San Lucas 11:9 - Q'eqchi Bible

⁹ “Jo'kan naq ninye eere: chextz'aamanq ut k'eek'ooq eere; chexsik'oq ut teetaw; chexb'oqoq chire kab'l ut tehe'q cheru.

Li Santil hu

⁹ Joꞌcan ut nak ninye e̱re: —Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re. Chesicꞌak ut te̱tau, chebokak ut li puerta ta̱tehekꞌ che̱ru.

San Lucas 11:9 ပူးပေါင်းရင်းမြစ်များ

San Marcos 11:24

Jo'kan utan ninye eere: chixjunil li teetz'aama sa' li tijok, chepaab' naq ak xek'ul, ut taak'eemanq eere.

San Mateo 21:22

Ut chixjunil li k'aru teetz'aama sa' li tijok chi anchal eepaab'aal, teek'ul.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

San Juan 15:7

“Wi nekexkanaak wik'in ut eb' li waatin neke'kanaak eerik'in, tz'aamahomaq li teeraj ut taak'eemanq eere.

San Juan 14:13

Ut chixjunil li teetz'aama sa' ink'ab'a', laa'in tinb'aanunq re, re naq li Yuwa'b'ej taanimaaq xloq'al rik'in li K'ajolb'ej.

1 Juan 3:22

ut chixjunil li tqatz'aama tqak'ul sa' ruq'. K'a'ut? Xb'aan naq yooko chi xpaab'ankileb' li xchaq'rab' ut naqab'aanu li k'aru nawulak chiru.

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

Salmos 118:5

Naq wankin chaq sa' rahilal, xinyaab'a xk'ab'a' li Qaawa', ut a'an xinrab'i ut xinxkol.

Jeremías 29:12

Toja' naq teepatz' link'ab'a', tulextijoq chiwu, ut laa'in texwab'i.

Hebreos 11:6

Ab'anan wi maak'a' qapaab'aal, ink'a' naru naq li Yos taasaho'q xch'ool qik'in, xb'aan naq ani najilok chi xk'atq li Yos tento tixpaab' naq wank li Yos ut a'an naxq'ajkamuheb' li neke'sik'ok re.

Santiago 5:15

Ut wi te'tijoq chi anchaleb' xpaab'aal, taakole'q li yaj; li Qaawa' taawaklesinq re. Ut wi wank xmaak, taakuymanq taasachmanq ajwi' li xmaak.

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

Salmos 34:10

Cheroxloq'iiq li Qaawa' laa'ex li sik'b'il eeru xb'aan, xb'aan naq eb' li neke'paab'ank chiru maak'a' taamajelo'q reheb'.

Hebreos 4:16

Jo'kan utan, jiloqo chi tuqtuuq qach'ool rub'el roq wan wi' li usilal; ut chi jo'kan toxqak'ul li ruxtaan ut toxqataw li rusilal re naq tenq'anb'ilaqo tz'aqal sa' xq'ehil.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Salmos 34:4

Qanimaaq ru li Qaawa' wochb'eenex, junxikikaqo chi xterq'usinkil li xk'ab'a'.

San Juan 4:10

Kichaq'ok li Jesus ut kixye: —Wi nakanaw ta li xsimaatan li Yos ut ani li nayehok aawe: «K'e b'ayaq wuk'a'», laa'at raj xapatz' aawuk'a' re ut a'an tixk'e raj aawe yo'yookil ha'.

Salmos 27:8

“Chasik' xnaq' ru”, chan we linch'ool. Relik chi yaal, a' li xnaq' aawu ninsik', at Qaawa'; maamuq chiwu li xnaq' aawu!

San Mateo 6:29

A'ut laa'in ninye eere naq chi moko laj Salomón sa' chixjunil li xnimal xloq'al kixtiqib' rib' kama' junaq reheb' a'an.

2 Corintios 6:2

xb'aan naq naxye: “Sa' chaab'il kutan xatwab'i, sa' xkutankil li kolb'a ib' xatintenq'a”. Chek'e reetal, a'an a'in li kutan q'axal chaab'il, a'an a'in xkutankil li kolb'a ib'!

San Marcos 13:37

Li ninye eere, ninye ajwi' reheb' chixjunil: Chexyo'leq!”.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

Salmos 27:4

Jun ajwi' xinpatz' re li Qaawa' ut ka'ajwi' a'in yookin chi xsik'b'al: naq tinwanq taxaq sa' rochoch li Qaawa' chixjunil li kutan re linyu'am, re xka'yankil li xchaq'alil ru li Qaawa' jo'wi' rilb'al li xloq'laj ochoch.

Daniel 9:3

Kintijok chiru li Qaawa', kintz'aamank ut kin'elajink rik'in ayuunik ut xb'atb'al wib' sa' q'es ruhil t'ikr, ut kink'ojob' wib' sa' cha.

San Mateo 21:31

Ani reheb' li wiib' chi alalb'ej xb'aanu li rajom li yuwa'b'ej? —A' li xb'een, chankeb'. Ut li Jesus kixye reheb': —Relik chi yaal ninye eere naq eb' laj titz'ol toj ut eb' laj yumb'eet te'wulaq xb'enwa cheru laa'ex sa' li xnimajwal awab'ejihom li Yos.

Isaías 45:19

Ink'a' xin'aatinak sa' hasb' chi moko sa' junaq muqmuukil na'ajej. Moko xinye ta reheb' li ralal xk'ajoleb' laj Jakob: «Sik'omaqin b'arwi' maak'a' wank». Laa'in li Qaawa' li nin'aatinak chi tz'aqal yaal, ut tiikil aatin ninye.

Apocalipsis 2:24

«A'ut laa'ex li junch'ol chik aj Tiatira, li ink'a' nekepaab' li na'leb' a'in, laa'ex li ink'a' eenawom eb' li xchamal laj tza, jo' neke'xye, tinye eere: Maajun chik iiq tink'e sa' eeb'een,

Cantares 5:6

Xinte li kab'l chiru linrahom, ab'an ak xkoho chik linrahom, maa'ani chik. Xinkanaak chi sachso linch'ool naq xwab'i chi aatinak. Xinsik', ab'an ink'a' xintaw; xinb'oq, ab'an ink'a' xinxsume.

San Lucas 11:10

Xb'aan naq chixjunil li natz'aamank nak'uluk; li nasik'ok natawok, ut li nab'oqok chire kab'l natehe'k chiru.