San Lucas 1:76 - Q'eqchi Bible

⁷⁶ Ut laa'at, k'uula'al, xpropeet li Nimajwal taak'ab'a'in, xb'aan naq tatxik chi uub'ej chiru li Qaawa' chi xkawresinkil li xb'e,

Li Santil hu

⁷⁶ At cualal, la̱at xprofeta li nimajcual Dios. La̱at tatxic xbe̱n cua chiru li Ka̱cuaꞌ ut ta̱chꞌolob lix ya̱lal chiruheb li tenamit re nak teꞌxcauresi ribeb chixcꞌulbal li Ka̱cuaꞌ.

San Lucas 1:76 ပူးပေါင်းရင်းမြစ်များ

Malaquías 3:1

Li Nimajwal Yos kixye chi jo'ka'in: “K'ehomaq reetal, laa'in tintaqla lintaql re xtuqub'ankil linb'e. Chi seeb' li Qaawa', li yookex chi xsik'b'al, taa'ok sa' li rochoch. Chalk re laj yehol resil li sumwank, li raaro eeb'aan!”.

San Juan 1:23

Kixye laj Jwan: —Laa'in li xyaab' kuxej naxjap chaq re sa' li chaqich'och': «Tiikob'resihomaq xb'e li Qaawa'», jo' kixye li propeet Isaías.

San Mateo 14:5

Ut kiraj raj xkamsinkil, ab'an kixxiwaheb' ru li tenamit, xb'aan naq a'an propeet chiruheb'.

San Mateo 3:3

Li propeet Isaías ki'aatinak junxil chirix laj Jwan naq kixye chi jo'ka'in: “Xyaab' xkux li japjo re sa' li chaqich'och': «Tuqub'omaq li xb'e li Qaawa', tiikob'resihomaq li ruq' b'e chiru»”.

Hechos 16:17

Li ixqa'al ki'ok chi xtaaqenkil laj Pablo jo'wi' laa'o, japjo re chi xyeeb'al: —Eb' li winq a'in xmooseb' li Nimajwal Yos: neke'xk'ut cheru xb'ehil li kolb'a ib'.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

San Lucas 1:32

A'an nimaq xwankil ut ralal li Nimajwal tixk'ab'a'in. Li Qaawa' Yos tixk'e re li xk'ojarib'aal laj David li xyuwa'.

San Marcos 11:32

Ab'an, ma tqaye naq yal reheb' li winq?”. Neke'xxiwa ruheb' li tenamit, xb'aan naq laj Jwan a'an tz'aqal propeet chiruheb' chixjunil.

San Juan 3:28

Laa'ex nekenaw chi us naq xinye: «Moko laa'in ta li Kriist, yal taqlanb'ilin b'an chaq chiru a'an».

San Juan 1:27

a' li yo chaq chi chalk chiwix, ut laa'in moko ink'ulub' ta xhitb'al xk'aamal li xxaab'.

San Lucas 6:35

“A'ut laa'ex cherahaqeb' li xik' neke'ilok eere, chex'usilanq ut chexk'ehoq chi to' chi ink'a' teeroyb'eni reeqaj: jo'kan naq nimaq leeq'ajkamunkil ut laa'exaq ralal li Nimajwal, xb'aan naq A'an chaab'il rik'ineb' li ink'a' neke'xnaw yoxink ut rik'ineb' li ink'a' useb' xch'ool.

San Mateo 21:26

Ab'an wi tqaye naq rik'ineb' li winq, naqaxiwa ruheb' li tenamit xb'aan naq laj Jwan a'an propeet chiruheb' chixjunil”.

San Mateo 3:11

Laa'in ninkub'si eeha' yal rik'in ha', re naq teeyot' eech'ool teejal eek'a'uxl; ab'an li yo chi chalk chiwix a'an q'axal nim xwankil chiwu, ut laa'in ink'a' ink'ulub' xk'amb'al li xxaab'. A'an tixkub'si eeha' rik'in Santil Musiq'ej ut xam.

Malaquías 4:5

“K'ehomaq reetal. Tintaqla eerik'in li propeet Elías rub'elaj li xKutankil li Qaawa', a'an xnimal ru kutan ut q'axal xiwajel ajwi'.

Salmos 87:5

Chirix li tenamit Sión taayemaanq: “Chixjunileb' xe'yo'laak arin”. A' li Nimajwal Yos kik'ojob'ank re.