San Lucas 10:31 - Q'eqchi Bible

³¹ Ut sa' ajwi' li b'e a'an yo chaq chi kub'eek jun aj tij; naq kiril li winq a'an, kixq'otb'ehin.

Li Santil hu

³¹ Ut saꞌ li be aꞌan quinumeꞌ jun laj tij. Quiril li cui̱nk tꞌantꞌo aran, aban ti̱c quinumeꞌ.

San Lucas 10:31 ပူးပေါင်းရင်းမြစ်များ

Salmos 69:20

Ch'olch'o chawu chanru nikine'xse'e ut nikine'xhob'; makach'in nikine'reetz'u! Chawu laa'at wankeb' li neke'rahob'tesink we.

Malaquías 1:10

Us rajan naq jun taxaq sa' eeyanq tixtz'ap li rokeb'aal li wochoch re naq ink'a' texk'atoq mayej sa' lin'artal chi maak'a' rajb'al! Xb'aan naq moko sa ta linch'ool cherix chi moko tink'ul chik leemayej.

Oseas 6:9

Eb' laj tij a'aneb' jun ch'uut chi aj elq' li yo'oon wankeb' chi xramb'aleb' li poyanam; neke'kamsink ut xutaanal neke'xb'aanu sa' li b'e naxik Sikem.

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Eclesiastés 9:11

Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.

Proverbios 21:13

Li ink'a' naruxtaana ru li neb'a' naq wank sa' rahilal, ink'a' ajwi' taatenq'aaq naq tixpatz' usilal.

Salmos 142:4

naq yo chi lajk linmetz'ew ut nawiib'ank linch'ool. At Qaawa', laa'at nakanaw chanru linyu'am. Sa' li b'e ninnume'k wi', xe'xmuq xra'aleb' re int'anb'al.

Li xHu LIX RUT 2:3

Koho lix Rut ut ki'ok chi xxokb'al ru li seb'aad chirixeb' laj k'anjel, ab'anan kox'okaq sa' jun xch'och' laj Bohos, a' li xkomon laj Elimelek.

2 Samuel 1:6

Ut a'in kixsume: “Yookin chi nume'k sa' li tzuul Jelbohé ut xwil laj Saúl sutsu rix xb'aaneb' li b'eleb'aal ch'iich' ut eb' li wankeb' chirixeb' kawaay, yo chi xkuutunkil rib' rik'in li xjutz' che'.

Isaías 58:7

Chawotz laawa rik'in li natz'okaak, chak'e rochochnaal li neb'a' li maak'a' rochoch, chak'e xb'aatal li maak'a' raq' ut chatenq'a laawech neb'a'il.

San Lucas 10:30

Kichaq'ok li Jesus ut kixye: —Jun li winq ki'elk chaq Jerusalén. Yo chi kub'eek Jerikó naq kit'ane'k sa' ruq'eb' laj elq': ke'xmaq' jo'ch'inal jo'nimal wank re, ke'xteni chi che' ut kamk re ke'xkanab'.

San Lucas 10:32

Jo'kan ajwi' kixb'aanu jun aj Leví li yo chi nume'k aran: naq kiril li winq a'an, kixq'otb'ehin.