San Lucas 12:16 - Q'eqchi Bible

¹⁶ Toja' naq kixye reheb' jun li jaljookil ru aatin: “Sa' xch'och' jun li winq b'ihom naab'al ru li awimq ki'elk.

Li Santil hu

¹⁶ Ut quixye ajcuiꞌ jun li jaljo̱quil ru a̱tin reheb. Quixye: —Cuan jun li cui̱nk biom. Cuan jun xchꞌochꞌ cha̱bil ut nabal li acui̱mk na-el chi saꞌ.

San Lucas 12:16 ပူးပေါင်းရင်းမြစ်များ

Oseas 2:8

“Ab'an a'an ink'a' naxnaw naq laa'in ajwi' nink'ehok re li xtriiw, li xb'iin ut li xchaab'il aseeyt; laa'in xink'ehok re naab'al li xplaat ut li x'oor li xyiib'ahom wi' laj Bahal.

Salmos 73:12

K'ehomaqeb' reetal: eb' li yib'ru xna'leb' junelik sa wankeb' ut k'ajo' naq neke'xtamresi xb'ihomaleb'.

Salmos 73:3

xb'aan xkaqalinkileb' li q'etq'eteb' ut xb'aan rilb'al naq wankeb' sa' sahilal li ink'a' useb' xna'leb'.

Li xHu LAJ JOB 12:6

Saheb' sa' xch'ool eb' laj elq' sa' rochocheb'; sa wankeb' li neke'xtz'eqtaana li Yos: sa' xch'ooleb' naq li Yos wank rub'el roqeb'!

Hechos 14:17

us ta maajun sut kixkanab' xk'utb'al rib' rik'in xhoyb'al chaq li rusilal sa' xb'eeneb' chixjunileb'; toj sa' choxa naxtaqla chaq li hab' ut li ru leerawimq sa' xq'ehil, ut naxk'ojob' eech'ool rik'in tzekemq ut sahil ch'oolej.

San Mateo 5:45

re naq laa'exaq ralal xk'ajol leechoxahil Yuwa' li naxk'e chaq li saq'e sa' xb'eeneb' li ink'a' useb' jo'wi' li useb' xch'ool, ut naxk'e chaq li hab' sa' xb'eeneb' li tiikeb' jo'wi' li ink'a' tiikeb' xch'ool.

Ezequiel 16:49

A'an a'in li xmaak Sodoom, laawiitz'in: li q'etq'etil, li num wa'ak ut sahil wank; ab'anan a'an rochb'eeneb' li xk'aleb'aal maajun wa kixtenq'aheb' li neb'a' ut li maak'a' wankeb' re.

San Mateo 13:8

Wan chik iyaj kinaqk sa' chaab'il ch'och' ut ki'uuchink; wan kixk'e o'k'aal, wan oxk'aal ut wan chik lajeeb' xka'k'aal.

San Lucas 12:15

Ut kixye reheb': —Chek'e reetal ut chekolaq eerib' chiru chixjunil li atawank, xb'aan naq, us ta numtajenaq li xb'ihomal junaq winq, moko taak'ehe'q ta xyu'am xb'aan li xjunkab'lal.

San Lucas 12:17

Ut a'an yo chi xk'oxlankil sa' xch'ool: «K'aru tinb'aanu? Xb'aan naq maak'a' b'ar tinch'utub' wi' ru li wawimq».

Li xHu LAJ JOB 24:23

Naxkanab'eb' chi wank chi maak'a'eb' xk'a'uxl, ab'an yo xk'eeb'al reetal li k'aru neke'xb'aanu.