li ink'a' taalajq taa'oso'q sa' choxa, b'arwi' ink'a' nawulak laj elq', chi moko nasachok li xmaxel.

San Lucas 12:29

“Jo'kan utan mixik eech'ool chi xsik'b'al k'aru teetzeka malaj k'aru teeruk', chi moko yooq leek'a'uxl chirix k'a'aq re ru.

San Lucas 12:22

Kixye li Jesus reheb' li xtzolom: “Jo'kan naq ninye eere: Mixik eech'ool chi k'oxlak chirix leeyu'am k'aru teetzeka, chi moko chirix leetz'ejwal k'aru teetiqib' wi' eerib',

San Lucas 11:41

Chek'ehaq cho'q eetenq'aal jo'nimal li wank eerik'in, ut chi jo'kan saqaq ru chixjunil cho'q eere.

San Lucas 10:25

Ak taaxaqliiq jun aj nahol Chaq'rab' re xyalb'al rix li Jesus, ut kixye: —At Tzolonel, k'aru tinb'aanu re naq tweechani li junelik yu'am?

San Lucas 3:11

Kichaq'ok ut kixye reheb': —Ani wanq wiib' li raq' chixk'e junaq re li maak'a' raq'; ani wanq xtzekemq, jo'kanaq ajwi' chixb'aanu.

Eclesiastés 11:2

Chawotz li k'aru wank aawe rik'in wuqub' malaj waqxaqib' laawamiiw, xb'aan naq ink'a' nakanaw jo'q'e taachalq rahilal sa' xb'een li tenamit.

San Mateo 16:7

Eb' a'an ke'ok chi xyeeb'al chirib'ileb' rib': —Naxye a'in xb'aan naq ink'a' xqak'am chaq qawa.

San Lucas 12:16

Toja' naq kixye reheb' jun li jaljookil ru aatin: “Sa' xch'och' jun li winq b'ihom naab'al ru li awimq ki'elk.

San Lucas 12:18

Ut kixye: «Tinb'aanu a'in: tinjuk'eb' li rochochil ru li wawimq ut jalaneb' chik q'axal ninq chik tinyiib'; aran tinch'utub' chixjunil lintriiw ut chixjunil li k'aru wank we.