San Lucas 1:79 - Q'eqchi Bible

⁷⁹ re xkutanob'resinkil li wankeb' sa' aak'ab' ut sa' xmuheel li kamk, ut re xb'eresinkil li qoq sa' xb'ehil li tuqtuukil usilal”.

Li Santil hu

⁷⁹ Ut tixcutanobresi xcꞌaꞌuxeb li cuanqueb saꞌ xkꞌojyi̱nal ru li ma̱c, li ca̱mqueb re saꞌ li ma̱usilal. Ut aꞌan ta̱beresi̱nk ke saꞌ li tuktu̱quilal, chan laj Zacarías.

San Lucas 1:79 ပူးပေါင်းရင်းမြစ်များ

Isaías 9:2

Li tenamit li yookeb' chaq chi b'eek sa' li aak'ab' ke'ril jun xnimal saqenk; eb' li wankeb' chaq sa' xmuheel li kamk sa' kutan chik wankeb' anaqwan.

San Mateo 4:16

Li tenamit li wankeb' chaq sa' li aak'ab' ke'ril jun xnimal ru saqenk, ut li wankeb' chaq sa' xq'oqyinkil li kamk jun li saqenk kikutano'k sa' xb'eeneb'”.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Efesios 5:8

xb'aan naq junxil laa'ex chaq li aak'ab', a'ut anaqwan laa'ex chik li saqenk rik'in li Qaawa'. Chexwanq jo' ralal xk'ajol li saqenk.

Isaías 42:7

re xteeb'al xsa' ruheb' li mutz', re rach'ab'ankileb' li wankeb' sa' tz'alam ut re risinkileb' chi tz'apam li wankeb' sa' li aak'ab'.

San Juan 12:46

Laa'in li saqenk ut xinchalk sa' ruuchich'och' re naq chixjunil li taapaab'anq we, ink'a' tkanaaq sa' li aak'ab'.

San Juan 8:12

Li Jesus kiraatinaheb' wi' chik li tenamit ut kixye reheb': —Laa'in li xsaqenk li ruuchich'och'. Li taataaqenq we, ink'a' taab'eeq sa' li aak'ab', wanq b'an li xsaqenk li yu'am rik'in.

San Juan 9:5

Naq toj wanqin sa' li ruuchich'och', laa'in xsaqenk li ruuchich'och'.

Salmos 107:14

kirisiheb' sa' li aak'ab' ut sa' li q'oqyink, ut kixt'upi li kareen b'ak'b'ookeb' wi'.

Salmos 107:10

Ke'wank chaq sa' li aak'ab' ut sa' li q'oqyink, chapchookeb' rik'in kareen ut rik'in ch'iich',

Isaías 49:9

re xyeeb'al reheb' li wankeb' sa' tz'alam: «Elenqex chaq», ut li wankeb' chaq sa' aak'ab': «K'utomaq eerib'». Sa' chixjunileb' li b'e te'xtaw chaab'il pach'aya' jo'wi' xwaheb' li ketomq chiru chixjunileb' li tzuul.

San Juan 1:9

Li tz'aqal saqenk li naxkutanob'resi chixjunileb' yo chaq chi chalk sa' ruuchich'och'.

Salmos 23:4

Us ta tinnume'q chiru q'oqyinkil taq'a, maak'a' k'aru tinxiwa laa'in, xb'aan naq wankat wik'in, at Qaawa'; laab'aar ut laaxuq' neke'xk'ojob' inch'ool.

San Lucas 2:32

a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Romanos 3:17

Ink'a' xnawomeb' ru xb'ehil li tuqtuukil usilal;

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Isaías 59:8

Ink'a' neke'xnaw li xb'ehil li tuqtuukilal, chi moko neke'xb'aanu li tiikilal; neke'xjal ru li k'ulub'ej: maajun sa' xyanqeb' li neke'taaqenk re li xb'eheb', toxtaw li tuqtuukil usilal.

Isaías 48:22

Ab'an maak'a' tuqtuukilal cho'q reheb' li ink'a' useb' xna'leb' -chan li Qaawa'-.

Salmos 44:19

Ink'a' xoosutq'iik chiqix re aakanab'ankil, chi moko xoo'elk ta sa' laab'e re aatz'eqtaanankil.

Salmos 25:12

Ma wank junaq napaab'ank re li Qaawa'? A' ajwi' li Yos taak'utuq chiru li b'e tento tixk'am.

Proverbios 3:17

Xtaaqenkil li xnums, a'an q'axal sahilal; wi tatb'eeq jo' naxye a'an, tatwanq sa' tuqtuukilal.

Li xHu LAJ JOB 10:22

xik we rik'ineb' li wankeb' sa' xmu li kamk, b'arwi' wank li rahil ch'oolej chi junelik”.

Isaías 48:17

Jo'ka'in kixye li Qaawa', laj Kolol aawe, li xSant laj Israel: “Laa'in li Qaawa', laaYos; laa'in nink'ut chawu li k'aru us cho'q aawe ut nakatinb'eres sa' li b'e tento taak'am.

Proverbios 8:20

Laa'in ninb'eek sa' li tiikilal, ut sa' xb'ehil li tz'aqal yaal,

Li xHu LAJ JOB 3:5

Li aak'ab' ut li mu chisutunq re, li choql chimuheelanq re ut chixib'esiiq xb'aan xmuhenkil rib'eb' li saq'e ut li po.

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.