San Lucas 11:44 - Q'eqchi Bible

⁴⁴ “Ra chaalel sa' eeb'een laa'ex, xb'aan naq chanchanex li muqleb'aal kamenaq li ink'a' neke'k'utunk, ut eb' li tenamit neke'b'eek sa' xb'een chi ink'a' neke'xnaw!”.

Li Santil hu

⁴⁴ Ra cha̱lel saꞌ e̱be̱n la̱ex aj tzolol chakꞌrab ut la̱ex aj fariseo xban nak incꞌaꞌ us le̱ naꞌleb. La̱ex aj caꞌ pacꞌal u. Chanchanex li mukleba̱l li incꞌaꞌ nacꞌutun. Yalak ani nanumeꞌ saꞌ xbe̱n xban nak incꞌaꞌ nequeꞌxnau cꞌaꞌru cuan aran, chan.

San Lucas 11:44 ပူးပေါင်းရင်းမြစ်များ

Hechos 23:3

Toja' naq laj Pablo kixye re: —Li Yos taasak'oq aawe, at saqob'resinb'il tz'ak! K'ojk'ookat chi raqok aatin chiwix jo' naxye li Chaq'rab', ut laa'at nakaq'et li Chaq'rab' rik'in xtaqlankil insak'b'al.

Salmos 5:9

At Qaawa', chinaab'eres rik'in xtiikilal laach'ool, xb'aan naq wankeb' li xik' neke'ilok we; chatuqub' ru linb'e chiwu.

Oseas 9:8

Taqlanb'ilin chaq xb'aan li Yos li xinxaqab' cho'q propeet re rilb'aleb' laj Efraín. A'ut laa'ex yalaq b'ar nekeraj inra'lenkil, ut sa' ajwi' li rochoch linYos xik' nikineril.

Números 19:16

“Yalaq ani taach'e'oq kamenaq li kamsinb'il chi ch'iich', sa' junaq k'aleb'aal, muxb'ilaq ru chiru wuqub' kutan. Jo'kanaq ajwi' li taach'e'oq junaq li yal xkamk chi jo'kan, malaj xch'e'ok xb'aqel junaq kamenaq malaj ut junaq muqleb'aal kamenaq.

San Mateo 13:32

A'an q'axal kach'in chiruheb' chixjunil li iyaj; ab'an, naq nak'iik, nim nawulak chiruheb' li awimq, tz'aqal juntoon chi che', toj reetal naq eb' li xul li neke'rupupik chiru choxa neke'xik chi sukub'k sa'eb' li ruq'”.

Ezequiel 39:15

Wi junaq poyanam taaril xb'aqel junaq kamenaq, tixk'e junaq reetalil chi xk'atq, re naq te'wulaq eb' laj muqunel kamenaq ut toxe'xmuq sa' xTaq'ahil Amón-Gog.