San Lucas 10:15 - Q'eqchi Bible

¹⁵ Ut laa'at, Kafarnaúm, ma toj sa' choxa tab'i' tatwaklesiiq? Tatsob'e'q b'an toj sa' xb'alb'a!

Li Santil hu

¹⁵ Ut la̱ex li cuanquex saꞌ li tenamit Capernaum, cꞌajoꞌ nak nequenimobresi e̱rib. ¿Ma nequecꞌoxla nak ta̱taksi̱k e̱cuanquil toj saꞌ choxa? Ta̱cubsi̱k ban e̱cuanquil nak textakla̱k saꞌ xnaꞌajeb li camenak.

San Lucas 10:15 ပူးပေါင်းရင်းမြစ်များ

San Mateo 4:13

Kixkanab' Nazaret ut koxna'ajunq Kafarnaúm chire li palaw, sa' xch'och'eb' laj Sabulón ut laj Neftalí.

2 Pedro 2:4

K'ehomaq reetal. Li Yos ink'a' kixkuy xmaakeb' li ánjel ke'maakob'k, kixkuteb' b'an sa' xb'alb'a ut kixq'axtesiheb' sa' xchamal li aak'ab' re naq k'aak'alenb'ilaqeb' toj sa' xkutankil li raqb'a aatin.

San Lucas 13:28

“Aran taawanq li yaab'ak ut li k'uxuxink ruuch e, naq teeril ru laj Abrahán, laj Isahak ut laj Jakob ut chixjunileb' li propeet sa' li xnimajwal awab'ejihom li Yos, ut laa'ex tex'isiiq chirix kab'l.

San Mateo 11:23

Ut laa'at, Kafarnaúm, ma toj sa' choxa tab'i' tatwaklesiiq? Tatsob'e'q b'an toj sa' xb'alb'a! Xb'aan naq wi ta Sodoom kilaj'uxmank li sachb'ach'oolej li xe'uxk aawik'in, toj wank raj anaqwan.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Abdías 1:4

Ab'anan, us ta jwal najt tattaqe'q jo' li t'iw ut taayiib' ta laasuk sa' xyanqeb' li chahim, toj aran tatinkub'si chaq”, chan li Qaawa'. Li Qaawa' kixye chi jo'ka'in:

Ezequiel 32:27

Moko xe'muqe'k ta sa' xyanqeb' li kaweb' rib' li ke'kamsiik junxil chaq, a'eb' li ke'muqe'k chi toj wankeb' xch'iich' sa' ruq'eb' ut anaqwan li xch'iich'eb' wankeb' chi xsok xjolomeb' ut li xkolb'aleb' rib' wank sa' xb'eeneb', chirix naq ke'roksi xxiweb' li yo'yookeb'.

Ezequiel 32:20

“Eb' a'an te'kamq rochb'eeneb' li te'kamsiiq chi ch'iich'. Ak kawresinb'il li q'esnal ch'iich'. Te'oso'q eb' a'an rochb'eeneb' li k'iila poyanam.

Ezequiel 32:18

“At kaamel winq, b'icha li b'ich a'in re rahil ch'oolej chirixeb' laj Ejiipt ut eb' li neke'jolomink reheb', aawochb'eeneb' li rixqilaleb' li xninqal ru tenamit: «Eb' li wankeb' xwankil yooqeb' chi oso'k ut yooq xmuqb'aleb' sa' xyanqeb' li xe'q'ajk xe'sutq'iik.

Ezequiel 31:18

Maajun reheb' li che' ke'wank sa' li xsahil na'aj li Yos kiruhank xjuntaq'eetankil wi' rik'in li xloq'al ut li xteram li yaw a'an. Ab'anan taakute'q ajwi' a'an sa' li xb'alb'a, rochb'eeneb' li che' ke'wank sa' li xsahil na'aj li Yos, ut taawanq sa' xyanqeb' li maawa'eb' aj paab'anel, rik'ineb' li ke'kamsiik sa' li raaxiik'. «Li che' a'in, a'an laj Parahón jo'wi' chixjunileb' li xpoyanamil», chan li Qaawa'”.

Ezequiel 26:20

ut tatsob'e'q toj sa' xna'ajeb' li kamenaq, sa' xyanqeb' li ke'sache'k ru najter; tatinkut sa' xb'alb'a, re naq maajoq'e chik tattenamito'q sa' ruuchich'och', sa' xyanqeb' li yo'yookeb'.

Jeremías 51:53

Us ta Babilonia tixnima chi us li xwankil ut taawulaq taraj toj sa' choxa li xsuttz'akil, laa'in tintaqlaheb' li te'juk'uq re”, chan li Qaawa'.

Isaías 5:14

Jo'kan naq li xna'ajeb' li kamenaq yo chi nimank: kama' junaq josq' aj xul, teeto li re chi xnuq'b'aleb' li poyanam jo'wi' li xjolomileb', a'eb' li sa neke'ninq'ehik.

Deuteronomio 1:28

Ut anaqwan b'ar tooxik? Q'axal x'ok qaxiw xb'aan li xe'xye eb' li qas qiitz'in naq aran wankeb' poyanam jwal kaweb' rib' ut q'axal k'iheb' chik chiqu laa'o. Eb' li xtenamiteb' a'an jwal ninqeb' ut toj sa' choxa neke'wulak li xsuttz'akil. Ut a'atqeb' laj Anak xe'ilmank ru aran», chankex.

Génesis 11:4

Chirix chik a'an ke'xye: “Qayiib'aq junaq qanimla tenamit ut junaq kab'l q'axal najt xteram li taawulaq toj sa' choxa, re naq taak'eemanq reetal li qana'leb'. Mare anchal toohire'q sa' xb'een li ruuchich'och'”, chankeb'.

San Lucas 16:23

“Ut sa' li xb'alb'a, naq yo chi xk'ulb'al xnimal li rahilal, kixtaqsi li rilob'aal ut kiril ru laj Abrahán chi najt, ut laj Lázaro wank chi xk'atq.