San Lucas 12:15 - Q'eqchi Bible

¹⁵ Ut kixye reheb': —Chek'e reetal ut chekolaq eerib' chiru chixjunil li atawank, xb'aan naq, us ta numtajenaq li xb'ihomal junaq winq, moko taak'ehe'q ta xyu'am xb'aan li xjunkab'lal.

Li Santil hu

¹⁵ Ut quixye ajcuiꞌ reheb chixjunileb li cuanqueb aran: —Qꞌuehomak retal li cꞌaꞌru te̱ba̱nu. Incꞌaꞌ yo̱kex chixrahinquil ru li biomal, xban nak moco riqꞌuin ta kabiomal yoꞌyo̱co, chan.

San Lucas 12:15 ပူးပေါင်းရင်းမြစ်များ

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Proverbios 15:16

Jwal us li wank sa' neb'a'il ut roxloq'inkil li Qaawa' chiru li wank sa' b'ihomal ut ch'a'ajkilal.

Proverbios 16:16

Jwal us xtawb'al li chaab'il na'leb' chiru li oor, ut li seeb'al ch'oolej chiru li plaat.

2 Timoteo 3:2

Eb' li winq junes reheb' te'raj, te'xrahi ru li tumin, te'xnimob'resihatq xwankileb', te'xq'etq'eti rib'eb', aj majewanelaqeb', aj q'etolaqeb' raatin xna' xyuwa', maak'a' chik te'xnaw xyoxinkil ut te'xtz'eqtaana li paab'ank.

San Lucas 16:14

Naq ke'rab'i chixjunil a'in eb' laj Pariseey, a'aneb' aj raholeb' ru li tumin, ke'ok chi reetz'unkil li Jesus.

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

San Lucas 8:14

Li kit'ane'k sa' li k'ix ru a'aneb' li ke'rab'i li Aatin, ab'an neke'xnat' sa' b'e rik'in li k'iila k'a'uxl, rik'in li b'ihomal ut li xsahilal li ruuchich'och', ut chi jo'kan ink'a' naq'ano'k li ru.

Salmos 62:10

Jun apunk ajwi' li xyu'ameb' li poyanam, eb' li b'ihom jo' ajwi' eb' li neb'a'. Wi ta te'b'ise'q chixjunileb' sa' xb'een li peex, moko aaleb' ta raj chiru li sib'.

Salmos 37:16

Us ta kach'in ajwi' li k'aru re li tiik xch'ool, ab'an q'axal us wi' chik chiru xb'ihomaleb' laj maak,

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

San Marcos 7:22

muxuk sumlaak, pixilal, maa'usilal, b'alaq'ik, tz'i'b'eetalil na'leb', kaqalik, majewank, q'etq'etil, maak'a'il na'leb'.

Habacuc 2:9

Ra chaalel sa' aab'een li xanujob'resi laawochoch rik'in li xawelq'a re raj xkolb'al aawib' chiru chixjunileb' li raaxiik'!

Salmos 10:3

Li yib'ru xna'leb' naxnimob'resi rib' rik'in li naratawin li xch'ool; k'ajo' naq laj pix naxtz'eqtaana ut naxmaa'usila li Qaawa'.

Li xHu LAJ JOB 2:4

Laj tza kixsume li Qaawa': —Naq toj maji' narahob'tesiik junaq winq, us yo chi elk chixjunil. Li winq kawal wank chi xq'axtesinkil chixjunil, re xkolb'al li xyu'am.

Josué 7:21

sa' xyanq li k'aru xqachap sa' li tenamit Jerikó xwil jun li ch'ina'usil t'ikr re Senahar, lajeeb'k'aal chi tumin plaat ut numenaq tana jun liib'r chi oor, k'ajo' naq xe'wulak chiwu; ut xink'uulaheb' cho'q we. Muqb'ileb' sa' ch'och' anaqwan, sa' xyi linmuheb'aal, ut chi rub'el wank li tumin plaat”, chan.

1 Corintios 6:10

eb' laj elq', eb' laj rahinel ru b'ihomal, eb' laj kalajenaq, eb' laj majewanel, eb' laj maq'ol re ab'i e ink'a' te'reechani li xnimajwal awab'ejihom li Yos.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

Miqueas 2:2

Neke'rahink jalanil ch'och', ut neke'reechani; neke'rataw junaq ochoch, ut neke'relq'a. Neke'xrahob'tesi laj eechal junkab'al ut eb' li wankeb' chisa', li winq jo'wi' li k'aru re.

Jeremías 6:13

“Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij ka'ajwi' b'alaq'ik neke'xb'aanu chixjunileb'.

Proverbios 28:16

Naq na'awab'ejink li ink'a' us xna'leb', nanumtaak li rahilal; ab'an li awab'ej li ink'a' narataw ru li b'ihomal, taanajto'q roq li xyu'am.

2 Pedro 2:14

Ka'aj chik maa neke'xtiw eb' li ixq rik'in xsa' ruheb', tik ink'a' nak'ojlaak xch'ooleb' chi maakob'k; neke'xq'unb'esi li q'uneb' xch'ool, ak k'aynaqeb' chi xrahinkil ru li b'ihomal, maa'usilanb'ileb' chi junajwa!

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

San Lucas 12:16

Toja' naq kixye reheb' jun li jaljookil ru aatin: “Sa' xch'och' jun li winq b'ihom naab'al ru li awimq ki'elk.

1 Reyes 2:40

Toja' naq laj Semehí kiwakliik, kixk'e rix li xb'uur ut koho sa' li tenamit Kat, rik'in laj Akis, re xsik'b'aleb' laj k'anjel chiru. Koho aran Kat ut kixk'ameb' chaq laj k'anjel chiru.