San Lucas 11:26 - Q'eqchi Bible

²⁶ Toja' naq taaxik ut tixk'am chaq wuqub' chik chi musiq'ej, q'axal chik maa'useb' chiru a'an. Te'ok ut te'kanaaq aran; ut q'axal chik yib'ru taakanaaq wi' li winq a'an chiru naq xwank chaq xb'enwa”.

Li Santil hu

²⁶ Ut li ma̱us aj musikꞌej naxsicꞌ cuukub chic chi ma̱us aj musikꞌej kꞌaxal cuiꞌchic numtajenak xma̱usilaleb chiru aꞌan. Nequeꞌoc chi cua̱nc riqꞌuin li cui̱nk. Ut lix naꞌleb li cui̱nk aꞌan numtajenak chic xyibal ru chiru nak quicuan junxil.—

San Lucas 11:26 ပူးပေါင်းရင်းမြစ်များ

San Juan 5:14

Moqon chik li Jesus kixtaw li winq sa' rochoch li Yos ut kixye re: —K'e reetal, xatk'iraak. Matmaakob'k chik re naq michalk sa' aab'een junaq rahilal q'axal ra chik chiru a'an.

San Mateo 12:45

Toja' naq taaxik ut tixk'am chaq wuqub' chik chi musiq'ej, q'axal chik maa'useb' chiru a'an. Te'ok ut te'kanaaq aran; ut q'axal chik yib'ru taakanaaq wi' li winq a'an chiru naq xwank chaq xb'enwa. Jo'kan ajwi' tixk'ul li tenamit a'in li ink'a' useb' xna'leb'”.

1 Juan 5:16

Wi ani taaril li ras riitz'in chi xb'aanunkil junaq maak li maawa' re kamk, chitijoq chiru li Yos ut taak'ehe'q xyu'am laj maak: yookin chi aatinak chirix li naxb'aanu junaq maak maawa' re kamk, xb'aan naq wank jun li maak re kamk, ut maak'a' rajb'al li tijok chirix a'an.

Sofonías 1:6

eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

San Mateo 23:15

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: nekesuti li palaw ut li ruuchich'och' re xsik'b'al ani taa'okenq cherix ut, naq ak xetaw chaq, nekek'e cho'q ralal li xb'alb'a ka' sut chik cheru laa'ex!

San Lucas 11:25

Ut sa' xwulajik, mesunb'il ut uutz'u'ujinb'il chik li xna'aj naq toxtaw.

San Lucas 11:27

Naq yo chi xyeeb'al a'in li Jesus, jun li ixq sa' xyanqeb' li tenamit ki'aatinak chi kaw xyaab' xkux ut kixye re: —Us xaq re li ixq ki'alank aawe ut li tu' kattu'unk chaq!