San Lucas 10:27 - Q'eqchi Bible

²⁷ Kichaq'ok a'an ut kixye: —Taara li Qaawa' laaYos chi anchal aach'ool, chi anchal aawaanm, chi anchal aametz'ew ut chi anchal aak'a'uxl; ut taara laawas aawiitz'in jo' naq nakara aawib' laa'at.

Li Santil hu

²⁷ Ut aꞌan quichakꞌoc ut quixye: —Chara li Ka̱cuaꞌ la̱ Dios chi anchal a̱chꞌo̱l, chi anchal a̱cua̱m, chi anchal a̱metzꞌe̱u ut chi anchal a̱cꞌaꞌux. Ut chara la̱ cuas a̱cui̱tzꞌin joꞌ nak nacara a̱cuib la̱at, chan.

San Lucas 10:27 ပူးပေါင်းရင်းမြစ်များ

Deuteronomio 6:5

“Taara li Qaawa' laaYos chi anchal laach'ool, chi anchal laawaanm ut chi anchal laametz'ew.

Romanos 13:9

Tz'iib'anb'il sa' li Santil Hu: “Chara laawas aawiitz'in jo' naq nakara aawib' laa'at”. Sa' li chaq'rab' a'in neke'tz'aqlok ru chixjunileb' li xkomon, qayehaq: “Matmuxuk sumlaak, matkamsink, mat-elq'ak, matrahink ab'i e”.

Deuteronomio 30:6

Li Qaawa' laaYos tixk'e reetalil li Sumwank sa' laach'ool ut sa' xch'ooleb' laawalal aak'ajol, re naq taara li Qaawa' laaYos chi anchal aach'ool ut chi anchal aawaanm ut wanq aayu'am chi junelik.

Levítico 19:18

“Mat-eeqajunk raaxiik' chi moko chak'e sa' aach'ool li rahilal xb'aanuhomeb' laawech tenamitul. Chara laawas aawiitz'in, jo' naq nakara aawib' laa'at. Laa'in li Qaawa'.

Santiago 2:8

Us nekeb'aanu wi relik chi yaal nekepaab' li Chaq'rab' nim xwankil jo' naxye li Santil Hu: “Taara laawas aawiitz'in jo' naq nakara aawib' laa'at”.

Deuteronomio 10:12

“Ut anaqwan, at Israel, k'aru naxtz'aama chawu li Qaawa' laaYos naq nakak'oxla? Li rajom li Yos a'an a'in: naq taawoxloq'i li Qaawa' laaYos ut taataaqe chixjunileb' li xb'e. Chara li Qaawa' laaYos ut chatk'anjelaq chiru chi anchal aach'ool, chi anchal aawaanm;

1 Juan 3:18

Ex inkok'al, moorahok yal chi aatin malaj chi xtz'uumal qe, choorahoq b'an rik'in qab'aanuhom ut chi tz'aqal yaal.

Hebreos 8:10

A'an a'in li Sumwank li tink'ojob' rik'ineb' li ralal xk'ajol laj Israel moqon, chirixeb' li kutan a'an, chan li Qaawa': Tink'eheb' linchaq'rab' sa' li xk'a'uxeb', ut tintz'iib'a sa' xch'ooleb'. Laa'inaq li xYoseb' ut a'anaqeb' lintenamit.

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

San Mateo 19:19

chawoxloq'i laana' laayuwa' ut chara laawas aawiitz'in jo' naq nakara aawib' laa'at.

Deuteronomio 6:4

“Ab'i, Israel: li Qaawa', li qaYos, a'an jun ajwi' chi Qaawa'.

San Lucas 10:26

Li Jesus kixye re: —K'aru tz'iib'anb'il sa' li Chaq'rab'? K'aru nakawil chisa'?