San Lucas 1:8 - Q'eqchi Bible

⁸ Sa' jun li kutan, naq yo chaq laj Sakarías chi mayejak chiru li Yos sa' li xamaan neke'k'anjelak wi' li rech aj tijeb',

Li Santil hu

⁸ Saꞌ jun li cutan laj Zacarías yo̱ chixba̱nunquil lix cꞌanjel chiru li Dios saꞌ li templo joꞌ cꞌaynakeb xba̱nunquil.

San Lucas 1:8 ပူးပေါင်းရင်းမြစ်များ

2 Crónicas 8:14

Jo'kan ajwi' kixxaqab' xkutankil li xk'anjel li junjunq, jo' chanru yeeb'il xb'aan laj David li xyuwa', re naq eb' laj tij te'k'anjelaq ut eb' laj Leví te'xloq'oni ru li Yos ut te'xtenq'aheb' laj tij sa' li k'aru te'raj rajlal kutan. Jo'kan ajwi' kixxaqab' xkutankil li xk'anjeleb' laj ilol okeb'aal sa' li junjunq chi okeb'aal, xb'aan naq jo'ka'in xyehom chaq laj David, aj k'anjel chiru li Qaawa'.

1 Crónicas 24:19

Jo'ka'in naq ke'jek'iik chi k'anjelak sa' li Loq'laj Ochoch, jo' chanru xtaqlahom li Qaawa', xYos laj Israel, rik'in raatin laj Aharón, li xxe'toonil yuwa'eb' laj Israel.

2 Crónicas 31:2

Moqon laj Esekías kixk'eheb' chi ch'uut eb' laj tij ut eb' laj Leví, a' yaal chanru xk'anjel li junjunq, ma chirix k'atok mayej malaj mayejak re li k'amok ib' sa' usilal rik'in li Yos, ma re loq'onink malaj b'anyoxink, malaj ut re b'ichank sa'eb' rokeb'aal li xloq'laj muheb'aal li Qaawa'.

San Lucas 1:5

Sa'eb' li kutan naq kiwank chi reyil laj Herodes aran Judea, kiwank jun aj tij, aj Sakarías xk'ab'a', xkomoneb' laj Abías, sumsu rik'in jun li ixq yo'lajenaq sa' xyanqeb' li xrab'in laj Aharón, x'Isabel xk'ab'a'.

Esdras 6:18

Chirix chik a'an ke'xxaqab' xkutankil li junjunq chi aj tij, re taa'ok chi k'anjelak. Jo'kan ajwi' eb' laj Leví, ak xk'anjel xk'anjel li junjunq, re te'k'anjelaq sa' rochoch li Yos aran Jerusalén, jo' tz'iib'anb'il sa' xHu laj Moisés.

2 Crónicas 31:19

Cho'q reheb' laj tij, ralal xk'ajoleb' laj Aharón, li wankatqeb' chaq sa' li xna'ajeb', sa'eb' li xk'aleb'aaleb' li xtenamiteb' laj tij, wankeb' winq xaqab'anb'ileb' sa' li junjunq chi tenamit re xjek'inkil xtzekemqeb' chixjunileb' li winq aj tij, xkomoneb' laj Aharón, jo' ajwi' chixjunileb' laj Leví li tz'iib'anb'il xk'ab'a'eb'.

2 Crónicas 11:14

eb' laj Leví ke'xkanab' li xch'och'eb' ut li k'a' re ru reheb' ut koheb' Jerusalén ut Judá, xb'aan naq laj Jerobohán ut eb' li ralal ke'xram chiruheb' li k'anjelak chiru li Qaawa'.

Números 18:7

A'ut laa'at ut eb' laawalal laa'exaq laj tij sa' chixjunil li na'uxmank chiru li artal malaj sa' li k'anjel na'uxmank junpak'al li t'ilkem. Xink'e eere wank cho'q aj tij jo' jun eemaatan. Wi junaq li maawa' aj tij taajiloq chi k'anjelak cho'q aj tij, taakamsiiq”, chan li Qaawa'.

Éxodo 30:30

“Taayul ajwi' laj Aharón rochb'eeneb' li ralal ut taaq'axtesiheb' we chi k'anjelak cho'q aj tij chiwu.

Éxodo 29:44

Tinsantob'resi li xMuheb'aal li ch'utam ut li artal, ut tinsantob'resi ajwi' laj Aharón ut eb' li ralal re naq te'k'anjelaq chiwu cho'q aj tij.

Éxodo 29:9

taab'ak' chi kaw li xk'aamal xsa'eb' laj Aharón ut eb' li ralal, ut taak'e xlanb'al xjolomeb'. Rehaqeb' a'an li k'anjelak cho'q aj tij: a'an xchaq'rab' li Qaawa' chi junelik. Jo'ka'in naq taaxaqab'eb' xwankil laj Aharón ut eb' li ralal xk'ajol.

Éxodo 29:1

“Jo'ka'in taab'aanu rik'ineb' naq taaq'axtesiheb' we cho'q aj tij. Taachap jun ch'ina wakax ut wiib' karneer chi maak'a' reek'eb'.

Éxodo 28:41

“Jo'ka'in naq laa'at taatiqib' laj Aharón laawas ut eb' li ralal; taayuleb', taaxaqab'eb' cho'q aj tij ut taaq'axtesiheb' we.

Éxodo 28:1

“Sa' xyanqeb' laj Israel xinsik' ru laj Aharón laawas ut eb' li ralal, re te'k'anjelaq chiwu cho'q aj tij. A'aneb' laj Nadab, laj Abihú, laj Elehasar ut laj Itamar, ralaleb' laj Aharón. Chapatz' b'i' reheb' naq te'nach'oq aawik'in.

1 Crónicas 24:2

Laj Nadab ut laj Abihú ke'kamk xb'enwa chiru li xyuwa'eb', chi ink'a' ke'wank ralal xk'ajoleb'. Jo'kan naq laj Elehasar ut laj Itamar, a'aneb' chik li ke'ok chi k'anjelak cho'q aj tij.

San Lucas 1:7

Maak'a'eb' ralal xk'ajol, xb'aan naq lix Isabel ink'a' na'alank chaq ut ak tiixeb' aj chik chi xkab'ichaleb'.